1 Mose 43 - Ṅmãle̱ Kroṅkroṅ Le̱

¹ Ni hõmo̱ le̱ nā wa ye̱ šikpoṅ le̱ no̱.

² Ni eba mli ake̱, beni ame̱ye able ni ame̱yahe ye̱ Mizraim ke̱-ba le̱ etã le̱, ame̱tše̱ kē̱ame̱ ake̱: Nyeyaä ekoṅ nyeyahea niyenii fiõ nyebahāawo̱.

³ Ni Iuda kē̱le̱ ake̱: Nū le̱ gba mli kpō kē̱wo̱ ake̱: Nyenaṅ mihle, ake̱ dša nyenyemi le̱ fata nyehe. 42,15.

⁴ Ke̱dši oohã wo̱nyemi le̱ afata wo̱he ke̱-ya le̱, no le̱ wo̱o̱te ní wo̱yahe niyenii le̱ wo̱bahão;

⁵ ši ke̱dši ohãṅ eya le̱, no le̱ wo̱woṅ yā; edšake̱ nū le̱ kē̱wo̱ ake̱: Nyenaṅ mihĩe, akē̱ dša nyenyemi le̱ fata nyehe.

⁶ Ni Israel kē̱: Menihewo̱ nyefemi eſõṅ ne̱ke̱, ake̱ nyetšĩ tã nyekē̱ nū le̱ ake nyeye̱ nyemi kroko hũ?

⁷ Ni ame̱kē̱: Nū lē̱ biwo̱ ke̱ wo̱weku ši kpẽkpẽkpẽ ake̱: Ani nyetše̱ ye̱ dšeṅ lolo? Ani nyeye̱ nyemi kroko hũ? ni wo̱hãle̱ ne̱ke̱ wiemo̱i ne ahetō. Kole̱ wo̱o̱le ake̱ eekē̱ akē̱: Nyeyaṅõa nyenyemi le̱ ke̱-baä lo? 42,7-18.

⁸ Ni Iuda kē̱ etše̱ Israel ake̱: Ṅõ gbekẽ le̱ ohãmi ke̱-ya, ni wo̱yiṅ ke̱-ya, koni wo̱ke̱o ke̱ wo̱bii ayi aná wala, ni wo̱kagboi.

⁹ Madamo̱ mli ye̱ ehewo̱; bi eši ye̱ mideṅ. Ke̱dši mike̱le̱ ebahãão, ni mike̱le̱ abadamo̱ ohĩe le̱, no le̱ maye oyi sõ ke̱-ya nāno̱.

¹⁰ Ši dšee šõ wo̱fe kũle̱, bene̱ wo̱te wo̱ba šii enyo̱.

¹¹ Ni ame̱tše̱ Israel kē̱ame̱ ake̱: Ke̱dši nakai le̱, no le̱ bo̱ni nyefe ne̱: nyeṅõa šikpoṅ ne̱ no̱ yibii kpakpai le̱ eko nyewoa nyenibii amli, ni *nyeke̱-yakea nū le̱, gbonyowō tšofã fiō ke̱ wò fiō ke̱ tšofã-ke̱-ṅma ke̱ ohe̱ ni dšeo̱ ṅma, ke̱ amitšro̱bii ke̱ ṅme̱i; *Abe̱i 8,16.

¹² ni nyeṅõa šika kroko nyehĩea nyedeṅ, ni šikai le̱ ni akũ se̱ ake̱-ſie no̱ ye̱ nyekotokui amli le̱ nyeṅõa no hũ nyehĩea nyedeṅ ke̱-yaä ekoṅ, ekole̱ hene̱ hĩe dše no̱. 42,27. 35.

¹³ Ni nyeṅõa nyenyemi le̱ hũ, ni nye-yia mli ke̱-yaä nū le̱ ṅõ ekoṅ.

¹⁴ Ši Mawu Ofe le̱ ahã nū le̱ mũsũṅ atšõle̱ ye̱ nyehe, koni eṅmë nyenyemi mokome le̱ ke̱ Benyamin he ehãnye. *Ši mi le̱, ké̱ akpakpā mibii ye̱ mihe dšiṅṅ, akpakpā. *42,36.

¹⁵ Ni hĩĩ le̱ ṅõ nakai nikēnii le̱, ni ame̱kũ šika le̱ ame̱bo̱ he ame̱hĩe ame̱deṅ, ke̱ Benyamin, ni ame̱te ši ni ame̱yiṅ ame̱te Mizraim, ni ame̱yadamo̱ Iosef hĩe.

¹⁶ Ni beni Iosef na ake̱ Benyamin fata ame̱he le̱, ekē̱ ešĩa le̱ no̱ onukpa le̱ ake̱: Oke̱ ne̱kē̱ hĩĩ ne aya šĩa ni ogbe koloi oke̱-fe niyenii oto; ši hĩĩ ne̱ ke̱mi baye nii ſane ne̱.

¹⁷ Ni nū le̱ fe take̱ bo̱ni Iosef kē̱le̱ le̱, ni eke̱ hĩĩ le̱ te Iosef we le̱.

