1 Mose 20 - Ṅmãle̱ Kroṅkroṅ Le̱

¹ Ni Abraham fã ye̱ dše̱i ke̱-te wuoyigbe̱ šikpoṅ le̱ no̱, ni eyahĩ Kadeš ke̱ Šur teṅ, ni eyato gbo̱ ye̱ Gerar. 12,9. 10; 26,1.

² Ni Abraham kē̱ ye̱ eṅã Sara hewo̱ akē̱: Minyemiyō dšilē̱. Ni Abimelek, Gerar maṅtšē̱ le̱, tšũ ni ayaṅõ Sara ke̱-ba.

³ Ni Nyoṅmo̱ ba Abimelek ṅõ nyōṅ ye̱ lamõ mli, ni ekē̱le̱ ake̱: Na, obagbo ye̱ yō le̱ ní oṅõ le̱ hewo̱, edšake̱ nū ṅã dšile̱.

⁴ Ši Abimelek náko ata ehe. Ni ekē̱: Nuṅtšo̱, ani oogbe dšeṅmaṅ ko ni dša?

⁵ Ani dšee le̱ ekē̱mi ake̱: Minyemiyō dšile̱? ni yō le̱ dientše̱ hũ kē̱ ake̱: Minyeminū dšile̱? Mitšui mū ke̱ mideṅ tšemo̱ mike̱-fe ene̱ ne̱.

⁶ Ni Nyoṅmo̱ kē̱le̱ ye̱ lamõ le̱ mli ake̱: Mi hũ mile ake̱ otšui mū oke̱-fe ene̱; ni mi hũ mitšĩ onā, ní okafe eša ošimi; nohewo̱ ni mihāão hegbe̱ ake̱ ota ehe le̱.

⁷ Nohewo̱ le̱ agbe̱ne̱ ṅõ nū le̱ ṅã le̱ ohãle̱ ekoṅ, ši *gbalo̱ dšile̱, ni eekpa fai ehão, ni oyi anã wala; ši ke̱dši oke̱le̱ hāāle̱ le̱, no le̱ ná ole ake̱ gbo oogbo, bo ke̱ mei fẽ ni dši onõ le̱! *Lal. 105,15.

⁸ Ni Abimelek te ši lebi mā̃ṅkpa, ni etšé̱ etšũdši le̱ fẽ, ni ewie wiemo̱i ne̱ fẽ ewo ame̱toiiaṅ; ni hĩĩ le̱ še gbeyei naakpa.

⁹ Ke̱ke̱ ni Abimelek tšé̱ Abraham, ni eké̱le̱ ake̱: Meni ofewo̱ ne̱? Ni meni eša mifeo, ni oke̱ eša kpeteṅkple ebami ke̱ mimaṅtše̱yeli le̱ no̱ ne̱? Noni afee ofemi ne̱!

¹⁰ Ni Abimelek sã kē̱ Abraham ake̱: Meni ona, ni oye ne̱ke̱ sane ne̱?

¹¹ Ni Abraham kē̱: Edšake̱ miyasusu ake̱, ekole̱ Nyoṅmo̱ gbeyeišemo̱ be̱ bie̱, ni ame̱abagbemi ye̱ miṅã le̱ hewo̱.

¹² Ni asaṅ eye̱ mli le̱le̱ṅ ake̱ minyemiyō ni; mitše̱bi ni, ši dšee minyebiṅ; ni etšṍ miṅã.

¹³ Ni eba mli ake̱, beni Nyoṅmo̱ hã midše mitše̱ we ni miyatšomlo le̱, mikē̱le̱ ake̱: Edšũrõ ni ofemi ne̱: hefẽhe ni wo̱o̱te le̱, kē̱mo̱ ye̱ mihe ake̱: Minyeminū ni.

¹⁴ Ke̱ke̱ ni Abimelek ṅõ tōi ke̱ tšinai ke̱ wehĩĩ ke̱ weyei eyabã Abraham, ni eṅõ eṅã Sara ebãle̱ ekoṅ.

¹⁵ Ni Abimelek kē̱: Na, mišikpoṅ le̱ kã ohĩe ne̱; hĩ heni osumoo̱.

¹⁶ Ni Sara le̱, ekē̱le̱ ake̱: Na, mihã onyeminū le̱ dſie̱te̱i kukudši akpe; na, no dši hĩehānõ hão ye̱ mei fẽ ni ke̱o yo̱ le̱ ahĩe, ni mei le̱ fẽ ahĩe le̱ onõ dša.

¹⁷ Ke̱ke̱ ni Abraham kpa Nyoṅmo̱ fai; ni-Nyoṅmo̱ tša Abimelek ke̱ eṅã le̱ ke̱ eweyei le̱, ni ame̱fo̱fo̱i.

¹⁸ Edšake̱ Iehowa etšĩmo̱ yei fẽ ni yo̱ Abimelek we le̱ amũsũi anā ye̱ Abraham ṅã Sara sane le̱ hewo̱.