1 Mose 46 - Ṅmãle̱ Kroṅkroṅ Le̱

¹ Ni Israel fã ke̱ enibii fẽ ní eyo̱, ni eba *Beeršeba, ni ebašã afo̱le ebā etšē̱ Isak Nyoṅmo̱ le̱. *26,23-26.

² Ni Nyoṅmo̱ kē̱ Israel ye̱ nyōṅ ninā mli ake̱: Iakob, Iakobl Ni ekē̱: Nami!

³ Ni ekē̱: Midši Mawu, otše̱ Nyoṅmo̱ le̱; kāše Mizraim yā gbeyei, ši mabā otšṍ dšeṅmaṅ kpeteṅkple ye̱ dše̱i.

⁴ Mi mike̱o aate Mizraim, ni mike̱o asā aaba ekoṅ; ni Iosef ke̱ enine aakpla ohĩṅme̱ii aſie no̱.

⁵ Ni Iakob wó ehe no̱ ye̱ Beeršeba; ni Israel bihĩĩ le̱ ṅõ ame̱tše̱ Iakob ke̱ ame̱ṅãmei ke̱ ame̱bii ame̱trá ſīlii le̱ ni Farao bã ake̱-bale̱ ṅõ le̱ amli.

⁶ Ni ame̱ṅõ ame̱koloi ke̱ ame̱nibii ni ame̱ná ye̱ Kanaan šikpoṅ le̱ ne̱ le̱, ni ame̱ba Mizraim, Iakob ke̱ eseši le̱ fẽ:

⁷ ebihĩĩ ke̱ ebihĩĩ le̱ abihĩĩ, ebiyei ke̱ ebii abiyei ke̱ eseši fẽ eke̱-ba Mizraim le̱.

⁸ Ni Israelbii le̱ ni ba Mizraim le̱ agbe̱ii ne̱: Iakob ke̱ ebii le̱: Iakob kromo̱bi Ruben. 2 Mose 6,14-15.

⁹ Ni Ruben bii ne̱: Hanok ke̱ Palu ke̱ Hezron ke̱ Karmi.

¹⁰ Ni Simeon bii ne̱: Iemuel ke̱ Iamin ke̱ Ohad ke̱ Iakin ke̱ Zohar ke̱ Saul, Kanaanyō bi le̱.

¹¹ Ni Levi bii ne̱: Geršon ke̱ Kahat ke̱ Merari.

¹² Ni Iuda bii ne̱: Er ke̱ Onan ke̱ Šela ke̱ Perez ke̱ Zera. Ši Er ke̱ Onan gboi ye̱ Kanaan šikpoṅ le̱ no̱. Ni Perez bii dši Hezron ke̱ Hamul. 38,3. 4. 29. 30.

¹³ Ni Isakar bii ne̱: Tola ke̱ Puva ke̱ Iob ke̱ Šimron.

¹⁴ Ni Zebulon bii ne̱: Sered ke̱ Elon ke̱ Iakleel.

¹⁵ Mene̱mei dši Lea bihĩĩ ni eke̱ Iakob fo̱ ye̱ Mesopotamia le̱, ke̱ ebiyō Dina le̱. Ebihĩĩ ke̱ ebiyei le̱ fẽ dši susumai nyoṅmai-etẽ ke̱ etẽ,

¹⁶ Ni Gad bii ne̱: Zifion ke̱ Hagi, Šuni ke̱ Ezbon, Eri ke̱ Arodi ke̱ Areli.

¹⁷ Ni Ašer bii ne̱: Imna ke̱ Išva ke̱ Išvi ke̱ Beria ke̱ ame̱nyemiyō Sera le̱. Ni Beria bii dši Heber ke̱ Malkiel.

¹⁸ Mene̱mei dši Zilpa, moni Laban ṅõ-hā ebiyō Lea le̱, bii; ni mene̱mei eke̱ Iakob fo̱, susumai nyoṅma ke̱ ekpa.

¹⁹ Rahel, Iakob ṅã le̱, bii dši Iosef ke̱ Benyamin.

²⁰ Ni Iosef hũ fo̱ bii ye̱ Mizraim šikpoṅ le̱ no̱; eke̱ On oso̱fo Potifera biyō Asenat le̱ fo̱ Manase ke̱ Efraim. 41,50-52.

²¹ Ni Benyamin bii dši Bela ke̱ Beker ke̱ Ašbel ke̱ Gera ke̱ Naaman ke̱ Ehi ke̱ Roš ke̱ Mupim ke̱ Hupim ke̱ Ard.

²² Mene̱mei dši Rahel bii ní eke̱ Iakob fo̱ le̱, susumai le̱ fẽ dši nyoṅma ke̱ edſe̱.

²³ Ni Dan bii ne̱: Hušim.

²⁴ Ni Naftali bii ne̱: Iakzeel ke̱ Guni ke̱ Iezer ke̱ Šilem.

²⁵ Mene̱mei dši Bilha, moni Laban ṅõ-bã ebiyō Rahel le̱, bii ní eke̱ Iakob fo̱ le̱, snsumai le̱ fẽ dši kpawo.

²⁶ Susumai fē ni ke̱ Iakob ba Mizraim ni dše̱ ehe̱ mli ne̱, sõro ebii le̱ aṅãmei le̱, *susumai le̱ fẽ dši nyoṅmai-ekpa ke̱ ekpa.

²⁷ Ni Iosef bii ni efo̱ ye̱ Mizraim le̱ dši susumai enyo̱. Iakob we le̱ fẽ ni ba Mizraim le̱ nā šio̱ *susumai nyoṅmai-kpawo. *2 Mose 1.5.

²⁸ Ni etšũ Iuda ke̱-tšṍ ehĩe ke̱-te Iosef ṅõ, koni etšõle̱ gbe̱ ke̱-ya *Gošen; ni ame̱ba Gošen šikpoṅ le̱ no̱. *45,10.

²⁹ Ni Iosef sã eſīli ni eyiṅ ete etše̱ Israel kpēmo̱ ye̱ Gošen. Ni beni enale̱ le̱ ebo egbẽ ekue̱ no̱, ni efó eſie ekue̱ no̱ āhũ.

³⁰ Ni Israel kē̱ Iosef ake̱: Agbe̱ne̱ ni mina ohĩe ake̱ oye̱ dšeṅ lolo ne̱, hã magbo. 45,28.

³¹ Ni Iosef kē̱ enyemimei le̱ kē̱ etše̱ we le̱ ake̱: Miya ni miyagba Farao ake̱: Minyemimei ke̱ mitše̱ we le̱ ni yo̱ Kanaan šikpoṅ le̱ no̱ le̱ eba miṅõ;

³² ni gbomei le̱, kolokwe̱lo̱i dšiame̱, ni koloi ame̱lè̱o̱; ni ame̱ke̱ ame̱tōi ke̱ ame̱tšinai ke̱ ame̱nii fẽ ni ame̱ye̱ le̱ eba.

³³ Ni kē̱ aaba mii akē̱ Farao aabatšé̱nye, ni eebinye ake̱: Meni dši nye-nitšumo̱? le̱,

³⁴ nyekē̱ale̱ ake̱: Otšũdši lè̱o̱ koloi kē̱-dše̱ wo̱blahĩaṅ ke̱-baši ṅme̱ne̱, wo̱ke̱ wo̱tše̱mei le̱ fẽ; koni ehã nyehĩ Gošen šikpoṅ le̱ no̱. Edšake̱ Mizraimbii *nyãṅeo̱ mofẽmo ní dši kolokwe̱lo̱ *43,32.