¹⁸ Ni hĩĩ le̱ še gbeyei, ake̱-ni ake̱ame̱ te Iosef we le̱, ni ame̱kē̱: Šika le̱ ní akũ se̱ aṅõ-wo wo̱kotokui le̱ amli kleṅkleṅ le̱ hewo̱ ake̱wo̱ ha bie̱ ne̱, koni etšẽ ke̱-batuawo̱ ni eṅõwo̱ efe nyṍdši ke̱ wo̱tedšii le̱ fẽ. 42,28.

¹⁹ Ni ame̱tši ame̱be̱ṅke̱ Iosef šĩa le̱ no̱ onukpa le̱, ni ame̱ke̱le̱ wie ye̱ šĩa le̱ šinā le̱ ši,

²⁰ ni ame̱kē̱: Ofai ne̱, wo̱nuṅtšo̱! Kleṅkleṅ ní wo̱ba niyenii hemo̱ le̱,

²¹ eba mli ake, beni wo̱še̱ tōhe le̱, ní wo̱fẽne wo̱kotokui le̱ anã le̱, na, mofẽmo šika kã no̱ ye̱ ekotoku lē̱ mli, wo̱šika le̱ ye̱ ho̱ni aṅmē le̱ pe̱pē̱pe̱; ni wo̱ke̱-hĩe wo̱dẽ ke̱-ha ekoṅ;

²² ni šika kroko hũ wo̱ke̱-hĩe wo̱dẽ ke̱-ba niyenii heme̱ ne̱; wo̱lee moni ṅõ wo̱šika le̱ ewo wo̱kotokui le̱ amli.

²³ Ni ekē̱: Hedšo̱le̱ abãnye; nyekašea gbeyei! Nye-Nyoṅmo̱ le̱ ke̱ nyetše̱ Nyoṅmo̱ le̱ ehã nyeto ahṹ ye̱ nyekotokui le̱ amli; nyešika le̱ eše̱ midẽ. Ni edšie *Simeon ebahãame̱. *42,24.

²⁴ Ni nū le̱ ke̱ hĩĩ le̱ ba Iosef we le̱, ni ebahãame̱ nu, ni *ame̱fo̱ ame̱nãdši ahe, ni ehã ame̱tedšii le̱ anii. *18,4.

²⁵ Ni ame̱sā nikēnii le̱ ame̱to Iosef se̱, dãni eba ſane le̱, edšake̱ ame̱nu ake̱ ame̱baye nii ye̱ dše̱i.

²⁶ Ni beni Iosef ba šĩa le̱, ame̱ke̱ nikẽnii ni ame̱hĩe le̱ bahãle̱ ye̱ šĩa le̱, ni ame̱koto ši ye̱ ehĩe.

²⁷ Ni ebiame̱ bo̱ni ame̱yo̱, ni ekē̱: Ani nyetše̱ nūmo le̱ *ni nyetšĩ etā le̱ ye̱ dšogbāṅ lo? Ani eye̱ dšeṅ lolo? *42,13.

²⁸ Ni ame̱kē̱: Otšũlo̱, wo̱tšē̱ le̱, eye̱ dšogbāṅ, eye̱ dšeṅ lolo. Ni *ame̱mãmo̱ ame̱yitšo ši, ni ame̱kotole̱. *37,7. 9.

²⁹ Ni ehole ehĩṅme̱ii ano̱ ni ena enyemi Benyamin, enye mũsũṅ bi le̱, ni ekē̱: Nyenyemi gbekẽ le̱ ni nyetšĩ etã nyetšõmi le̱ ne̱? Ni ekē̱: Nyoṅmo̱ adšō̱o, mibi!

³⁰ Ni Iosef he fe oyá, edšakē̱ emũsũṅ tšōle̱ ye̱ enyemi le̱ hewo̱, ni ẽtao heko eyafó ye̱, ni eyabote ese̱tšũṅ, ni eyafó ye̱ dše̱i.

³¹ Ni efo̱ ehĩe ni edše kpo, ni emĩa ehĩe, ni ekē̱: Nyeke̱ niyenii abamãmo̱a ši!

³² Ni ame̱ke̱ enõ bamã ši eyimū ke̱ ame̱ bũ ame̱nõ yimūyimū, ke̱ Mizraimbii ni ke̱le̱ yeo̱ nii le̱ hũ anõ yimūyimū; edšake̱ Mizraimbii ke̱ Hebribii kaa nine yee nii, edšake̱ Mizraimbii *mīhĩ nõ. *46,34. 2 Mose 8,26.

³³ Ni ake̱ame̱ batrá ehĩe, kromo̱bi le̱ ye̱ enukpa gbe̱nã, ni gbekẽ hũ ye̱ egbekẽ gbe̱nã; ni hĩĩ le̱ anā kpe̱ ame̱he ni ame̱kwe̱kwē̱ ame̱hĩeaṅ ke̱-kpe.

³⁴ Ni edšieo̱ nii ke̱-dše̱o̱ ehĩe ehãa-ame̱; ši Benyamin nõ le̱ ſè ame̱teṅ mofẽmo nõ šii enumo̱. Ni ame̱nu noko ni ame̱ke̱le̱ *ná mīše̱. *Hag. 1,6.