1 Mose 38 - Ṅmãle̱ Kroṅkroṅ Le̱

¹ Ni eba mli ye̱ no be le̱ mli ṅoṅṅ ake̱ Iuda dše enyemimei le̱ aṅõ, ni eyahĩ Adulamnyo ko nt atšé̱o̱le̱ Hira le̱ ṅō.

² Ni Iuda na Kanaannyo ni atšé̱o̱le̱ Šua le̱ biyō ko ye̱ dše̱i; ni eṅōle̱, ni ebawo̱ eṅõ.

³ Ni ená mũsũ, ni efo̱ binū, ni ewole̱ Er.

⁴ Ni ená mũsũ ekoṅ, ni efo̱ binū, ni ewole̱ Onan.

⁵ Ni esã efo̱ binū ekoṅ, ni ewole̱ Šela. Ni eye̱ Kezib beni efo̱le̱ le̱.

⁶ Ni Iuda w̌e̱ yō ko ni atšé̱o̱le̱ Tamar ehã ekromo̱bi Er le̱.

⁷ Ni Iuda kromo̱bi Er fe ehe gbomo fõṅ ye̱ Iehowa hĩe, ni Iehowa gbele̱.

⁸ Ni Iuda ké̱ Onan ake̱: Ya onyemi le̱ ṅã le̱ ṅõ, ni oṅõle̱ ake̱ gbošiṅã, koni oke̱le̱ afo̱ ato onyemi le̱ se̱. 5 Mose 35,3.

⁹ Ši Onan le ake̱ bii le̱ ebatšṍṅ enõ, ṅi eba mli ake̱, ké̱ ete enyemi le̱ ṅã le̱ ṅõ le̱, eṅõ-ſieo̱ ši ye̱ šikpoṅ efiteo̱, koni ekahã enyemi le̱ mīná sešibii.

¹⁰ Ni noni efe le̱, efõṅ dši ye̱ Iehowa hĩe; nohewo̱ le̱ egbele̱ hũ.

¹¹ Ke̱ke̱ ni Iuda kē̱ ešāyō Tamar ake̱: Yahĩ ši ake̱ okũlafo ye̱ otše̱ we le̱ ke̱-yaši beyino̱ ni mibi Šela lē̱ aada. Edšake̱ ekē̱: Koni le̱ hũ ekabagbo tamo̱ enyemimei le̱. Ni Tamar te eyahĩ etše̱ we le̱.

¹² Ni ye̱ mli āhũ le̱, Šua biyō le̱ ni dši Iuda ṅã le̱ bagbo. Ni beni Iuda tšé̱ etšui eṅmẽ emli le̱, eke̱ enanyo Hira, Adulamnyo le̱, yiṅ te etōiahetšo̱i kulo̱i le̱ aṅõ ye̱ Timna.

¹³ Ni ayakē̱ Tamar akē̱: Na, ošānũ le̱ miya Timna ní eyaku etōi le̱ ahetšo̱i.

¹⁴ Ni edšie ekũlafemo̱ atade le̱ ye̱ ehe efõ ši, ni eṅõ hĩehānõ eha ehĩe, ni eṅõbla ehe, ni eyatá ši ye̱ Enaim klotia ye̱ Timna gbe̱ le̱ toi; edšake̱ ena ake̱ Šela eda ni aṅõõle̱ ahããle̱ gblã.

¹⁵ Ni beni Iuda nale̱ le̱, ebule̱ ake̱ yō adſamaṅ ko; edšake̱ eha ehĩe.

¹⁶ Ni egba ke̱-te eṅõ ye̱ gbe̱ le̱ toi, ni ekē̱: Kwe̱, hã ni maba oṅõ; edšake̱ *elee ake̱ ešāyõ le̱ ni. Ni ekē̱: Meni oohãmi, koni oba miṅõ? *3 Mose 18,5.

¹⁷ Ni ekē̱: Mahã amõ tõkpakpobi ko ye̱ tōi le̱ ateṅ abahão. Ni ekē̱: Ké̱ ootomi awaba ko ke̱-yaši beyino̱ ni oohã ake̱-ba le̱.

¹⁸ Ni ekē̱: Mẽ awaba matoõ? Ni ekē̱: Owolonāso̱omo̱nõ ke̱ ehe kpã ke̱ odẽhĩemo̱tšo le̱. Ni eṅõ-hãle̱, ní eba eṅõ, ni eke̱le̱ ná mũsũ.

¹⁹ Ni ete ši ete, ni eyadšie ehĩehānõ le̱ efõ ši, ni eko̱ ekūlafemo̱ atade le̱ ewo.

²⁰ Ni Iuda ṅõ tōkpakpobi le̱ ehã enanyo Adulamnyo le̱ ke̱-te, koni eyahe ewabatōnii le ye̱ yō le̱ deṅ; ši enaa yō le̱.

²¹ Ke̱ke̱ ni eli dše̱ibii ke̱ ake̱: Nẽgbe̱ yō adſamaṅ ní tá Enaim gbe̱ le̱ toi le̱ yo̱? Ni ame̱ke: Yō adſamaṅ ko be̱ bie̱ ne̱.

²² Ni eku ese̱ eba Iuda nõ ekoṅ, ni ekē̱: Minaale̱; ni asaṅ dše̱ibii le kē̱: Yō adſamaṅ ko be̱ bie̱ ne̱.

²³ Ni Iuda kē̱: Hã ni eke̱-ya, koni wo̱hĩe akabagboi; na, mihã oke̱ tōkpakpobi ne̱ te, ni onaale̱.

²⁴ Ni no se̱ aafe nyõdši etẽ le̱ eba mli ake̱ adekē̱ Iuda eke̱: Ošāyō Tamar eyabo̱ adſamaṅ, ni asaṅ na, ená mũsũ ye̱ adſamaṅbō̱ le mli. Ni Iuda kē̱: Ake̱le̱ adše kpo ke-ba, koni abašãle̱.

²⁵ Ni beni ake̱le̱ dše kpo ba le̱, etšũ ate ešānū le ṅõ ayakē̱le̱ ake̱: Nū mo nõ ní dši nii ne̱ le, le̱ mike̱-nà mũsũ le̱. Ni esā ekē̱: Kwe̱mo̱ ake̱e ooyo mo nõ ni dši wolonāso̱omo̱nõ ne̱ ke̱ ehe kpã ne̱ ke̱ tšo ne̱ lo?

²⁶ Ni Iuda yo ni ekē̱: Dšalo̱ dšile̱ fèmi, ake̱ noni miṅõõle̱ midãã mibi Šela le̱. Ni ehi esaa ebe doṅṅ.

²⁷ Ni beni še̱ efo̱mo̱be le̱, na, hãdši yo̱ emũsūṅ.

²⁸ Ni eba mli ake̱, beni efo̱ö̱ le̱, mokome dšie enine. Ni yōfo̱yō lo mō mli, ni eke̱ kpã tšuru fĩ enine le̱, ni ekē̱: Mone̱ tšutšu ba.

²⁹ Ni eba mli ake̱, beni esu enine le̱ ekoṅ le̱, na, enyemi le̱ ba; ni ekē̱: Mẽba otšere̱ mll ke̱-ba ne̱? Ni awole̱ Perez. Mat. 1,3.

³⁰ Ni no se̱ le̱ enyemi le ni kpã tšuru le yo̱ enineši le hũ ba; ni awole̱ Zera.