1 Kronika 12 - Ṅmãle̱ Kroṅkroṅ Le̱

¹ Agbe̱ne̱ mene̱mei dši mei ní ba David ṅõ ye̱ *Ziklag, beni etēo̱ ehe ye̱ Saul, Kiš bi le̱, hĩe lolo le̱; ni ame̱ hũ ame̱ye̱ ekãlo̱i ní yeo̱ buaäle̱ ye̱ ta mli le̱ ateṅ, *1 Sam. 27,6.

² ni ame̱hĩeo̱ *gãi, ni ame̱nyẽo̱ ame̱ke̱ ame̱ninedšũrõ ke̱ ame̱be̱ku fẽ fõo̱ te̱ ni ame̱ke̱-tšẽo̱ gãi hũ; Saul nyemimei le̱ ní dše̱ Benyamin le̱ ateṅ meikomei ni: *8,40.

³ Ame̱nukpa dši Ahiezer ke̱ Ioaš, Gibeanyo Šemaa bii le̱; ke̱ Ieziel ke̱ Pelet, Azmawet bii le̱; ke̱ Beraka ke̱ Iehu, Anatotnyo le̱;

⁴ ke̱ Išmaia, Gibeonnyo ni dši ekãlo̱ ye̱ mei nyoṅmai-etẽ teṅ, ni eye ame̱no̱ tše̱ le̱; ke̱ Ieremia ke̱ Iahaziel ke̱ Iohanan ke̱ Iozabad, Gederanyo le̱;

⁵ Eluzai ke̱ Ierimot ke̱ Bealia ke̱ Šemaria ke̱ Šefatia, Harofnyo le̱;

⁶ Elkana ke̱ Išia ke̱ *Azareel ke̱ Ioezer ke̱ Iašobeam, Korabii le̱; *26,18.

⁷ ke̱ Ioela ke̱ Zebadia, Ieroham bii ni dše̱ Gedor le̱.

⁸ Ni Gadbii le̱ ateṅ mei ni tše amehe ke̱-ba David ṅõ ye̱ te̱kplo ní yo̱ ṅã le̱ no̱ le̱ṅ, ní dši hĩĩ kãkãlo̱i ní le tawũ ní le tše̱ṅ ke̱ akplo̱ hĩemo̱, ni ame̱hĩe tamo̱ dšatai ahĩe, ní amehe ye̱ *oyá tamo̱ soṅăi ní yo̱ gõdši ano̱ le̱ ne̱: *2 Sam. 2,18.

⁹ Ame̱nukpa dši Ezer, moni dši enyo̱ le̱ Obadia, moni dši etẽ le̱ Eliab,

¹⁰ moni dši edſe̱ le̱ Mišmana, moni dši enumo̱ le̱ Ieremia,

¹¹ moni dši ekpa le̱ Atai, moni dši kpawo le̱ Eliel,

¹² moni dši kpānyo̱ le̱ Iohanan, moni dši ne̱hũ le̱ Elzabad,

¹³ moni dši nyoṅma le̱ Ieremia, moni dši nyoṅma ke̱ ekome le̱ Makbanai.

¹⁴ Mene̱mei dše̱ Gadbii le̱ ateṅ ni ame̱dši ta le̱ no̱ asafoiatše̱mei; moni dši bibiō ye̱ ame̱teṅ le̱ eyeo̱ mei oha no̱, ni moni dši agbo ye̱ ame̱teṅ le̱ eyeo̱ mei akpe no̱.

¹⁵ Mene̱mei hũ dši mei ni fo Iordan fā le̱ ye̱ kleṅkleṅ nyõṅ le̱ no̱, beni eyimo̱ ekai le̱ fẽ le̱, ni ame̱wo dšō̱i le̱aṅ bii le̱ fẽ foi ye̱ bokăgbe̱ ke̱ anaigbe̱ le̱.

¹⁶ Asaṅ Benyamin ke̱ Iuda bii le̱ ateṅ meikomei hũ ba David ṅõ, ye̱ te̱kplo le̱ṅ.

¹⁷ Ni David dše kpo ke̱-ba ame̱hĩe, ni ehere no̱ ni ekē̱ame̱ ake̱: Ke̱dši hedšo̱le̱-nyiemo̱ nyenyie ke̱-ba miṅõ, koni nyebaye nyebuami le̱, no le̱ miye̱ he tšui ake̱ mike̱nye aafe ekome; ši ke̱dši nyeba ni nyebatšõ mihenye̱lo̱i le̱ mise̱gbe̱ le̱, ake̱-ni sane fõṅ ko be̱ mideṅ hewo̱ le̱, wo̱tše̱mei a-Nyoṅmo̱ le akwe̱ ní ekodšo!

¹⁸ Ke̱ke̱ ni mumo̱ le̱ yi Amasai, mei nyoṅmai-etẽ le̱ no̱ asafoiatše̱ le̱ no̱, ni ekē̱: Onii dšiwo̱, David, ni ogbe̱fãṅ wo̱yo̱, Išai bi! tſa omanye aba, onõ dši omanye; obualo̱i le̱ anõ dši omanye; edšake̱ o-Nyoṅmo̱ le̱ yeo̱ buaäo! Ke̱ke̱ ni David here-ame̱, ni ewoame̱ asafo le̱ no̱ asafoiatše̱mei.

