1 Mose 30 - Ṅmãle̱ Kroṅkroṅ Le̱

¹ Ni-beni Rahel na ake̱ eke̱ Iakob fo̱o̱ le̱, eke̱ enyemiyō le̱ ye awuṅã, ni ekē̱ Iakob ake̱: Hãmi bii, ke̱-dšee nakai le̱, magbo!

² Ni Iakob mli wo Rahel la, ni ekē̱: Ani midši Nyoṅmo̱ ni etšĩ omũsũṅbii anā le̱? Lal. 127,5.

³ Ni ekē̱: Na, miweyō Bilha; hã ebawo̱ oṅõ, *ni efo̱ eſie miſuo̱ no̱, koni mi hū matšṍ eno̱ maná bii. *16,2.

⁴ Ni eṅõ eweyõ Bilha ehãle̱ gblã, ni Iakob hã ebawo̱ eṅõ.

⁵ Ni Bilha ná mũsũ, ni eke̱ Iakob fo̱ binū,

⁶ Ni Rahel ké̱: Nyoṅmo̱ ekodšo ehã-mi, ni enu migbē hũ, ni ehãmi binū; nohewo̱ lo̱ ewole̱ Dan.

⁷ Ni Bilha, Rahel weyō le̱, ná mũsũ ekoṅ, ni eke̱ Iakob fo̱ binū ni dši enyo̱.

⁸ Ni Rahel ké̱: Mike̱ minyemiyō le̱ eši Nyoṅmo̱ mple, ni minyẽle̱! Ni ewole̱ Naftali.

⁹ Ni beni Lea na ake̱ efo fo̱mo̱ le̱, le̱ hũ eṅõ eweyō Zilpa le̱ ehã Iakob gblā.

¹⁰ Ni Lea weyō Zilpa le̱ ke̱ Iakob fo̱ binū.

¹¹ Ni Lea kē̱: Asafo eba! ni ewole̱ Gad.

¹² Ni Lea weyō Zilpa ke̱ Iakob fo̱ binū ni dši enyo̱.

¹³ Ni Lea kē̱: Midšō̱mo̱ mli nē̱! edšake̱ biyei badšō̱mi; ni ewole̱ Ašer.

¹⁴ Ni ṅmā̃kū̃ be mli le̱ Ruben yana suomo̱yibii ko ye̱ ṅãno̱, ni eke̱-bahã enye Lea. Ke̱ke̱ ni Rahel kē̱ Lea akē̱: Mīkpao fai ni ohãmi obi lē̱ suomo̱yibii le̱ eko!

¹⁵ Ni ekē̱le̱ ake̱: Aso ni ošõ miwù le̱, no fáá, ši obašõ mibi le̱ suomo̱yibii le̱ hũ? Ni Rahel kē̱: Nohewo̱ le̱ yawo̱ eṅõ ṅme̱no̱ nyõ ne̱ṅ ye̱ obi le̱ suomo̱yibii le̱ hewo̱.

¹⁶ Ni gbe̱ke̱ mli, beni Iakob dše̱ ṅmõši ebaä le̱, Lea dše kpo eke̱le̱ yakpe, ni ekē̱: Mi mibawo oṅõ ṅme̱nē̱, edšake̱ mike̱ mibi le̱ suomo̱yibii le̱ ebo̱o apā! Ni eyawo̱ eṅõ nakai nyō le̱ṅ.

¹⁷ Ni Nyoṅmo̱ bo Lea toi, ni ená mũsũ, ni eke̱ Iakob fo̱ binū ni dši enumo̱.

¹⁸ Ni Lea kē̱: Nyoṅmo̱ ehãmi mipābō̱nii, edšake̱ mike̱ miweyō le̱ ehã miwù gblã; ni ewole̱ Isakar.

¹⁹ Ni Lea ná mũsũ ekoṅ, ni eke̱ Iakob fo̱ binū ní dši ekpa.

²⁰ Ni Lea kē̱: Nyoṅmo̱ ehãmi gblãnii kpakpa, agbē̱ne̱ miwù ke̱mi bahĩ ši, edšake̱ mike̱le̱ efo̱ bii ekpa; ni ewole̱ Zebulon.

²¹ Ni no se̱ le̱ efo̱ biyō, ni ewole̱ Dina.

²² Ke̱ke̱ ni Nyoṅmo̱ kai Rahel, ni Nyoṅmo̱ bole̱ toi, ni egble emũsũ nā. 1 Sam. 1,19.

²³ Ni ená mũsũ, ni efo̱ binū, ni ekē̱: Nyoṅmo̱ edšie *mihĩegbĕle le̱; Ies. 4,1. Luk. 1,25.

²⁴ ni ewole̱ Iosef, ni ekē̱: Iehowa aaṅõ bi kroko afata he ahãmi!

²⁵ Ni eba mli ake, beni Rahel efo̱ Iosef se̱ le̱, Iakob kē̱ Laban akē̱: Womi gbe̱, koni maya midientše̱ midšē̱he ke̱ mišikpoṅ no̱.

²⁶ Oke̱ miṅãmei ke̱ mibii ni *misúmo̱o ye̱ ame̱hewo̱ le̱ ahāmi, ni maya; ši bo-dientše̱ ole bo̱ni misúmo̱o mihã. *29,20. 39.

