1 Mose 7 - Ṅmãle̱ Kroṅkroṅ Le̱

¹ Ni Iehowa kē̱ Noa akē̱: Bo ke̱ owe lē̱ fẽ abote adeka le̱ mli; edšake̱ bo mina ake̱ dšalo̱ dšio ye̱ mihĩe ye̱ ne̱ke̱ yino̱ ne̱ṅ.

² Ṅõ koloi ni *he tše le̱ fẽ ateṅ kpawo kpawo, nū ke̱ yō, ke̱ koloi ní he tšee le̱ enyo̱nyo̱, nū ke̱ yō, *8,20. 3 Mose 11.

³ ke̱ ṅwei lofṍdši hũ kpawo kpawo, nū ke̱ yō, ofata ohe, koni ake̱-here seši yiwala ye̱ šikpoṅ le̱ fẽ no̱.

⁴ Ši eſe̱ bie̱ gbĩĩ kpawo ni mahã nu abane̱ ye̱ šikpoṅ le̱ no̱ ſaneſane ke̱ nyōṅnyõṅ gbĩĩ nyoṅmai-edſe̱, ni makpãtã nii fẽ ni hĩe kãmo̱ ni mife le̱ hĩe ke̱-dše šikpoṅ le̱ no̱.

⁵ Ni Noa fe bo̱ni Iehowa fã́le̱ le̱ pe̱pē̱pe̱. *6,22.

⁶ Ni Noa eye afii ohai-ekpa, beni nu afua le̱ ba šikpoṅ le̱ no̱ le̱.

⁷ Ni Noa ke̱ ebii ke̱ eṅã ke̱ ebii le̱ aṅãmei le̱ bote adeka le̱ mli ye̱ nu afua le̱ hewo. 1 Pet. 3,20.

⁸ Ni koloi ní he tše, ke̱ koloi ní he tšee, ke̱ lofõdši ke̱ nii ní wamoo̱ ye̱ šikpoṅ,

⁹ enyo̱nyo̱ dše̱ ame̱teṅ te Noa ṅõ ye̱ adeka le̱ mli, nū ke̱ yō, take̱ bo̱ni *Ie-howa fã́ Noa le̱. *6,19.

¹⁰ Ni eba mli ake̱ gbĩĩ kpawo le̱ se̱ le̱ nu afua le̱ ba šikpoṅ le̱ no̱.

¹¹ Noa wala be mli afi ni dši afi ohai-ekpa le̱ mli, ye̱ nyõṅ ní dši enyo̱ le̱ no̱ gbĩ ni dši gbĩ nyoṅma ke̱ kpawo le̱ no̱, nakai gbĩ le̱ no̱ noṅṅ ni bu wulu kwo̱ṅ-kwo̱ṅ le̱ hĩṅme̱ii fẽ fle̱, ni agble ṅwei samfe̱dši le̱;

¹² ni nyoṅmo̱ tue ye̱ šikpoṅ le̱ no̱ ſaneſane ke̱ nyōṅnyōṅ gbĩĩ nyoṅmai-edfe̱.

¹³ Nakai gbĩ le̱ no̱ noṅṅ Noa ke̱ ebii le̱, Šem ke̱ Ham ke̱ Iafet, ke̱ Noa ṅã le̱ ke̱ ebii le̱ aṅãmei etẽ le̱ bote adeka le̱ mli,

¹⁴ ame̱ke̱ koloi fẽ ye̱ ame̱hene̱, ke̱ šĩa koloi fẽ ye̱ ame̱heno̱, ke̱ wāmo̱nii fẽ ni wamoo̱ ye̱ šikpoṅ le̱ no̱ ye̱ ame̱heno̱, ke̱ lofõdši fẽ ye̱ ame̱hene̱, fidšiatše̱mei fẽ ke̱ flikilo̱i fẽ;

¹⁵ ni helo fẽ ni wala mumo̱ yo̱ mli le̱ ateṅ enyo̱nyo̱ ba Noa ṅõ ye̱ adeka le̱ mli.

¹⁶ Ni nii ní baä le̱, ame̱baä le̱ nū ke̱ yō nū ke̱ yō, ke̱-dše̱ helo fẽ mli, take̱ bo̱ni *Nyoṅmo̱ fã́le̱ le̱. Ni Iehowa ṅã́ eyi. 6,19.

¹⁷ Ni nu afua le̱ damo̱ šikpoṅ le̱ no̱ gbĩĩ nyoṅmai-edſe̱; ni nui le̱ fá, ni ame̱wó adeka le̱ ne̱, ni ame̱tẽle̱ ši ke̱-dše̱ šikpoṅ le̱ no̱.

¹⁸ Ni nui le̱ he ši ni efá babaō ye̱ šikpoṅ le̱ no̱; ni adeka le̱ te̱o nui le̱ ahĩe.

¹⁹ Ni nui le̱ he ši ye̱ šikpoṅ le̱ ne̱ āhũ po, ni eba gõdši ni kwŏ̱lo̱ fẽ ni yo̱ ṅwei šiši fẽ no̱.

²⁰ Ninetalo̱i nyoṅma ke̱ enumo̱ nui le̱ kwo̱ ke̱-teke gõdši ni eha ame̱no̱ le̱ ano̱.

²¹ Ke̱ke̱ ni helo-fē-helo ni tšio̱ ehe ye̱ šikpoṅ le̱ no̱, lofõdši ke̱ šĩa koloi ke̱ ṅãno̱ koloi ke̱ wāmo̱nii ní wamoo̱ ye̱ šikpoṅ le̱ no̱ le̱, ke̱ gbomei fẽ plenẽ. 2 Pet. 3,6. Hiob 22,15. 16.

²² Nii fẽ ni mũo̱ wala mumo̱ ye̱ ame̱gugõ mli ye̱ šikpoṅ gbīṅ le̱ no̱ le̱ fẽ gboi.

²³ Ni akpãtã nibii fẽ ni hĩe kãmo̱ ni yo̱ šikpoṅ le̱ no̱ le̱ hĩe ke̱-dše̱ gbomo no̱ ke̱-yaši koloi ke̱ wāmo̱nii ke̱ ṅwei lofo̱dši ano̱; akpãtã ame̱hĩe ke̱-dše̱ šikpoṅ le̱ no̱, ni eſe̱ Noa kome ke̱ mei ní ke̱le̱ yo̱ adeka le̱ mli le̱ ke̱ke̱.

²⁴ Ni nni le̱ damo̱ šikpoṅ le̱ no̱, gbĩĩ oha ke̱ nyoṅmai-enumo̱.