1 Samuel 22 - Ṅmãle̱ Kroṅkroṅ Le̱

¹ Ke̱ke̱ ni David dše dše̱i ni edšo foi ke̱-te *Adulam te̱kplo le̱ mli. Ni beni enyemimei ke̱ etše̱ we le̱ fẽ nu he le̱, ame̱kpleke ši ke̱-te eṅõ ye̱ dše̱i. *Lal. 57,1.

² Ni mei fẽ ni awaäame̱ yi ke̱ mei fẽ ni hĩe nyõdši ke̱ mei fẽ ni w̌ere̱ eho ame̱he le̱ bua ame̱he nā ke̱-ba eṅõ, ni eye ame̱no̱ asafoatše̱, ni hĩĩ afe ohai-edſe̱ so̱ṅṅ bafata ehe. Kods. 11,8.

³ Ni David dše dše̱i ke̱-te Mizpe ye̱ Moab, ni eyakē̱ Moab maṅtše̱ le̱ ake̱: Ofai ne̱, hã mitše̱ ke̱ minye afã ke̱-ba ní ame̱bahĩ nyeṅõ, ke̱-yaši beyino̱ ní male noni Nyoṅmo̱ aafe ahãmi.

⁴ Ni eṅõame̱ ke̱-te Moab maṅtše̱ le̱ ṅõ, nĩ ame̱ke̱le̱ hĩ ši gbĩĩ abo̱ fẽ ni David yo̱ te̱kplo le̱ mli le̱.

⁵ Ši gbalo̱ Gad kē̱ David ake̱: Kāhĩ te̱kplo le̱ mli, ši dše dše̱i ni oya *Iuda šikpoṅ le̱ no̱. Ni David yiṅ nĩ ete Heret kō le̱ mli. *28,11. Lal. 63,1.

⁶ Ni Saul banu ake̱ ayana David ke̱ mei ni ke̱le̱ yo̱ lo̱. Ni Saul tá ši ye̱ Gibea ye̱ tamarieke-tšo le̱ šišĩ ye̱ goṅkpo̱ le̱ no̱, ni ehĩe ekplo̱ ye̱ edeṅ, ni etšũdši le̱ fẽ damo̱ emase̱i.

⁷ Ke̱ke̱ ni Saul kē̱ etšũdši ní damo̱ ehe le̱ ake̱: Nyeboa toi, nye Benyaminbii! Ani Išai bi le̱ aahã nye fẽ ṅmõdši ke̱ weintromi hũ, ni eewo nye fẽ akpekpei atše̱mei ke̱ ohahai atše̱mei hũ?

⁸ hewo̱ ni nye fẽ tſẽm nyekpãṅ miyi no̱, nĩ mokomoko be̱ ni wóo̱ mitoi no̱, ake̱ *mibi le̱ ke̱ Išai bi le̱ ekpãṅ, ni mokomoko be̱ nyeteṅ ní misane do̱ō̱le̱, ni eewó mitoi no̱, ake̱ mibi le̱ etẽ mitšũlo̱ le̱ ši ewomi, koni ewomi ka, tamo̱ bo̱ni eyo̱ ṅme̱ne̱ gbĩ ne̱! 18,3.

⁹ Ke̱ke̱ ni *Doeg, Edomnyo le̱, ní le̱ hũ edamo̱ Saul tšũdši le̱ amase̱i le̱, here no̱ ni ekē̱: Mina Išai bi le̱ ní eba Nob ye̱ Ahimelek, Ahitub bi le̱, ṅõ; *K. 22. Lal. 52,2.

¹⁰ ni ebi nii ye̱ Iehowa ṅõ ehãle̱, ni *ehãle̱ gbe̱no̱ niyenii, ni Goliat, Filistinyo le̱, klante le̱ hũ eke̱-hãle̱. *21,7-10.

¹¹ Ke̱ke̱ ni Saul tšũ ayakpē oso̱ſo Ahimelek, Ahitub le̱ bi le̱, ke̱ etše̱ we le̱ ní dši oso̱foi ní yo̱ Nob le̱ fẽ ke̱-ba. Ni ame̱fẽ ame̱ba maṅtše̱ le̱ ṅõ.

