1 Kronika 17 - Ṅmãle̱ Kroṅkroṅ Le̱

¹ Ni eba mli ake̱, beni David yo̱ ewe le̱, ekē̱ gbalo̱ Natan ake̱: Na, mi le̱ tšenedru tšũ mli miyo̱ ne̱, ši Iehowa kpãṅmo̱ adeka le̱ moṅ ye̱ bū šiši!

² Ni Natan kē̱ David ake̱: Nofẽno ni yo̱ otšui mli le̱, femo̱; edšake̱ Nyoṅmo̱ fĩ ose̱!

³ Ši eba mli ake̱ nakai nyō le̱ṅ noṅṅ le̱ Nyoṅmo̱ wiemo̱ le̱ ba Natan ṅõ ekē̱:

⁴ Ya ní oyakē̱ mitšũlo̱ David ake̱: Bo̱ni Iehowa kē̱ ne̱: Dšee bo obamã tšũ ohãmi ni mahĩ mli.

⁵ Edšake̱ ke̱-dše̱ gbĩ no̱ ni miyakpla Israel ke̱-baši ṅme̱ne̱ gbĩ ne̱ no̱ le̱ mihĩko tšũ ko mli dã, ši moṅ midše̱o̱ bū mli miyaã bū mli ke̱ šihĩle̱he kome mli ke̱-yaä ekroko mli.

⁶ Hei fẽ ni mike̱ Israel fẽ enyienyiei le̱, ani mike̱ Israel kodšolo̱i le̱ ní mifã́-ame̱ ake̱ ame̱lè̱ mimaṅ le̱ eko ewie wiemo̱ ko pẽṅ ake̱: Mẽba po ni nyemãã tšenedru tšũ nyehããmi lo?

⁷ Nohewo̱ le̱ agbe̱ne̱ kē̱mo̱ mitšũlo̱ David ne̱ke̱: Bo̱ni Iehowa Zebaot kē̱ ne̱: Mi miyakplao ke̱-dše̱ tōialè̱he ke̱ tōi ase̱, koni obaye mimaṅ Israel no̱ lumo̱;

⁸ ni hefẽhe ní oyaã le̱ mifata ohe, ni miplenē ohenye̱lo̱i le̱ fẽ ye̱ ohĩe, ni mihã oná gbe̱i tamo gbomei agboi ni yo̱ šikpoṅ le̱ no̱ le̱ agbe̱i.

⁹ Ni asaṅ mato he ko mahã mimaṅ Israel, ni mate̱oame̱, koni ame̱hĩ ame̱dientše̱ ame̱hĩle̱he, ni akatšire̱ame̱ doṅṅ, ni yiwalo̱i hũ akakpãtã ame̱hĩe tamo̱ sá le̱,

¹⁰ be mli ní mifã́ kodšolo̱i ake̱ ame̱ye mimaṅ Israel no̱ le̱; ni maba ohenye̱lo̱i le̱ fẽ ši; ṅi asaṅ mikē̱o ake̱ Iehowa bamã šĩa ahão.

¹¹ Ni aaba mli ake̱, ke̱dši ogbĩĩ le̱ še̱ ní sa ake̱ oya otše̱mei le̱ aṅõ le̱, matẽ oseši ni dše̱ obihĩĩ le̱ ateṅ ši ye̱ ose̱, ni mahã emaṅtše̱yeli le̱ adamo̱ ši šiṅṅ.

¹² Le̱ eemã tšũ ehãmi, ni mahã esẽi le̱ amã ši šiṅṅ ke̱-ya nāno! 22,10; 28,5.

¹³ Matšṍ etše̱, ni le̱ hũ eetšṍ mibi; ni midšieṅ mimo̱bo̱nale̱ le̱ ye̱ ehe, tamo̱ bo̱ni midšie ye̱ moni nyie ohĩe le̱ he le̱.

¹⁴ Ši mike̱le̱ aato miwe le̱ ke̱ mimaṅtše̱yelihe le̱ ke̱-ate nāno̱, ni emaṅtše̱sẽi le̱ aamã ši šiṅṅ ke̱-ate nāno̱!

