1 Mose 22 - Ṅmãle̱ Kroṅkroṅ Le̱

¹ Ni sãdši ne̱ ase̱ le̱ eba mli ake̱ Nyoṅmo̱ *ka Abraham, ni ekē̱le̱ ake̱: Abraham! Ni ekē̱: Nami! *Heb. 11,17. Iak. 1,12.

² Ni ekē̱: Agbe̱ne̱ ṅõ obi Isak ni dši obi kōme ní odo̱ö̱ ehe le̱, ni oyiṅ oya *Moria šikpoṅ le̱ no̱, ni oke̱le̱ ayašã šā̃-afo̱le ye̱ dše̱i, ye̱ gõdši le̱ ateṅ ekome ni matšõo le̱ no̱. 2 Kron. 8,1.

³ Ni Abraham te ši lebi mā̃ṅkpa, ni ewo etedši no̱ nii, ni eṅõ eblahĩĩ le̱ enyo̱ ke̱ ebi Isak le̱ efata ehe, ni egba lai ni eke̱-yašã šā̃-afo̱le le̱, ni ete ši, ni eyiṅ ete heni Nyoṅmo̱ etšõle̱ le̱.

⁴ Ni gbĩ ni dši gbĩ etẽ le̱ Abraham hole ehĩṅme̱ii ano̱, ni ena dše̱i ye̱ šoṅṅ.

⁵ Ni Abraham kē̱ eblahĩĩ le̱ ake̱: Nyeke̱ tedši le̱ ahĩa bie̱; ni mike̱ oblanyo le̱ aya dše̱i, ni wo̱yaso̱le, ni wo̱kū wo̱se̱ we̱ba nyeṅõ ekoṅ.

⁶ Ni Abraham ṅõ afo̱lešā̃ lai le̱ etĕre ebi Isak, ni eṅõ la le̱ ke̱ kakla le̱ ehĩe edẽ; ni ame̱yi enyo̱ le̱ fẽ ame̱yiṅ ame̱te.

⁷ Ni Isak ke̱ etše̱ Abraham wie ni ekē̱: Mitše̱! Ni ekē̱: Nami, mibi! Ni ekē̱: Na, la ke̱ Iai ne̱; ši nẽgbe̱ tōgwanteṅbi ni ake̱-bašã šā̃-afo̱le le̱ yo̱?

⁸ Ni Abraham kē̱ ake̱: Nyoṅmo̱ aaná tōgwanteṅbi ahã ehe ni ake̱-šã šā̃-aſo̱le le̱, mibi! Ke̱ke̱ ni ame̱yi enyo̱ le̱ fẽ ame̱ṅõ-ſie no̱ ke̱-te.

⁹ Ni ame̱ba heni Nyoṅmo̱ etšõle̱ le̱; ni Abraham mã afo̱lešãlate̱ ye̱ dše̱i, ni eto lai le̱ gbe̱dšiano̱, ni efĩ ebi Isak le̱, ni eṅõle̱ eṅmẽ lai le̱ no̱ ye̱ afo̱lešãlate̱ le̱ no̱.

¹⁰ Ni Abraham kpã enine mli eko̱ kakla le̱, koni eke̱-gbe ebi le̱. Iak. 2,21.

¹¹ Ke̱ke̱ ni Iehowa bo̱fo le̱ dše̱ ṅwei tšé̱le̱, ni ekē̱: Abraham! Abraham! Ni ekē̱: Nami!

¹² Ni ekē̱: *Kāhã onine mīsa oblanyo le̱ he, ni asaṅ kāfele̱ nokonoko! Ši kpāko miná mile ake̱ ošeo̱ Nyoṅmo̱ gbeyei, ake̱-ni †okãmããmi obi kometō ne̱ le̱. *Ier. 7,31. †Rom. 8,32.

¹³ Ni Abraham hole ehīṅme̱ii ano̱, ni ekwe̱, ni na, tōagbo ko ye̱ ese̱gbe̱ ni eklontoi elala kō; ni Abrabam te eyamõ tōagbo le̱, ni eṅõle̱ ešã šā̃-afo̱le ye̱ ebi le̱ nãdšiaṅ.

¹⁴ Ni Abraham wo dše̱i gbe̱i: Iehowa aakwe̱. Nohewo̱ le̱ ake̱o̱ ke̱ ṅme̱ne̱ fẽ ake̱: Iehowa goṅ le̱ no̱ aakwe̱ ye̱.

¹⁵ Ni Iehowa bo̱fo le̱ dše̱ ṅwei tšé̱ Abraham ekoṅ ni ekē̱:

¹⁶ Bo̱ni Iehowa kē̱ nē̱: *Mikã midientše̱ mihe kitā, ake̱-ni ofe ene̱ ni okãmããmi obi le̱ ni dši obi kometō le̱, *Heb. 6,13.

¹⁷ bewo̱ le̱ dšō̱mo̱ madšō̱o, ni fá mahā *oseši afá tamo̱ ṅwei ṅulamii ke̱ ṅšo̱ nā šia, ni oseši le̱ †aaye ehenye̱lo̱i agbói le̱ ano̱; 13,16; 15,5. Heb. 11,12. †1 Mose 24,60.

¹⁸ ni oseši le̱ mli aadše̱ adšō̱ šikpoṅ le̱ no̱ dšeṅmãdši fẽ, edšake̱ obo migbẽ toi. 12,3. Gal. 3,16.

¹⁹ Ke̱ke̱ ni Abraham kũ ese̱ ke̱-ba eblahĩĩ le̱ aṅõ; ni ame̱te ši, ni ame̱fẽ ame̱ṅõ-ſie no̱ ke̱-te Beeršeba. Ni Abraham hĩ ši ye̱ Beeršeba.

²⁰ Ni sãdši ne̱ ase̱ le̱ eba mli ake̱ abakē̱ Abraham akē̱: Na, *Milka hũ ke onyeminū Nahor efo̱ bii: 11,29.

²¹ ekromo̱bi dši Uz, ke̱ enyemi Buz, ke̱ Kemuel ni dši Aram tše̱ le̱,

²² ke̱ Kesed ke̱ Hazo ke̱ Pildaš ke̱ Iidlaf ke̱ Betuel.

²³ Ni *Betuel fo̱ Rebeka. Mei kpānyo̱ ne Milka ke Abraham nyemi Nahor fo̱. *24,16.

²⁴ Ni eye̱ ṅã kroko ní atšé̱o̱le̱ Reuma, le̱ hũ efo̱ Teba ke̱ Gaham ke̱ Tahaš ke̱ Maaka.