1 Kronika 29 - Ṅmãle̱ Kroṅkroṅ Le̱

¹ Ke̱ke̱ ni maṅtše̱ David kē̱ asafo mū le̱ fẽ ake̱: Mibi Salomo ní dši mokome ní Nyoṅmo̱ ehala le̱, *gbekẽ dšile̱ ni ehĩe esako, ši nitšumo̱ le̱ da; edšake̱ mõ le̱ dšee gbomo nõ ni, ši moṅ Iehowa Nyoṅmo̱ nõ ni. *22,5.

² Nohewo̱ le̱ mike̱ mihewale̱ fẽ esā mi-Nyoṅmo̱ le̱ we le̱ he šika mito ní ake̱-fe šika nibii, ke̱ dſie̱te̱i ní ake̱-fe dſie̱te̱i nibii, ke̱ akō̱ble ní ake̱-fe akō̱ble nibii, ke̱ dade ni ake̱-fe dade nibii, ke̱ tšei ni ake̱-fe tšo nibii, šohamte̱i ke̱ te̱i ni ake̱-mãmoo̱ nibii amli, ke̱ te̱i ni kple̱o̱ ke̱ te̱i ni yo̱ ṅwātãṅwãtã ke̱ te̱i ni dšra wa sro̱toi fẽ ke̱ te̱i ye̱dši babaō dientše̱.

³ Ni asaṅ mi-Nyoṅmo̱ le̱ we le̱ he tšui ní miyo̱ hewo̱ le̱ mīṅõ midientše̱ mišika ke̱ dſie̱te̱i ní miyo̱ le̱ hũ mihã ye̱ mi-Nyoṅmo̱ le̱ we le̱ hewo̱, esõro noni misā mito šĩa kroṅkroṅ le̱ kwrā:

⁴ šika ni dše̱ Ofir talentai akpei-etẽ ke̱ dſie̱te̱i kro̱ṅṅ hũ talentai akpei-kpawo, koni aṅõ-ha šĩai le̱ agbogboi le̱ ahe,

⁵ ni asaṅ ake̱ šika le̱ afe šika nibii, ni ake̱ dſie̱te̱i le̱ afe dſie̱te̱i nibii, ní aṅõtšu ṅālo̱i anine nā nitšumo̱-fẽ-nitšumo̱. Ni agbe̱ne̱ namo *yo̱ he tšui ake̱ eewo edeṅ obo ehã Iehowa ṅme̱ne̱? *2 Mose 31,5.

⁶ Ke̱ke̱ ni tše̱mei awei le̱ ane̱ onukpai le̱ ke̱ Israel akutšei le̱ ano̱ lume̱i le̱ ke̱ mei akpekpei ke̱ mei ohahai ano̱ asafoiatše̱mei le̱ ke̱ maṅtše̱ le̱ nitšumo̱ no̱kwe̱lo̱i le̱ ši ame̱tšitši,

⁷ ni ame̱hã šika talentai akpei-enumo̱ ke̱ šika dalei akpei-nyoṅma ke̱ dſie̱te̱i talentai akpei-nyoṅma ke̱ akō̱ble talentai akpei-nyoṅma-ke̱-kpānyo̱ ke̱ dade talentai akpei-oha ye̱ Nyoṅmo̱ we le̱ nitšumo̱ le̱ hewo̱.

⁸ Ni mei ni ana *te̱i ye̱ ame̱deṅ le̱ ame̱ṅõ-hã ni ake̱-wo Iehowa we le̱ ni-tōhe le̱ ní yo̱ Iehiel, Geršonnyo le̱, deṅ le̱. *2 Mose 36,27.

⁹ Ni maṅ le̱ nyã́ ye̱ hã ní ame̱hã ye̱ tšuidšũrõ nā le̱ hewo̱, edšake̱ ame̱hã Iehowa ke̱ ame̱tšui mū le̱ fẽ ye̱ súomo̱ nā; ni maùtše̱ David nyá naakpa.

¹⁰ Ke̱ke̱ ni David dšie Iehowa yi ye̱ asafo mū le̱ fẽ hĩe, ni David kē̱: Aadšie Iehowa, wo̱tše̱ Israel Nyoṅmo̱ le̱, yi ke̱-dše̱ nāno̱ ke̱-yaši nāno̱!

¹¹ Bo, Iehowa, onõ dši dale̱ ke̱ hewale̱ ke̱ anumnyam ke̱ kũnimyeli ke̱ agbodšē; edšake̱ nofẽno ni yo̱ ṅwei ke̱ šikpoṅ le̱ no̱ le̱ onõ ni. Bo, Iehowa, onõ dši maṅtše̱yeli le̱, ni bo dši moni tá nii fẽ no̱ ake̱ yitšo! Kpods. 4,11; 5,13.

¹² Ni ninámo̱ ke̱ anumnyam fẽ dše̱ odeṅ, ni bo noṅṅ oyeo̱ nii fẽ no̱, ni *odeṅ hũ hewale̱ ke̱ nyẽmo̱ yo̱, ni odeṅ sane noṅṅ dši mofẽmo dale̱ ke̱ hewale̱ námo̱! *2 Kron. 20,5.

¹³ Nohewo̱ le̱ agbe̱ne̱, wo̱-Nyoṅmo̱, wo̱-mīdao ši ni wo̱mīdšie ohĩenyam gbe̱i le̱ yi!

¹⁴ Ši namo dšimi, ni namei dši mimaṅbii le̱, ni kũle̱ wo̱o̱nyẽ wo̱hã tšuidšũrõ nā tamo̱ ne̱ke̱? Edšake̱ oṅõ fẽ dše̱, ni odeṅ wo̱ná ke̱-dše̱ ni wo̱ṅõ-hão ne̱.

