1 Mose 14 - Ṅmãle̱ Kroṅkroṅ Le̱

¹ Ni eba mli ye̱ Šinear maṅtše̱ Amrafel, ke̱ Elasar maṅtše̱ Ariok, ke̱ Elam maṅtše̱ Kedorlaomer, ke̱ dšeṅmãdši le̱ amaṅtše̱ Tidal gbĩĩ le̱ amli,

² ake̱ ame̱ke̱ Sodom maṅtše̱ Bera, ke̱ Gomora maṅtše̱ Birša, ke̱ *Adăma maṅtše̱ Šinab, ke̱ Zeboim maṅtše̱ Šemeber, ke̱ Bela ni dši Zoar le̱ maṅtše̱ le̱ yawu ta. *5 Mose 29,22.

³ Mene̱mei fẽ bua ame̱he nā ye̱ Sidim dšō̱ ni etšṍ Ṅō-ṅšo̱ agbe̱ne̱ le̱ mli.

⁴ Amesúmo̱ Kedorlaomer afii nyoṅma ke̱ enyo̱, ši afi noni dši nyoṅma ke̱ etẽ le̱ no̱ le̱ ame̱tše atũa.

⁵ Ni afi noni dši nyoṅma ke̱ edſe̱ le̱ no̱ le̱ Kedorlaomer ke̱ maṅtše̱mei ni fata ehe le̱ ba, ni ame̱bagbe Refabii ye̱ Ašterot-Karnaim, ke̱ Zuzbii ye̱ Ham, ke̱ Embii ye̱ Kiriataim ṅã le̱ no̱,

⁶ ke̱ Horbii ye̱ ame̱goṅ Seir le̱ no̱ ke̱-yaši El-Paran ni yo̱ ṅã le̱ uo̱ le̱;

⁷ ni ame̱kũ ame̱se̱ ni ame̱ba En-Mišpat, no dši Kadeš, ni ame̱gbe Amalek šikpoṅ le̱ no̱ bii le̱ fẽ ke̱ Amorbii le̱ hũ ni yo̱ Hazazon-Tamar le̱.

⁸ Ke̱ke̱ ni Sodom maṅtše̱ ke̱ Gomora maṅtše̱ ke̱ Adăma maṅtše̱ ke̱ Zeboim maṅtše̱ ke̱ Bela ni dši Zoar maṅtše̱ le̱ dše kpo, ni ame̱bagba ta ame̱woame̱ ye̱ Sidim dšō̱ le̱ṅ,

⁹ ni ame̱ke̱ Elam maṅtše̱ Kedorlaomer, ke̱ dšeṅmādši le̱ amaṅtše̱ Tidal, ke̱ Šinear maṅtše̱ Amrafel, ke̱ Elasar maṅtše̱ Ariok, maṅtše̱mei edſe̱ ne̱ ke̱ maṅtše̱mei enumo̱ le̱, wu.

¹⁰ Ni Sidim dšō̱ le̱ mli le̱ amãte̱-bui so̱ṅṅ yo̱ dše̱i; ni awo Sodom ke̱ Gomora maṅtše̱mei le̱ afoi, ni ame̱nyõnyõi ye̱ dše̱i, ni mei ni ſe̱ le̱ dšo foi ke̱-te goṅ le̱ no̱.

¹¹ Ni ame̱ṅõ Sodom ke̱ Gomora nii fẽ ke̱ ame̱niyenii nom, ni ame̱yiṅ ame̱te.

¹² Ni ame̱ṅõ Abram nyemibi Lot ni yo *Sodom le hũ ke enibii ke̱-te. *13,10-12.

¹³ Ni foidšelo̱ ko ba bagba Abram, Hebrinyo le̱, ni ehe ši ye̱ Mamre, Amornyo le̱, tšei kutū le̱ ašiši le̱. Si Mamre dši Eškol ke̱ Aner nyemi; ni mene̱mei ke̱ Abram ekpãṅ.

¹⁴ Ni beni Abram nu ake̱ aṅõ enyemi le̱ nom le̱, eke̱ etšũdši ohai-etẽ ke̱ nyoṅma ke̱ kpãnyo̱ ni le tahenii ní afo̱ame̱ ye̱ ewe le̱ fã ta, ni etiuame̱ ke̱-te Dan.

¹⁵ Ni eke̱ etšũdši le̱ gbá ta wo ame̱he nyõṅ, ni egbeame̱, ni etiuame̱ ke̱-te Hoba ni yo̱ Damasko abe̱kuiaṅgbe̱ le̱.

¹⁶ Ni eṅõ nibii le̱ fẽ, ke̱ enyemi Lot hũ ke̱ enibii le̱, ke̱ yei le̱ hũ ke̱ maṅ le̱ ke̱-kũ se̱ ke̱-ba ekoṅ.

¹⁷ Ni beni ekũ ese̱ ke̱-dše̱ Kedorlaomer ke̱ maṅtše̱mei ní fata ehe le̱ agbẽ le̱ ke̱-baä le̱, Sodom maṅtše̱ le̱ dše kpo eya-kpele̱ ye̱ ṅäno̱dšō̱ ni atšé̱o̱le̱ maṅtše̱dšō̱ le̱ mli.

¹⁸ Ni *Salem maṅtše̱ †Melkizedek le̱ ke̱ abolo ke̱ wein dše kpo ba; ni ṅwei flōflo Nyoṅmo̱ le oso̱fo dšile̱. *Lal. 76,3. †Lal. 110,4. Heb. 7,1-4.

¹⁹ Ni edšō̱le̱ ni ekē̱: Aadšō̱ Abram ahã ṅwei flōflo Nyoṅmo̱ ni dši ṅwei ke̱ šikpoṅ tše̱ le̱;

²⁰ ni aadšie ṅwei flōflo Nyoṅmo̱ le̱ yi, ake̱ eṅõ ohenye̱lo̱i le̱ ewo odeṅ! Ni Abram hãle̱ nii le̱ fẽ mlidšãi nyoṅma mli ekome.

²¹ Ni Sodom maṅtše̱ le̱ kē̱ Abram ake̱: Hãmi gbomei le̱, ni oṅõ nii le̱ ohã ohe.

²² Ni Abram kē̱ Sodom maṅtše̱ le̱ ake̱: Mīwó minine no̱ mītšõ Iehowa ṅwei flōflo Nyoṅmo̱ ni dši ṅwei ke̱ šikpoṅ tše̱ le̱,

²³ ake̱ ke̱-dše̱ kpã no̱ āhũ ke̱-yaši tokotafĩkpã no̱ lo nii fẽ ni dši onõ le̱, ke̱dši miko̱ eko, fĩ! koni okakē̱ ake̱: Mi, mife Abram niiatše̱;

²⁴ dša noni oblahĩĩ le̱ eye ke̱ke̱, ke̱ hĩĩ ni ke̱mi te ni dši Aner ke̱ Eškol ke̱ Mamre le̱ agbe̱fãṅnō, ame̱ le̱ hã ame̱ṅõ ame̱gbe̱fãṅnõ!