¹² Ni Saul kē̱: Bo toi, bo Ahitub bi! Ni ekē̱: Nami, minuṅtšo̱!

¹³ Ni Saul kē̱le̱ ake̱: Mēba nyekpãṅ miyino̱, bo ke̱ Išai bi le̱, koni ohãle̱ niyenii ke̱ klante, ni obi nii ye̱ Nyoṅmo̱ ṅõ hũ ohãle̱, koni ete ši ewomi ni ewomi ká, tamo̱ bo̱ni eyo̱ ṅme̱ne̱ gbĩ ne̱?

¹⁴ Ni Ahimelek to he ehã maṅtše̱ le̱ ni ekē̱: Ši otšũdši le̱ fẽ ateṅ namo po dši ano̱kwafo tamo̱ David, ni edši *maṅtše̱ šānū, ni oke̱le̱ too̱ adšina, ni ehĩe yo̱ nyam ye̱ owe le̱? 18,22. 27.

¹⁵ Ani ṅme̱ne̱ dãni mibōi Nyoṅmo̱ nibimo̱ ke̱ le̱ hãmo̱? Ene̱ akagbalemi fṍṅfõ! Maṅtše̱ akaṅõ sane efõ etšũlo̱ no̱ lo mitše̱ we le̱ fẽ no̱; edšake̱ emli bibiō dšio, ewulu dšio, otšũlo̱ lee mli ekomeflo.

¹⁶ Ši maṅtše̱ le̱ kē̱: Ahimelek, dša agbeo, bo ke̱ otše̱ we le̱ fẽ!

¹⁷ Ni maṅtše̱ le̱ kē̱ hebulo̱i ní damo̱ emase̱i le̱ ake̱: Nyetšṍmo̱a nyehe ní nyegbea Iehowa oso̱foi le̱; edšake̱ ame̱ hũ ame̱nine fata David he, ni asaṅ ame̱le ake̱ foi edšeo̱ le̱, ni ame̱wóó mitoi no̱! Ši maṅtše̱ le̱ tšũdši le̱ ekplẽẽ ake̱ ame̱-akpã ame̱nine mlĩ ye̱ Iehowa oso̱foi le̱ ano̱.

¹⁸ Ke̱ko̱ ni maṅtše̱ le̱ kē̱ Doeg ake̱: Bo le̱, tšṍ ohe, ni oṅõ-to oso̱foi le̱ ano̱! Ni Doeg, Edomnyo le̱, tšṍ ehe, ni eṅõ-to oso̱foi le̱ ano̱, ni nakai gbĩ le̱ no̱ le̱ egbe hĩĩ nyoṅmai-kpānyo̱ ke̱ enumo̱ so̱ṅṅ ni wo klala efod.

¹⁹ Ni *Nob ni dši oso̱foi le̱ amaṅ le̱, eke̱ klante gbe emli bii le̱, bii ke̱ yei, gbekẽbii ke̱ fufo̱bii, ke̱ tšinai ke̱ tedšii ke̱ tōi fẽ le̱ eke̱ klante gbe. *31,2.

²⁰ Ši Ahitub bi Ahimelek bihĩĩ le̱ ateṅ mokome ni atšé̱o̱le̱ Abiatar le̱ dše mli ni edšo foi ke̱-tiu David.

²¹ Ni Abiatar yagba David ake̱ Saul egbe Iehowa oso̱foi le̱.

²² Ni David kē̱ Abiatar ake̱: Nakai gbĩ le̱ bēbe ni *Doeg, Edomnyo le̱, yo̱ dše̱i le̱ mile ake̱ kē̱mo̱ noṅṅ ebaya eyakē̱ Saul: mi mihã ene̱ ba otše̱ we le̱ susumai le̱ fẽ ano̱ ne̱! *K. 9.

²³ Oke̱mi ahĩ ši, kāše gbeyei! edšake̱ moni taoo̱ mi agbe, le̱ noṅṅ taoo̱ bo hũ agbe; ši ke̱ oye̱ miṅõ le̱, oofe ſeſēſe.