1 Kronika 26 - Ṅmãle̱ Kroṅkroṅ Le̱

¹ *Agbónākwe̱lo̱i le̱ amlidšāi ne̱: Korabii le̱ ateṅ le̱: Mešelemia, Kore bi ní dše̱ Asaf bii le̱ ateṅ le̱. *2 Kron. 8,15; 35,16.

² Ni Mešelemia bihĩĩ ne̱: Zakaria dši ekromo̱bi, Iediael dši moni dši enyo̱, Zebadia dši moni dši etẽ, Iatniel dši moni dši edſe̱,

³ Elam dši moni dši enumo̱, Iehohanan dši moni dši ekpa, Eliehoenai dši moni dši kpawo.

⁴ Ni Obed-Edom bihĩĩ ne̱: Šemaia dši ekromo̱bi, Iehozabad dši moni dši enyo̱, Ioa dši moni dši etẽ, Sakar dši moni dši edſe̱, Netanel dši moni dši enumo̱,

⁵ Amiel dši moni dši ekpa, Isakar dši moni dši kpawo, Feuletai dši moni dši kpānyo̱; edšake̱ Nyoṅmo̱ dšō̱le̱.

⁶ Ni ebi Šemaia hũ fo̱ bihĩĩ, ame̱ ame̱yeo̱ ame̱tše̱ we le̱ no̱; edšake̱ hĩĩ kãkãlo̱i dšiame̱.

⁷ Šemaia bii ne̱: Otni ke̱ Refael ke̱ Obed ke̱ Elzabad, ni enyemimei dši Elihu ke̱ Semakia, ekãlo̱i le̱.

⁸ Mene̱mei fẽ dše̱ Obed-Edom bihĩĩ le̱ ateṅ, ame̱ ke̱ ame̱bii ke̱ ame̱nyemimei le̱, ame̱dši hĩĩ ni yo̱ hewale̱ ni ame̱sa hã súomo̱ le̱, mei ni dše̱ Obed-Edom nõ mli le̱ ame̱yi nyoṅmai-ekpa ke̱ enyo̱.

⁹ Ni Mešelemia ye̱ bii ke̱ nyemimei, hĩĩ ekãlo̱i nyoṅma ke̱ kpānyo̱.

¹⁰ Ni Hosa ní dše̱ Merari bii le̱ ateṅ le̱ hũ ye̱ bihĩĩ: Šimri dši onukpa, dšee le̱ dši kromo̱bi moṅ, ši etše̱ wole̱ onukpa;

¹¹ Hilkia dši moni dši enyo̱, Tebalia dši moni dši etẽ, Zakaria dši moni dši edſe̱; Hosa bii ke̱ enyemimei fẽ dši nyoṅma ke̱ etẽ.

¹² Ne̱ke̱ agbónākwe̱lo̱i ne̱ amlidšāi le̱ ano̱ onukpai le̱ ame̱ye̱ ame̱gbe̱nā nitšumo̱ tamo̱ ame̱nyemimei le̱ noṅṅ, ye̱ Iehowa we le̱ súomo̱ le̱ mli.

¹³ Ni afõ ošiki ye̱ *gbekẽ ke̱ onukpa fẽ hewe̱, ye̱ ame̱tše̱mei awei le̱ anã ahã agbó-fẽ-agbó. *26,8.

¹⁴ Nibokãgbe̱ ošiki le̱ kpe̱ hã Šelemia; ni afõ ebi Zakaria ní dši adšinafonyo nilelo̱ le̱ hũ he ošiki, ni ešiki le̱ kpe̱ hã kōyigbe̱.

¹⁵ Obed-Edom ná wuoyigbe̱, ni ebii le̱ ná nitōhe le̱.

¹⁶ Ni Šupim ke̱ Hosa ná anaigbe̱ ye̱ Šaleket agbó le̱ he, ye̱ gbe̱dšegbe̱ ni wó enā no̱ le̱ nā, bulo̱i ye̱ bulo̱i aṅe̱le̱no̱.

¹⁷ Bokãgbe̱ le̱ Levibii ekpa, kōyigbe̱ le̱ mei edſe̱ gbĩ kome, wuoyigbe̱ hũ mei edſe̱ gbĩ kome, ši nitōhe le̱ mei enyo̱nyo̱.

