1 Kronika 27 - Ṅmãle̱ Kroṅkroṅ Le̱

¹ Agbe̱ne̱ Israelbii le̱ ye̱ ame̱yibo̱ le̱ nā, tše̱mei awei ano̱ onukpai ke̱ mei akpekpei ke̱ mei ohahai ano̱ asafoiatše̱mei le̱ ke̱ ame̱no̱kwe̱lo̱i ní súmoo̱ maṅtše̱ le̱ ye̱ asafokui ni baä yaä dā nyõṅ kome ye̱ afi mli nyõdši le̱ fē mli le̱ asane-fẽ-sane mli, ku-fẽ-ku hĩe mei akpei-nyoṅmai-enyo̱-ke̱-edſe̱.

² Kleṅkleṅ asafoku ni tšuo̱ nii ye̱ kleṅkleṅ nyõṅ le̱ no̱ le̱, Iašobeam, Sabdiel bi le̱, kwe̱o̱ ame̱no̱, ni esafoku le̱ hĩe mei akpei-nyoṅmai-enyo̱-ke̱-edſe̱.

³ Edše̱ Perez bii le̱ ateṅ, ni le̱ dši kleṅkleṅ nyõṅ le̱ no̱ tatše̱mei le̱ fẽ ano̱ onukpa.

⁴ Ši nyõṅ ni dši enyo̱ le̱ no̱ asafo-ku le̱, Dodai, Ahohinyo le̱, kwe̱o̱ no̱, ni esafoku le̱ no̱ lumo̱ dši Miklot, ni esafoku le̱ hĩe mei akpei-nyoṅmai-enyo̱-ke̱-edſe̱.

⁵ Ta ni dši etẽ ni ato ahã nyõṅ ni dši etẽ le̱ no̱ tatše̱ dši Benaia, oso̱fo Iehoiada bi, ni dši onukpa le̱, ni esafoku le̱ hĩe mei akpei-nyoṅmai-enyo̱-ke̱-edſe̱.

⁶ Ne̱ke̱ Benaia ne̱ dši hĩĩ nyoṅmai-etẽ le̱ ateṅ kakabã ni yeo̱ hĩĩ nyoṅmai-etẽ le̱ ano̱, ni esafoku le̱, ebi Amizabad kwe̱o̱ no̱.

⁷ Moni dši edſe̱ ni ato ahã nyõṅ ni dši edſe̱ le̱ dši Asahel, Ioab nyemi le̱, ni ebi Zebadia baye ese̱, ni esafoku le̱ hĩe mei akpei-nyoṅmai-enyo̱-ke̱-edſe̱.

⁸ Moni dši ennmo̱ ní ato ahã nyõṅ ni dši enumo̱ le̱ dši tatše̱ Šamēhut, Izrahinyo le̱, ni esafoku le̱ hĩe mei akpei-nyoṅmai-enyo̱-ke̱-edſe̱.

⁹ Moni dši ekpa ni ato ahã nyõṅ ni dši ekpa le̱ dši Ira, Ikeš bi, Tekonyo le̱, ni esafoku le̱ hĩe mei akpei-nyoṅmai-enyo̱-ke̱-edſe̱.

¹⁰ Moni dši kpawo ni ato ahã nyõṅ ni dši kpawo le̱ dši Helez, Pelonnyo le̱, ní dše̱ Efraimbii le̱ ateṅ le̱, ni esafoku le̱ hĩe mei akpei-nyoṅmai-enyo̱-ke̱-edſe̱.

¹¹ Moni dši kpānyo̱ ni ato ahã nyõṅ ni dši kpānyo̱ le̱ dši *Sibekai, Hušatnyo le̱, ni dše̱ Zerabii le̱ ateṅ le̱, ni esafoku le̱ hĩe mei akpei-nyoṅmai-enyo̱-ke̱-edſe̱. *20,4.

¹² Moni dši ne̱hũ ni ato aha nyõṅ ní dši ne̱hũ le̱ dši Abiezer, Anatotnyo le̱, ní dše̱ Benyaminbii le̱ ateṅ le̱, ni esafoku le̱ hīe mei akpei-nyoṅmai-enyo̱-ke̱-edſe̱.

¹³ Moni dši nyoṅma ní ato ahã nyõṅ ni dši nyoṅma le̱ dši Maharai, Netofatnyo ni dše̱ Zerabii le̱ ateṅ le̱, ni esafoku le̱ hĩe mei akpei-nyoṅmai-enyo̱-ke̱-edſe̱.

¹⁴ Moni dši nyoṅma ke̱ ekome ni ato ahã nyõṅ ní dši nyoṅma ke̱ ekome le̱ dši Benaia, Piratonnyo le̱, ní dše̱ Efraimbii le̱ ateṅ le̱, ni esafoku le̱ hĩe mei akpei-nyoṅmai-enyo̱-ke̱-edſe̱.

