1 Petro 3 - Ṅmãle̱ Kroṅkroṅ Le̱

¹ Nakai noṅṅ nye *yeigbãyei le̱ hũ, nyebaä nyehe ši nyehãa nyedientše̱ nyewùmei le̱, koni, ké̱ meikomei boo wiemo̱ le̱ toi tete le̱, ašĩ wiemo̱ le̱ se̱ ni atšṍ yei le̱ adšeṅba no̱ ní nine aše̱ ame̱no̱, *Ef. 5,22.

² edšake̱ amenaä nyedšeṅba ní hetšemo̱ ke̱ gbeyeišemo̱ yo̱ mli le̱.

³ Ni nyeke̱ yigbō̱ ke̱ šikawō ke̱ atadewō akafe nyehewulamo̱, Ies 3,18-24. 1 Tim. 2,9.

⁴ ši moṅ nyetšuiiaṅ gbomo ní aṅõ-tē le̱, ye̱ mumo̱ ní he dšo̱ ní yo̱ kpō le̱ nibii ní fitee le̱ amli, no dši noni dšra wa ye̱ Nyoṅmo̱ hĩe.

⁵ Edšake sá le̱, nakai yei kroṅkroṅi le̱ hũ ní hĩe kã Nyoṅmo̱ no̱ le̱ wula ame̱he, ni ame̱ba amehe ši ame̱hã ame̱-dientše̱ ame̱wùmei,

⁶ tamo̱ boni Sara bo Abraham toi, ni *etšé̱le̱ nuṅtšo̱ tete le̱, mo biyei ní nyedši, ké̱ nyefeo̱ ekpakpa ni nyešee haomo̱ ko gbeyei le̱. *1 Mose 18,12.

⁷ Nakai noṅṅ kẽ nye *wùmei, nyeke̱ame̱ ahĩa ši ye̱ nilē nā, ni nyeke̱ wō awoa yō ake̱ nõ ní he waa tūtu ko, ake̱-ní ame̱ke̱nye fẽ dši wala dromo̱ le̱ wo̱fasei le̱, koni akatšĩmo̱ nyeso̱lemo̱i le̱ agbe̱. *Ef. 5,25.

⁸ Ši nāgbẽ le̱, nyefẽ nyehĩea dſẽṅmo̱ kome, nyenanaä nyehãa nyehe, nyedo̱a nyehe ake̱ nyemimei, nyemli adšo̱a ahãa nyehe, nyedſẽṅa hešibādſẽṅmo̱,

⁹ nyeke̱ efõṅ akatoa efõṅ nãdšiaṅ alo dše̱mo̱ ye̱ dše̱mo̱ nãdšiaṅ, ši moṅ nyedšō̱a, edšake̱ nyele ake̱ ene̱ hewo̱ atšé̱nye, koni nyenine aše̱ dšō̱mo̱ le̱ no̱. 1 Tes. 5,15.

¹⁰ *Ši moni taoo ake̱ etše̱ ye̱ dšeṅ ní ena gbĩĩ kpakpai le̱, †hã emõ elile̱i mli ke̱-dše̱ efõṅ he, ke̱ enabu hũ, koni ekawie apasa wiemo̱; *Lal. 34,13-17. †Iak. 1,26.

¹¹ ew̌i eſõṅ ni efe ekpakpa, etao hedšo̱le̱ ni enyie no se̱.

¹² Edšake̱ Nuṅtšo̱ le̱ hĩṅme̱ii kã dšalo̱i ahe, ni eboo̱ ame̱faikpamo̱ toi; ši mei ní feo̱ niſõdšianii le̱, Nuṅtšo̱ le̱ edšie ehĩe ekaame̱.

¹³ Ni ké̱ nyedši mei ní bo̱ö̱ ekpakpa he mo̱deṅ le̱, namo dši moni aafenye efõṅ?

¹⁴ Ši *ké̱ dšale̱ hewo̱ nyenaä amanehũlũ tete le̱, adšō̱nye. Ši nyekašea-ame̱ gbeyei, ni nyekahaoa hũ, *2,20.

¹⁵ ši Nuṅtšo̱, Kristo le̱, *nyebuale̱ kroṅkroṅ ye̱ nyetšuii amli; ni dāne̱ nyesaä nyehe nyetoa, koni nyená hetō nyehã mofẽmo ní bio̱nye hĩeno̱kãmo̱ ní yo̱ nyemli le̱ šiši le̱, ke̱ mlidšo̱le̱ ke̱ gbeyeišemo̱. *Ies. 8,13.

¹⁶ ni nyehĩe henilē kpakpa, koni nõ mli ní ame̱wie nyehe ake̱ efõṅfelo̱i ye̱ le̱, mei ni gbe nyedšeṅba kpakpa ní yo̱ Kristo mli le̱ he guo̱ le̱ ahĩe agboi.

¹⁷ Edšake̱, ké̱ Nyoṅmo̱ mīsumo̱ ake̱ nyena amanehũlũ le̱, ehĩ moṅ ake̱ nyeana ake̱ ekpakpafelo̱i fè noni nyeana ake̱ efõṅfelo̱i. K. 14.

¹⁸ Edšake̱ Kristo hũ na amanehũlũ ye̱ ešai ahewo̱ šikome, le̱ dšalo̱ le̱ ye̱ mei ní edšaa le̱ anãdšiaṅ, koni eke̱wo̱ aya Nyoṅmo̱ ṅõ, ni agbele̱ ye̱ helo gbe̱fãṅ moṅ, ši ahãle̱ wala ye̱ mumo̱ gbe̱fãṅ, 2,21-24. Ef. 2.18.

¹⁹ emli noṅṅ etšṍ ke̱-te *mumo̱i ní awoame̱ tšũṅ le̱ aṅõ, eyašie̱ etšõame̱, *4,6.

²⁰ mei ní blema le̱ ame̱boo toi, beni Nyoṅmo̱ ṅmẽ etšui ši ni emẽame̱ āhũ ye̱ Noa gbĩĩ le̱ amli, beni afeo̱ adeka kpeteṅkple le̱, *nõ mli ní ahere mei fiō, ní dši mei kpānyo̱ le̱, asusumai ayiwala ye̱ ke̱-tšṍ nu mli le̱, *1 Mose 7,7. 17.

²¹ no noṅṅ agbe̱ne̱ ehereo̱ wo̱ hũ wo̱yiwala ye̱ *baptisimo̱ ní ake̱ no to he okadi le̱ mli, noni dšee hewolo no̱ mũdši dšiemo̱, ši moṅ edši henilē kpakpa kpãṅmo̱ ní eke̱ Nyoṅmo̱ kpãṅo̱, ke̱-tšṍ Iesu Kristo šitē le̱ no̱, *Ef. 5,26.

²² moni yo̱ Nyoṅmo̱ *ninedšŭrõ no̱, ake̱-ní ete ṅwei, ni aṅõ ṅwei bo̱foi ke̱ hegbe̱i ke̱ hewale̱i awo ešiši le̱. *Ef. 1,20. 21.