1 Mose 47 - Ṅmãle̱ Kroṅkroṅ Le̱

¹ Ke̱ke̱ ni Iosef ba ebagba Farao ake̱: Mitše̱ ke̱ minyemimei le̱ ke̱ ame̱tōi ke̱ ame̱tšinai ke̱ ame̱nii fẽ ni ame̱ye̱ le̱ edše̱ Kanaan šikpoṅ le̱ no̱ eha, ni na, ame̱ye̱ Gošen ẽikpoṅ le̱ no̱.

² Ni eṅõ enyemimei le̱ ateṅ mei enumo̱ ni eke̱ame̱ yatšõ Farao.

³ Ni Farao bi enyemimei le̱ ake̱: Meni dši nyenitäumo̱? Ni ame̱kē̱ Farao ake̱: Otšũdši le̱, kolokwe̱lo̱i dšiame̱, wo̱ke̱ wo̱tše̱mei le̱ fẽ. 46,33. 34

⁴ Ni ame̱sā ame̱kē̱ Farao akē̱: Gbo̱tō wo̱ba ye̱ šikpoṅ ne̱ no̱, edšake̱ otšũdši le̱ akoloi le̱ náá niyelihe; edšake̱ hõmo̱ le̱ nā ewa ye̱ Kanaan šikpoṅ le̱ no̱; nohewo̱ le̱ agbe̱ne̱ wo̱mīkpao fai ni ohā otšũdši ahĩ Gošen šikpoṅ le̱ no̱.

⁵ Ni Farao kē̱ Iosef akē̱: Otše̱ ke̱ onyemimei le̱ eba oṅõ ne̱;

⁶ Mizraim šikpoṅ le̱ kã ohĩe; šikpoṅ le̱, beni hĩ fè fẽ ni dši Gošen šikpoṅ le̱, hã otše̱ ke̱ onyemimei le̱ ahĩ dše̱i; ni ke̱dši ole ame̱teṅ meikomei ṅí dši gbomei ni sa le̱, no le̱ ṅõame̱ ofe oṅukpai ye̱ mikoloi le̱ ano̱.

⁷ Ni Iosef ke̱ etše̱ Iakob hũ ba ni eke̱le̱ batšõ Farao; ni Iakob dšō̱ Farao.

⁸ Ni Farao bi Iakob ake̱: Afii enyie oye?

⁹ Ni Iakob kē̱ Farao ake̱: Migbo̱tō afii le̱ amli gbĩĩ dši afii oha ke̱ nyoṅmai-etẽ; miwala afii amli gbĩĩ le̱ fáá ko ke̱ emli efõṅ, ni ame̱še̱e̱ mitše̱mei awala afii amli gbĩĩ le̱ ye ame̱gbo̱tō gbĩĩ le̱ amli. Lal. 90,10; 89,13.

¹⁰ Ni Iakob dšō̱ Farao, ni edše Farao hĩe ete.

¹¹ Ni Iosef bã etše̱ ke̱ enyemimei le̱ ašihĩle̱he, ni ehãame̱ šikpoṅ ni atšṍ ame̱nõ ye̱ Mizraim šikpoṅ le̱ heni hĩ fè fẽ ni dši Rameses šikpoṅ le̱ no̱, take̱ bo̱ni Farao efã́le̱ le̱.

¹² Ni Iosef *hãa etše̱ ke̱ enyemimei le̱ ke̱ etše̱ we le̱ fẽ niyenii ye̱ ame̱bii ayibo̱ nā. 45,11.

¹³ Ši niyenii be̱ šikpoṅ le̱ no̱ hekoheko; edšake̱ hõmo̱ le̱ nā ewa naakpa, ni Mizraim šikpoṅ le̱ ke̱ Kanaan šikpoṅ le̱ mīgboi ke̱ hõmo̱.

¹⁴ Ni Iosef bua šika fẽ ni ana ye̱ Mizraim šikpoṅ le̱ no̱ ke̱ Kanaan šikpoṅ le̱ no̱ ni ame̱ke̱-bahe ṅmā̃ le̱ nā, ni Iosef ke̱ šika le̱ ba Farao we le̱.

¹⁵ Ni heni šika tã ye̱ Mizraim šikpoṅ le̱ no̱ ke̱ Kanaan šikpoṅ le̱ no̱ le̱; Mizraimbii fẽ ba Iosef ṅõ ni ame̱hakē̱: Hãwo̱ nii wo̱ye! ši mẽhewo̱ ni ookwé̱ ni wo̱o̱gboi, ake̱-ní we̱šika etã hewo̱ le̱?

¹⁶ Ni Iosef ké̱: Ni nyešika etã ne̱, nyeṅõa nyekoloi nyehãa, ni mahãnye ye̱ nyekoloi le̱ anā.

¹⁷ Ni ame̱ke̱ ame̱koloi le̱ hahā Iosef, ni Iosef hãame̱ niyenii eṅõ-tšake okpo̱ṅo̱i ke̱ tõkui ke̱ tšinakui ke̱ tedšii, ni ehãame̱ niyenii eke̱-he ame̱koloi fẽ nakai afi le̱.

