1 Samuel 24 - Ṅmãle̱ Kroṅkroṅ Le̱

¹ Ni David dše dše̱i ni eyahĩ Engedi te̱kplo le̱ mli.

² Ni eba mli ake̱, beni Saul kũ ese̱ ke̱-dše̱ Filistibii le̱ ase̱nyiemo̱ eba le̱, abagbale̱ ake̱: Na, David ye̱ Engedi ṅã le̱ no̱.

³ Ke̱ke̱ ni Saul ṅõ hĩĩ akpei-etẽ ní ahalaame̱ ke̱-dše̱ Israel ſë mli, ni eyiṅ ete eyatao David ke̱ ewebii le̱ ye̱ dùdši ate̱sāi le̱ ano̱.

⁴ Ni beni eše̱ tōiatšũi le̱ ahe ye̱ gbe̱ le̱ no̱, heni te̱kplo ko yo̱ le̱, Saul te mli ní eyawa enane; ši *David ke̱ ewebii le̱ trá bu le̱ se̱gbe̱. *Lal. 142,1.

⁵ Ni David webii le̱ kē̱le̱ ake̱: Na, gbĩ ní Iehowa kē̱o ake̱: Na, madšie ohenye̱lo̱ le̱ mawo odeṅ, koni ofele̱ bo̱ni sa ohĩe le̱, ne̱! Ke̱ke̱ ni David te ši, ni eyafo Saul bó le̱ nā nĩgī̃.

⁶ Ši fe se̱ le̱ eba mli ake̱ David tšuiṅ fole̱ w̌ī ye̱ Saul bò le̱ nā ni eyafo le̱ hewo̱.

⁷ Ni ekē̱ ewebii le̱ ake̱: Iehowa aka-hã ene̱ mīgbalemi fõṅfõ ake̱ mafe minuṅtšo̱, moni Iehowa efo̱le̱ mũ le̱, ne̱ke̱ noko, ake̱ *makpā minine mli ye̱ eno̱; edšake̱ moni Iehowa efo̱le̱ mũ dšile̱. *2 Sam. 1,14. Lal. 105,16.

⁸ Ni David ke̱ ne̱ke̱ wiemo̱i ne̱ wale ewebii le̱, ní ekplẽẽame̱ ní ame̱te ši ame̱wo Saul. Ni Saul te ši ke̱-dše̱ te̱kplo le̱ṅ ni eyi egbe̱ le̱ no̱.

⁹ Ke̱ke̱ ni fe se̱ le̱ David hũ te ši ni edše kpo ke̱-dše̱ te̱kplo le̱ mli, ni eyablo̱ Saul yise̱ ekē̱: Minuṅtšo̱ maṅtše̱! Ni beni Saul kwe̱ ese̱ le̱, David ke̱ ehĩe bu ši ni ekotole̱.

¹⁰ Ni David kē̱ Saul ake̱: Mẽhewo̱ oboo̱ mei anā wiemo̱i atoi ake̱: Na, David mītaoö efõṅ le̱?

¹¹ Na, ṅme̱ne̱ gbĩ ne̱ ona ke̱ ohĩṅme̱ii, bo̱ni Iehowa dšieo ewo mideṅ ṅme̱ne̱ ye̱ te̱kplo le̱ mli; ni meikomei kē̱mi ake̱ migbeo, ši kẽle̱ migbeeo, ni mikē̱: Mikpãṅ minine mli ye̱ minuṅtšo̱ no̱; edšake̱ moni Iehowa efo̱le̱ mũ dšile̱!

¹² Asaṅ mitše̱, kwe̱, hẽ, kwe̱ obò le̱ nābu mihĩe ye̱ mideṅ ne̱t edšake̱ nõ kẽ ní mifo obò le̱ nābu ní migbeeo ne̱, ná ole ni oyo ake̱ efõṅ ko lo tõmo̱ ko be̱ miyiṅ, ni mĩfekoö eša ko, ši kẽle̱ bo le̱ ōgbo̱bi misusuma ni ogbemi.

¹³ Iehowa akodšo mike̱o teṅ, ni Iehowa noṅṅ ato̱ mihe owele ye̱ one̱; ši mi le̱ minine esaṅ ohe! Rom. 12,19. 1 Pet. 2,23.

¹⁴ Take̱ bo̱ni blema abe̱ le̱ kē̱o̱ le̱: Meifõdši adeṅ nõfõṅ dše̱o̱; ši mi le̱ minine esaṅ ohe.

¹⁵ Namo se̱ po Israel maṅtše̱ efã kpo ke̱-nyie ne̱? namo po otiuo̱ ne̱? Gbé gbonyo ni, lo̱po ni!

¹⁶ Ši Iehowa aafe atẽṅbulo̱, ni eeko-dšo mike̱o teṅ, ni eekwe̱, ni eeye mi-sane ehãmi, ni eebumi bem ni edšiemi ye̱ odeṅ!

¹⁷ Ni eba mli ake̱, beni David ke̱ Saul ewie ne̱ke̱ wiemo̱i ne̱ egbe nā le̱, Saul kē̱: Ogbē ne̱ lo, mibi David? Ni Saul wó egbē no̱ ni efó.

¹⁸ Ni ekē̱ David ake̱: Odša fèmi; edšake̱ heni ofeo̱mi ekpakpa le̱, bēle̱ mi le̱ mifeo efõṅ.

¹⁹ Nme̱ne̱ otšõ faṅṅ, bo̱ni ofemi edšũrõ ohã, ake̱ nõ kẽ ní Iehowa tumi ewo odeṅ ni ogbeemi le̱.

²⁰ Edšake̱ ke̱ gbomo ko nine še̱ ehenye̱lo̱ no̱ le̱, aso eehã eke̱ ehe aya ſeſēſe? Nohewo̱ le̱ Iehowa aawoö nyõmo̱ kpakpa ye̱ noni ofe ohãmi ṅme̱ne̱ ne̱ hewo̱.

²¹ Ni agbe̱ne̱ le̱, na, *miná mile ake̱ bo kẽ obaye maṅtše̱ le̱, ni Israel maṅtše̱yeli le̱ badamo̱ ši šiṅṅ ye̱ odeṅ. *23,17.

²² Nohewo̱ le̱ agbe̱ne̱ na Iehowa otšõmi ake̱ oflo̱ṅ misešibii ni aaba ye̱ mise̱ le̱ oše̱re̱ṅ oſieṅ, ni ogbeṅ migbe̱i ye̱ mitše̱ we le̱.

²³ Ni David kã Saul kitã le̱. Ke̱ke̱ ni Saul yiṅ ete ewe; ši David ke̱ ewebii le̱ yiṅ ke̱-te te̱kplo le̱ mli.