¹⁸ Ke̱-yaä Parbar le̱ he, ye̱ anaigbe̱ ye̱ gbe̱dšegbe̱ le̱ nā le̱, mei edſe̱, ni mei enyo̱ yo̱ Parbar le̱ dientše̱ he.

¹⁹ Agbónākwe̱lo̱i ni dše̱ Korabii ke̱ Merari bii le̱ ateṅ le̱ amlidšāi ne̱.

²⁰ Ši Levibii le̱ ateṅ le̱ Ahia dši moni kwe̱o̱ Nyoṅmo̱ we le̱ nitōhei le̱ ke̱ nii kroṅkroṅi le̱ atōhei le̱.

²¹ *Ladan bii le̱, Geršonnyo le̱ bii le̱ Ladan, Ladan tše̱mei awei le̱ ano̱ onukpai: Geršonnyo le̱, Iehiel; *25,8.

²² Iehiel bihĩĩ Zetam ke̱ enyemi Ioel kwe̱o̱ Iehowa we le̱ nitōhei le̱.

²³ Ni Amrambii le̱, Izeharbii le̱, Hebronbii le̱, Uzielbii le̱ ateṅ le̱

²⁴ *Šebuel, Mose bi Geršom bi le̱, yeo̱ lumo̱ ye̱ nitōhei le̱ ano̱. *23,16.

²⁵ Ni *enyemi Eliezer bi dši Rehabia, Rehabia bi dši Iešaia, Iešaia bi dši Ioram, Ioram bi dši Zikri, Zikri bi dši Šelomot. *25,17.

²⁶ Ne̱ke̱ Šelomot ne̱ ke̱ enyemimei le̱ dši mei ní kwe̱o̱ nii kroṅkroṅi le̱ atōhei le̱ fẽ, nii ní maṅtše̱ David ke̱ tše̱mei awei le̱ ano̱ onukpai le̱ ke̱ mei akpe-kpei ke̱ mei ohahai ano̱ asafoiatše̱mei le̱ ke̱ tatše̱mei le̱ dšō̱ no̱ ke le̱.

²⁷ Tai amli nihānii ni ame̱ṅõ le̱ ekomei ano̱ ame̱dšō̱ ame̱ke, koni ake̱-wula Iehowa we le̱;

²⁸ ke̱ nibii fẽ ni Samuel, ninalo̱ le̱, ke̱ Saul, Kiš bi le̱, ke̱ Abner, Ner bi le̱, ke̱ Ioab, Zeruia bi le̱, edšō̱ no̱ eke le̱: nofẽno ní adšō̱ no̱ ake le̱, Šelomot ke̱ enyemimei le̱ adeṅ yo̱.

²⁹ Izeharbii le̱ ateṅ le̱ adšie Kenania ke̱ ebihĩĩ le̱ ní ame̱kwe̱ Israel no̱ ye̱ kpono̱gbe̱nii agbe̱fãṅ: ame̱tšṍmo̱ onukpai ke̱ kodšolo̱i.

³⁰ Hebronbii le̱ ateṅ le̱ Hašabia ke̱ enyemimei ní dši hĩĩ ekãlo̱i akpe ke̱ ohai-kpawo le̱ kwe̱o̱ Israel no̱ ye̱ Iordan anaigbe̱, ye̱ Iehowa nitšumo̱ le̱ ke̱ maṅtše̱ súomo̱nii le̱ agbe̱fãṅ.

³¹ Asaṅ Hebronbii le̱ ateṅ le̱ Ieria dši onukpa, ye̱ Hebronbii le̱ ateṅ ye̱ ame̱tše̱mei awei le̱ anā; (David maṅtše̱yeli afi ní dši nyoṅmai-edſe̱ le̱ no̱ le̱ ataoame̱, ni aná hĩĩ ekãlo̱i ye̱ ame̱teṅ ye̱ Iazer-Gilead;)

³² ni enyemimei ni dši hĩĩ ekãlo̱i so̱ṅṅ ke̱ tše̱mei awei ano̱ onukpai le̱ feo akpei-enyo̱ ke̱ ohai-kpawo; ni David ṅõame̱ eto Rubenbii le̱ ke̱ Gadbii le̱ ke̱ Manase akutšo fã le̱ no̱, ye̱ Nyoṅmo̱ gbe̱fãṅ sãdši fẽ ke̱ maṅtše̱ le̱ hũ sãdši amli.