1 Samuel 16 - Ṅmãle̱ Kroṅkroṅ Le̱

¹ Ni Iehowa kē̱ Samuel ake̱: Mẽ beyino̱ noṅṅ ooye Saul he ṅko̱mo̱ ke̱-yaši, edšake̱ ona ake̱ *mikwale̱ Israel no̱ maṅtše̱ le̱ yeli? Wo okoṅ le̱ mli mũ obo, ni oya; mibatšũo Išai, Betlehemnyo le̱, ṅõ; edšake̱ miná maṅtše̱ ye̱ ebihĩĩ le̱ ateṅ. *16,33. 36.

² Ni Samuel kē̱: Té mafe tēṅ ni mateṅ? Kē̱ Saul nu he le̱, eegbemi. Ni Iehowa kē̱: Nō tšinabi ohĩe odẽ ke̱-ya, ni oyakē̱: Miba mibašã afo̱le mahã Iehowa.

³ Ni okpē Išai ke̱-ba afo̱le le̱ he, m matšõo noni ofe, ni ofo̱ moni matšõo le̱ mũ ohãmi.

⁴ Ni Samuel fe noni Iehowa kē̱ le̱, ni eba Betlehem. Ni mã le̱ṅ onukpai le̱ ke̱le̱ bakpe ke̱ hekpokpomo̱, ni ame̱kē̱: *Toiṅdšo̱le̱ mli obaä ne̱ lo? *2 Maṅ. 9,18.

⁵ Ni ekē̱: Toiṅdšo̱le̱ṅ! afo̱lešã ke̱ Iehowa hãme̱ miba ne̱; nyetšūa nyehe ní nyeke̱mi ayaä afo̱le le̱ he! Ni etšū Išai ke̱ ebihĩĩ le̱ ahe, ni ekpēame̱ ke̱-te afo̱le le̱ he.

⁶ Ni eba mli ake̱, beni ame̱ba ni ena Eliab le̱, ekē̱: Moni Iehowa efo̱le̱ mũ le̱ damo̱ ehĩe ne̱!

⁷ Ši Iehowa kē̱ Samuel ake̱: Kākwe̱ *ehĩeṅtšo lo ekwo̱le̱ nyenyereṅṅ le̱; ši misumo̱o̱le̱. Edšake̱ Iehowa kwe̱e̱ nii tamo̱ gbomo; edšake̱ gbomo le̱ ekwe̱o̱ kpono̱gbe̱nii, ši †Iehowa le̱ tšui ekwe̱o̱! *Bo̱f. 10,34. †Lal. 7,10.

⁸ Ke̱ke̱ ni Išai tšé̱ Abinadab, ni ehã ebaho ye̱ Samuel hĩe. Ni ekē̱: Mone̱ hũ Iehowa halakole̱!

⁹ Ni Išai hã Šama baho. Ni ekē̱: Mone̱ hũ Iehowa halakole̱!

¹⁰ Ke̱ke̱ ni Išai hã *ebihĩĩ le̱ ateṅ mei kpawo baho ye̱ Samuel hĩe. Ši Samuel kē̱ Išai ake: Iehowa halako mene̱mei! *1 Kron. 2,13-15.

¹¹ Ni Samuel kē̱ Išai ake̱: Ani obla-ĩĩ le̱ fẽ ne̱? Ni ekē̱: Eſe̱ ame̱teṅ *gbekẽ le̱, ní na, ēkwe̱ tōi. Ni Samuel kē̱ Išai ake̱: Tšũ ni ayaṅõle̱ ke̱-ba; edšake̱ wo̱-woṅ šitrámo̱, ake̱ dša eba bie̱ dã. *17,14.

¹² Ni etšũ ni ayaṅõle̱ ke̱-ba. Ši etšuo̱õ ke̱ ehĩṅme̱ii fe̱o, ni kē̱ okwe̱le̱ hũ, ehe ye̱ fe̱o. Ni Iehowa kē̱: Te ši! ni ofo̱le̱ mũ; edšake̱ le̱ pi ne̱!

¹³ Ke̱ke̱ ni Samuel wó mũ ke̱ koṅ le̱, ni *eṅō-fo̱le̱ ye̱ enyemimei le̱ ateṅ. Ni Iehowa Mumo̱ yi David no̱ ke̱-dše̱ ne̱ke̱ gbĩ ne̱ no̱ ke̱-yaä ne̱ fē. Ke̱ke̱ ni Samuel te ši, ni eyiṅ ete Rama. *2 Sam. 2,5; 5,3.

¹⁴ Agbe̱ne̱ Iehowa Mumo̱ le̱ edše Saul no̱, ni Iehowa hãa mumo̱ fõṅ ko bahaoo̱le̱. 18,10.

¹⁵ Ni Saul tšũdši le̱ kē̱le̱ ake̱: Na, mumo̱ fõṅ ko Nyoṅmo̱ ehã haoo̱o ne̱!

¹⁶ Wo̱nuṅtšo̱ akē̱ etšũdši ní damo̱ ehĩe ne̱, ní ame̱yatao nū ko ni le saṅkũtſā mli kwāsoi le̱ fẽ; ni aaba mli ake̱ kē̱ Nyoṅmo̱ hã mumo̱ fõṅ le̱ ba ono̱ le̱, koni etſa, ní ahĩ ahão. 2 Maṅ. 3,15.

¹⁷ Ni Saul kē̱ etšũdši le̱ ake̱: Bĕle̱ nyeyataoa nū ko ni le saṅkũtſā dšogbāṅ nyehãami, ni nyeke̱le̱ abaä miṅõ.

¹⁸ Ni oblahĩī le̱ ateṅ mokome here no̱ ni ekē̱: Na, mina Išai, Betlehemnyo le̱, binū ko ni le saṅkũtſā dšogbāṅ, ni nū kãkãlo̱ ke̱ tawulo̱ dšile̱, ele nii ni ehe hũ ye̱ fe̱o, ni Iehowa ke̱le̱ ye̱.

¹⁹ Ke̱ke̱ ni Saul tšũ bo̱foi ke̱-te Išai ṅõ, ekē̱: Hã obi David ní ke̱ tōi le̱ yo̱ le̱ aba miṅõ!

²⁰ Ni Išai ṅõ tedši, ni eke̱ abolo ke̱ wein-ke̱-woloto̱ ke̱ abotiabi tĕrele̱, ni eke̱-tšṍ ebinū David nine no̱ amādše Saul.

²¹ Ni David ba Saul ṅõ, ni ebasúmo̱le̱, ni esumo̱le̱ naakpa, ni etšṍ etawūniihĩelo̱.

²² Ni Saul tšũ ate Išai ṅõ ayakē̱le̱ ake̱: Hã David asúmo̱mi, edšake̱ mīsumo̱ esane.

²³ Ni ebaã mli ake̱, ké̱ Nyoṅmo̱ hã *mumo̱ le̱ ba Saul no̱ le̱, David ko̱ō̱ saṅkũ ni etſaä: ni Saul he dšo̱ō̱le̱ ni ehĩo̱ ehãale̱, ni mumo̱ fõṅ le̱ dšeo̱ eno̱ eyaã. *K. 15.