²⁷ Ni Laban kē̱le̱ ake̱: Hā mihĩe aba nyam ye̱ ohĩe; edšake̱ miyo se̱ ake̱ bo ohewo̱ Iehowa *edšō̱mi ne̱. *39,5.

²⁸ Ni esã ekē̱: Tšõmo̱mi onyõmo̱wo, ni mahão.

²⁹ Ni ekē̱le̱ ake̱: Bodientše̱ ole, bo̱ni misúmo̱o mihá, ke̱ bo̱ hũ ni okoloi le̱ ht miṅõ hã.

³⁰ Ši fiõ ko oyo̱ beni miba le̱, ni agbe̱ne̱ le̱ ame̱ſere babaõ, ni Iehowa etšṍ minine no̱ edšō̱o, ni agbe̱ne̱ le̱, té gbĩ ni makwe̱ midientše̱ miwe hũ?

³¹ Ni ekē̱: Meni mahão? Ni Iakob kē̱: Kāhãmi nokonoko; kē̱dši oofe ene̱ ohãmi le̱, no le̱ masã malè̱ okoloi le̱, ni ma-kwe̱ame̱ ekoṅ:

³² Nme̱ne̱ makpa otoi le̱ fẽ mli, ni mahala tõbi-fẽ-tõbi ni he yo̱ truntrãi ke̱ damdam, ke̱ tōbi-fẽ-tōbi ni dĩo̱ ye̱ tō-gwanteṅi le̱ amli, ke̱ abotiai le̱ ateṅ nii ni he yo̱ damdam ke̱ nii ni be yo̱ truntrãi le̱; ni nomei aatšṍ minyṍmo̱wo,

³³ koni wō̱ lo wō̱se̱, beni oobakwe̱ minyõmo̱wo le̱, midšale̱ le̱ adšie minã ye̱ ohĩe; abotiai le̱ ateṅ nii ní be be̱ truntrãi ke̱ damdam, ke̱ gwanteṅi le̱ amli nii ni be dĩĩ le̱, dšũnii dši no ye̱ mideṅ.

³⁴ Ni Laban kē̱: Na, bã afe be̱ni okē̱ ne̱.

³⁵ Ni nakai gbĩ le̱ no̱ le̱ eyahala tōkpakpoi ni he ye̱ sãmãisãmãi ke̱ damdam, kē̱ abotiai le̱ ateṅ nii ni he yo̱ truntrãi ke̱ damdam le̱ fẽ, nofẽno ní eye̱ṅ ta ehe ke̱ nii fẽ ni he dĩo̱ ye̱ gwanteṅi le̱ ateṅ, ni etuame̱ ewo ebihĩĩ le̱ adeṅ.

³⁶ Ni eṅõ gbĩĩ etẽ gbe̱ eto ame̱ ke̱ le̱ Iakob le̱ teṅ. Ni Iakob yalè̱ Laban tōi ní ſe̱ le̱.

³⁷ Ni Iakob kō̱le̱ libne-tšei ṅmõdši ke̱ luz-tšei ke̱ harmon-tšei, ni eye ame̱he sāmãi ye̱dši, ni ebã tšei le̱ amli eye̱dši le̱ dše ši.

³⁸ Ni eṅõ tšei ni eye ame̱he sãmãi le̱ eſie nunumo̱ ahĩmai le̱ ni tōi le̱ banuo̱ nu ye̱ṅ le̱ amli, ye̱ tōi le̱ ahĩe, ní ké̱ amē̱ba nunumo̱ lē̱, ame̱náa mũsũ.

³⁹ Ni tōi le̱ ná mũsũ ye̱ tšei le̱ ahe, ni tōi le̱ fo̱fō̱ bii ni be yo̱ sãmãisãmãi ke̱ nii ní he yo̱ truntrãi ke̱ damdam.

⁴⁰ Ni Iakob tšere̱ tōgwanteṅbii le̱ eto afã, ni etšṍmo̱ tōi le̱ ahle ehã Laban tōi le̱ ateṅ nii ní he yo̱ sãmãisãmãi le̱ ke̱ nii ní dĩo̱ le̱ fë; ni eṅõ le̱dientše̱ etōku le̱ eto afã, ni eke̱ame̱ futuu Laban tōi le̱.

⁴¹ Ni eba mli ake̱ dāne̱ ké̱ tōi ni be wa le̱ ná mũsũ le̱, Iakob ṅõo̱ tšei le̱ eſieo̱ tōi le̱ ahĩe ye̱ ahĩmai le̱ amli, koni ame̱ná mũsũ ye̱ tšei le̱ ahe.

⁴² Ši ké̱ tōi le̱ ye̱ wudo̱wudo̱ le̱, no le̱ eṅṍ-ſiee mli; nohewo̱ le̱ wudo̱wudo̱i le̱ tšṍmoo̱ Laban nii, ni nii ní be wa le̱ tšṍmoo̱ Iakob nii.

⁴³ Ni gbomo le̱ ſere naakpa dientše̱, ni ená tōi pī ke̱ weyei ke̱ wehĩĩ ke̱ yomai ke̱ tedšii. 12,16.