¹⁵ Edšake̱ *gbo̱i dšiwo̱ ye̱ ohīe ke̱ mei kpõdsi, tamo̱ wo̱tše̱mei le̱ fẽ; wo̱-gbīĩ ní wo̱yeo̱ ye̱ šikpoṅ le̱ no̱ le̱ †tamo̱ susuma, ni hĩe-ke̱-no̱fõ ko be̱. *Lal. 39,13. Heb. 11.13. †Hiob 14.2.

¹⁶ Iehowa, wo̱-Nyoṅmo̱, ne̱ke̱ nii babaō ne̱ fẽ ni wo̱sā wo̱to ni wo̱ke̱-bamã šīa wo̱hã ogbe̱i kroṅkroṅ le̱ ne̱, odeṅ edše̱ ni onõ dši fiā.

¹⁷ Mi-Nyoṅmo̱, mile ake̱ bo le̱ *okaã tšui okwe̱o̱, ni onaä kro̱ṅṅ-femo̱ he mīše̱. Ni mi hũ mitšui kro̱ṅṅ mike̱-hã nibii ne̱ fẽ ye̱ suomo̱ nā, ni agbe̱ne̱ mina ke̱ mīše̱ ake̱ omaṅ ní dſere ši ne̱ hũ mīše̱ nā ame̱hão. *28,9.

¹⁸ Iehowa, Abraham ke̱ Isak ke̱ Israel, wo̱tše̱mei le̱ a-Nyoṅmo̱ le̱, hã ene̱ ahĩ omaṅ le̱ tšui ke̱ ame̱yitšeiaṅ dſẽṅmo̱i amli ke̱-ya nāno̱, ni odo̱ ame̱tšui ke̱-ba oṅō!

¹⁹ Ni mibi Salomo le̱, hãle̱ tšui ni eye emū ní eye okitãi le̱ ke̱ odasei le̱ ke̱ okpe̱i le̱ ano̱, ní efe nibii ne̱ fẽ, koni emã mõ ní misã he nibii mito le̱!

²⁰ Ke̱ke̱ ni David kē̱ asafo mū le̱ fẽ ake̱: Agbe̱ne̱ nyedšiea Iehowa, nye-Nyoṅmo̱ le̱, yi! Ni asafo mũ le̱ fẽ dšie Iehowa, ame̱tše̱mei a-Nyoṅmo̱ le̱, yi, ni ame̱mãme̱ ame̱yi ši ni ame̱koto Iehowa ke̱ maṅtše̱ le̱.

²¹ Ni ame̱šãšã afo̱lei ame̱hã Iehowa, ni dšetše̱reno̱ le̱ ame̱šã šã-afo̱lei ame̱hã Iehowa: tšinahĩĩ akpe, tōagboi akpe, tōbii akpe ke̱ ame̱he dã-afo̱lei, ke̱ afo̱lei babaō dientše̱ hã Israel mũ le̱ fẽ.

²² Ni nakai gbĩ le̱ ame̱yeyē nii ni ame̱nunū dãi ye̱ Iehowa hĩe ke̱ nyã́mo̱ babaō; ni ame̱sā *ame̱wo Salomo, David bi le̱, maṅtše̱, noni dši ši enye̱, ni ame̱-fo̱le̱ mũ ame̱hã Iehowa ake̱ lumo̱, ke̱ Zadok hũ ake̱ oso̱fo. *28,1.

²³ Ke̱ke̱ ni Salomo tá Iehowa sẽi le̱ no̱ ake̱ maṅtše̱ ye̱ etše̱ David nãdšiaṅ, ni eſere, ni Israel mŭ le̱ fẽ bole̱ toi. 28,5. 1 Maṅ. 1,35. 39.

²⁴ Ni onukpai le̱ fẽ ke̱ hewalo̱i le̱ fẽ ke̱ maṅtše̱ David bii le̱ fẽ hũ ba ame̱he ši ame̱hã maṅtše̱ Salomo.

²⁵ Ni Iehowa hã Salomo tšṍ agbo kpanā ye̱ Israel mū le̱ fẽ hīe, ni ehãle̱ maṅtše̱yeli anumnyam, bo̱ni maṅtše̱mei ni nyie ehĩe ye̱ Israel le̱ eko nako nakai dã. 2 Kron. 1,1.

²⁶ Bo̱ni David, Išai bi le̱, ye Israel mū le̱ fẽ no̱ maṅtše̱ ne̱.

²⁷ Be ni eke̱-ye Israel no̱ dši afii nyoṅmai-edſe̱: eye maṅtše̱ afii kpawo ye̱ Hebron, ni eye afii nyoṅmai-etẽ ke̱ etẽ ye̱ Ierusalem. 1 Maṅ. 2,11.

²⁸ Ni egbo̱ kotokoto dãni egbo ni eto̱ ke̱ gbĩĩ ke̱ nii ke̱ anumnyam so̱ṅṅ; ni ebi Salomo baye maṅtše̱ ye̱ ese̱.

²⁹ Ši maṅtše̱ David he sãdši le̱, kleṅkleṅnii ke̱ se̱kpēnii le̱ fẽ le̱, na, aṅmã ye̱ Samuel, ninalo̱ le̱, sãdši le̱, ke̱ Natan, gbalo̱ le̱, sãdši le̱, ke̱ *Gad, ninalo̱ le̱, sãdši le̱ amli, *21,9.

³⁰ ke̱ emaṅtše̱yeli ke̱ ehewale̱ le̱ fẽ, ke̱ bei ni ho le̱ ke̱ Israel ke̱ šikpõdši le̱ ano̱ maṅtše̱yelii le̱ fẽ ayi le̱.