¹⁸ Beni nakai afi le̱ ho le̱, ame̱ba eṅṍ ye̱ afi ni dši enyo̱ le̱ no̱, ni ame̱bakē̱le̱ ake̱: Wo̱ṅõ-tēṅ wo̱nuṅtšo̱ ake̱ wo̱šika ke̱ koloi kui le̱ fẽ etã, ni ake̱-ba wo̱nuṅtšo̱ ṅõ; eſe̱ko nokonoko ye̱ wo̱nuṅtšo̱ hĩe doṅṅ, ake̱ dša wo̱gbomotšei ke̱ wo̱šikpõdši.

¹⁹ Mẽhewo̱ ookwe̱ ni wo̱o̱gboi, wo̱ke̱ wo̱šikpoṅ? Nõ niyenii ohewo̱ ke̱ wo̱šikpoṅ le̱, koni wo̱ke̱ wo̱šikpoṅ le̱ atšṍmo̱ Farao nyṍdši, ni ohãwo̱ dũmo̱nii, koni wo̱yi aná wala, ni wo̱kagboi, ni wo̱šikpoṅ le̱ mīhatšṍ amaṅfõ.

²⁰ Ni Iosef he Mizraim šikpoṅ le̱ fẽ ehã Farao; edšake̱ Mizraimnyo-fẽ-Mizraimnyo hõ ešikpoṅ, edšake̱ hõmo̱ le̱ efèame̱; bo̱ni fe ni šikpoṅ le̱ tšṍ Farao nõ ne̱.

²¹ Ni efãmo̱fãmo̱ mei le̱ eto mãdši le̱ amli ke̱-dše̱ Mizraim kpokpai le̱ anāghēhe kome ne̱ ke̱-yaši nāgbēhe kroko le̱ no̱.

²² Dša oso̱foi le̱ ašikpoṅ le̱ ke̱ke̱ ni ehee; edšake̱ oso̱foi le̱ ye̱ gbe̱nä ko ni Farao hãa-ame̱, ni ame̱gbe̱nã ni Farao hãa-ame̱ le̱ ame̱yeo̱; nohewo̱ le̱ ame̱hõõ ame̱šikpoṅ le̱.

²³ Ke̱ke̱ ni Iosef kē̱ maṅ le̱ ake̱: Na, mihenye ke̱ nyešikpoṅ le̱ ṅme̱ne̱ gbĩ ne̱ mihã Farao; na, nyedũmo̱nii ne̱, ní nyedũ ye̱ šikpoṅ le̱ no̱.

²⁴ Ni aaba mli ake̱, ké̱ eba le̱, nyeaṅõ mlidšāi enumo̱ mli ekome nyehã Farao, ni mlidšāi edſe̱ aatšṍmo̱ nyedientše̱ nyenõ, ni nyedũ eko ye̱ nyeṅmõdši amli, ni nyeye eko, ni nyebii ke̱ nyewebii hũ aye eko.

²⁵ Ni ame̱kē̱: Ohere woyiwala! Hã ni wo̱hĩe aba nyam ke̱ke̱ ye̱ wo̱nuṅtšo̱ hĩe, ni wo̱otšṍmo̱ Farao nyṍdši.

²⁶ Ni Iosef ṅõ ene̱ efe akpo̱ efõ ši ye̱ Mizraim šikpoṅ le̱ no̱ ke̱-baši ṅme̱ne̱, ake̱ Farao aṅõ mlidšãi enumo̱ mli ekome, dša oso̱foi le̱ ašikpoṅ le̱ ke̱ke̱ tšṍṍ Farao nõ.

²⁷ Ni Israel hĩ Mizraim, ye̱ Gošen šikpoṅ le̱ no̱, ni ame̱náná šikpṍdši ye̱ no̱, ni ame̱fo̱fo̱i, ni *ame̱yi fá babaō. *46,3. 2 Mose 1,7. 12.

²⁸ Ni Iakob ye afii nyoṅma ke̱ kpawo ye̱ Mizraim šikpoṅ le̱ no̱; bĕle̱ afii abo̱ ni Iakob ye̱ dši afii oha ke̱ nyoṅmai-edſe̱ ke̱ kpawo.

²⁹ Ni Israel he še̱ ni ebagbo, ni etšé̱ ebi Iosef ni ekē̱le̱ ake̱: Ke̱dši agbe̱ne̱ ši mihĩe eba nyam ye̱ ohĩe le̱, mīkpao fai ni *oke̱ onine abaho̱ miſuo̱ šiši, ni oke̱mi aye ye̱ mlihĩle̱ ke̱ ano̱kwayeli mli, ní okafũmi ye̱ Mizraim; *24,2.

³⁰ ši ké̱ mike̱ mitše̱mei le̱ yawo̱ le̱, owómi ke̱-dše Mizraim, ni oyafũmi ye̱ *amefũhe le̱. Ni eké̱: Mafe bo̱ni okē̱ le̱. 25,9. 10; 49,29-32.

³¹ Ni eké̱: Kãmi kitã! Ni ekále̱ kitã. Ni Israel mã eyi ši ye̱ sātšo le̱ yiteṅ.