¹⁵ Moni dši nyoṅma ke̱ enyo̱ ní ato ahã nyõṅ ni dši nyoṅma ke̱ enyo̱ le̱ dši Heldai, Netofatnyo le̱, ni dše̱ Otniel mli le̱, ni esafoku le̱ hĩe mei akpei-nyoṅmai-enyo̱-ke̱-edſe̱.

¹⁶ Ni mei ní yeo̱ Israel akutšei le̱ ano̱ ne̱: Rubenbii le̱ ano̱ lumo̱ dši: Eliezer, Zikri bi le̱; Simeonbii le̱: Šefatia, Maaka bi le̱;

¹⁷ Levibii le̱: Hašabia, Kemuel bi le̱; Aaronbii le̱: Zadok;

¹⁸ Iudabii le̱: Elihu ni dše̱ David nyemimei le̱ ateṅ le̱; Isakar bii le̱: Omri, Mikael bi le̱;

¹⁹ Zebulonbii le̱: Išmaia, Obadia bi le̱; Naftalibii le̱: Ierimot, Azriel bi le̱;

²⁰ Efraimbii le̱: Hošea, Azazia bi le̱; Manase akutšo fã le̱ mli bii le̱: Ioel, Pedaia bi le̱;

²¹ Manase akutšo fã ní yo̱ Gilead le̱ mli bii le̱: Ido, Zakaria bi le̱; Benyaminbii le̱: Iaasiel, Abner bi le̱;

²² Danbii le̱: Azareel, Ieroham bi le̱. Mene̱mei dši Israel akutšei le̱ ano̱ asafoiatše̱mei le̱.

²³ Ši David kanee mei ní eye afii nyoṅmai-enyo̱ ke̱ mei ní yeko nakai le̱; edšake̱ *Iehowa ekē̱ ake̱ eehã Israel yi afá tamo̱ ṅwei ṅulamii. *1 Mose 22,17.

²⁴ Ioab, Zeruia bi le̱, bõi kanemo̱, ši egbee nā. Ni ene̱ hewo̱ *mlifũ ba Israel no̱ le̱; nohewo̱ le̱ ake̱ nakai yibo̱ le̱ šii akontā le̱ no̱ ye̱ maṅtše̱ David yino̱sãdši le̱ amli. *21,14.

²⁵ Ši maṅtše̱ le̱ nitōhei le̱, Azmawet, Adiel bi le̱, kwe̱o̱ no̱, ni nitōhei ní yo̱ koi ase̱ ke̱ mãdši le̱ amli ke̱ akrowai le̱ amli ke̱ mõdši le̱ amli le̱, Ionatan, Uzia bi le̱, kwe̱o̱ no̱.

²⁶ Ni mei ni tšuo̱ ṅmõdšiaṅ nii ni ame̱hũo̱ šikpoṅ le̱, Ezri, Kelub bi le̱, kwe̱o̱ ame̱no̱.

²⁷ Ni weintromi le̱, Šimei, Ramanyo le̱, kwe̱o̱ no̱; ni wein tõhei ni yo̱ weintromi le̱ amli le̱, Zabdi, Šifimnyo le̱, kwe̱o̱ no̱.

²⁸ Ni mũtšei le̱ ke̱ sikamoretšei le̱ ni yo̱ dšō̱-šikpoṅ le̱ no̱ le̱, Baal-Hanan, Gedernyo le̱, kwe̱o̱ no̱; ni mũ tõhei le̱, Ioaš kwe̱o̱ no̱.

²⁹ Ni tšinai ni alē̱o̱ ye̱ Šaron le̱, Šitrai, Šaronnyo le̱, kwe̱o̱ no̱; ni tšinai ni yo̱ dšō̱i le̱ amli le̱, Šafat, Adlai bi le̱, kwe̱o̱ no̱.

³⁰ Ni yomai le̱, Obii, Išmaelnyo le̱, kwe̱o̱ no̱; ni tedšii le̱, Iehedeia, Meronotnyo le̱, kwe̱o̱ no̱.

³¹ Ni tōi le̱, Iaziz, Hagrinyo le̱, kwe̱o̱ no̱. Mene̱mei fẽ dši maṅtše̱ David nibii le̱ ano̱kwe̱lo̱i,

³² Ni Ionatan, David tše̱kwẽ le̱, dši ṅāwolo̱, nū ni yo̱ dſẽṅmo̱ dšile̱, ni ele woloṅ hũ. Ni Iehiel, Hakemoni bi le̱, ke̱ maṅtše̱ le̱ bii le̱ yo̱.

³³ Ni *Ahitofel hũ dši maṅtše̱ le̱ ṅāwolo̱; ni maṅtše̱ le̱ šientše̱ dši †Hušai, Arkinyo le̱. *2 Sam. 16,12. †2 Sam. 16,37.

³⁴ Ni Ahitofel le̱, Iehoiada, Benaia bi le̱, ke̱ Abiatar baye ese̱. Ni maṅtše̱ le̱ tatše̱ dši *Ioab. *2 Sam. 8,16.