¹⁵ Bo̱ni ne̱ke̱ wiemo̱i ne̱ fẽ yo̱ ke̱ bo̱ni ne̱ke̱ ninā ne̱ fẽ yo̱ le̱, nakai Natan kē̱ David.

¹⁶ Ke̱ke̱ ni maṅtše̱ David te ni eyatá ši ye̱ Iehowa hĩe ni ekē̱: Iehowa Nyoṅmo̱, *namo dšimi, ni meni po dši miwe le̱, ni ohĩemi ke̱-baši bene̱ ne̱? 1 Mose 32,11.

¹⁷ Ni kẽle̱ ene̱ dšee noko sro̱to ko ye̱ ohĩe, Nyoṅmo̱, ši osā owie ye̱ otšũlo̱ we le̱ he hũ ye̱ nibii ní baba ye̱ šoṅṅ le̱ ahewo̱, ni obumi tamo̱ gbomo agbo ko, ō Iehowa Nyoṅmo̱!

¹⁸ Meni yo̱ David nā ni ekē̱o̱ doṅṅ ye̱ wō ní owo otšũlo̱ hĩe nyam ne̱ hewo̱? Edšake̱ ole otšũlo̱!

¹⁹ Iehowa, otšũlo̱ hewo̱ ni asaṅ bodientše̱ otšuidšũrõ nā otšu nibii wudši ne̱ fẽ, koni ohã ale nibii wudši ne̱ fẽ!

²⁰ Iehowa, nibii fẽ ni wo̱nu ke̱ wo̱toii le̱ anā le̱, mokomoko be̱ ni ke̱o ye egbo̱, ni asaṅ ose̱ le̱ nyoṅmo̱ ko nyoṅmo̱ ko be̱.

²¹ Ni mẽ dšeṅmaṅ kōme po ni yo̱ šikpoṅ ne̱ no̱ ní ke̱ omaṅ Israel ye egbo̱, ni Nyoṅmo̱ yiṅ ete ní eyakpõ efe le̱dientše̱ emaṅ, koni oke̱ nibii wudši ní yo̱ gbeyei le̱ ahe gbe̱i, ake̱-ní oſie dšeṅmãdši le̱ ye̱ omaṅ ní okpõ ke̱-dše̱ Mizraim le̱ hĩe le̱?

²² Edšake̱ oṅō omaṅ Israel ofe bodientše̱ omaṅ ke̱-mīya nāno̱, ni bo, Iehowa, otšṍ ame̱-Nyoṅmo̱.

²³ Ni agbe̱ne̱, Iehowa, wiemo̱ le̱ ní owie ye̱ otšũlo̱ ke̱ ewe le̱ hewo̱ le̱, hã ní ana ake̱ ano̱kwale ni ke̱-ya nāno̱, ni ofe take̱ bo̱ni okē̱ le̱.

²⁴ Hē̃, hã ní ana ake̱ ano̱kwale ni, ni ogbe̱i le̱ ada kple ke̱-ya nāno̱ ní akē̱ ake̱: Iehowa Zebaot, Israel Nyoṅmo̱ le̱, le̱ dši Nyoṅmo̱ ehã Israel, ni otšũlo̱ David we le̱ adamo̱ ši šiṅṅ ye̱ ohĩe!

²⁵ Edšake̱ bo, mi-Nyoṅmo̱, owó otšũlo̱ toi no̱ ake̱ obamã šĩa ohãle̱, nohewo̱ ni otšũlo̱ hũ ná tšui eso̱le ye̱ ohĩe ne̱.

²⁶ Ni agbe̱ne̱, Iehowa, bo noṅṅ dši Nyoṅmo̱, ni oke̱ ne̱ke̱ nõkpakpa ne̱ ewo otšũlo̱ ši;

²⁷ nohewo̱ le̱ agbe̱ne̱ ná he tšui, ni odšō̱ otšũlo̱ we le̱, koni ehĩ ši ye̱ ohĩe ke̱-ya nāno̱; edšake̱ moni bo, Iehowa, odšō̱o̱ le̱, adšō̱le̱ ke̱-mīya nāno̱!