¹⁹ Ni Manasebii le̱ hũ ateṅ meikomei tše ame̱he ke̱-badõmo̱ David, beni eke̱ Filistibii le̱ baã ní ame̱ke̱ Saul abawo le̱, ši ame̱náá ame̱fata ame̱he; edšake̱ *Filistibii le̱ alumei le̱ te adšina ni ame̱wole̱ gbe ame̱kē̱: Wo̱yitšei eke̱-batše ke̱-ya enuṅtšo̱ Saul ṅō. *1 Sam. 29,4.

²⁰ Ni beni eyiṅ ke̱-te Ziklag le̱, Manasebii komei ní dši Adna ke̱ Iozabad ke̱ Iediael ke̱ Mikael ke̱ Iozabad ke̱ Elihu ke̱ Ziletai, mei akpekpei ano̱ asafoiatše̱mei ni dše̱ Manasebii ateṅ le̱ tše badõmo̱le̱.

²¹ Ni mene̱mei ye bua David ni eke̱ odšoyeli ta le̱ wu le̱; edšake̱ hĩĩ kãkãlo̱i dši ame̱fẽ-kwa, ni ame̱dši tatše̱mei hũ.

²² Ni gbĩ-fẽ-gbĩ le̱ mei baä David ṅõ ame̱bafataä ehe ke̱-yaši beyino̱ ní ame̱-tšṍ ta kpeteṅkple tamo̱ Nyoṅmo̱ ta le̱.

²³ Ni mei ní emĩa hã tawū le̱ ateṅ onukpai ní ba David ṅõ ye̱ Hebron, ni ame̱badãi Saul maṅtše̱yeli le̱ ame̱hãle̱, tamo̱ boni Iehowa ewie le̱, ayibo̱i ne̱:

²⁴ Iudabii le̱ ateṅ mei ni hĩe tše̱ṅ ke̱ akplo̱ ni ame̱mĩa hã tawū le̱ dši mei akpei-ekpa ke̱ ohai-kpānyo̱.

²⁵ Simeonbii le̱ ateṅ le̱ tawulo̱i kãkãlo̱i dši mei akpei-kpawo ke̱ oha.

²⁶ Levibii le̱ ateṅ le̱ mei akpei-edſe̱ ke̱ ohai-ekpa;

²⁷ ke̱ Iehoiada ni dši Aaron we le̱ no̱ lumo̱ le̱, ke̱ mei akpei-etẽ ke̱ ohai-kpawo ní fata ehe le̱;

²⁸ ke̱ Zadok, oblanyo kãkãlo̱ ko, ke̱ etše̱ we le̱ asafoiatše̱mei nyoṅmai-enyo̱ ke̱ enyo̱. 2 Sam. 15,24. 1 Kron. 5,31.

²⁹ Benyaminbii ni dši Saul nyemimei le̱ ateṅ mei akpei-etẽ; edšake̱ ame̱teṅ mei kpotõ kpe̱te̱ Saul we le̱ he ke̱-baši nakai be le̱ mli.

³⁰ Efraimbii le̱ ateṅ mei akpei-nyoṅmai-enyo̱ ke̱ ohai-kpānyo̱, tawulo̱i kãkãlo̱i ní yo̱ gbe̱i ye̱ ame̱tše̱mei awe le̱.

³¹ Manase akutšo fā le̱ṅ mei akpei-nyoṅma-ke̱-kpānyo̱ ní adše gbe atši ame̱gbe̱i atã ake̱ ameba ní ameba wo David maṅtše̱ le̱.

³² Isakarbii le̱ ateṅ mei ni le bei ahe nii, ní ame̱le noni sa ake̱ Israel afe, onukpai ohai-enyo̱; ni ame̱nyemimei le̱ fẽ boo̱ ame̱wiemo̱ le̱ toi.

³³ Zebulonbii le̱ ateṅ tawulo̱i ni le tawū dšogbăṅ ní hĩe tawūnii sro̱toi fẽ le̱, ame̱yi akpei-nyoṅmai-enumo̱, mei ni le tagbámo̱ ní ame̱yitšoṅ be̱ enyo̱nyo̱.

³⁴ Naftalibii le̱ ateṅ asafoiatše̱mei akpe, ke̱ mei ní hĩe tše̱ṅ ke̱ akplo̱ akpei-nyoṅmai-etẽ-ke̱-kpawo ní fata ame̱he le̱.

³⁵ Danbii le̱ ateṅ mei ni le tagbámo̱ akpei-nyoṅmai-enyo̱-ke̱-kpānyo̱ ke̱ ohai-ekpa.

³⁶ Ašerbii le̱ ateṅ tawulo̱i ní le tagbámo̱ dšogbāṅ akpei-nyoṅmai-edſe̱.

³⁷ Mei ní dše̱ Iordan se̱ ni dši Rubenbii ke̱ Gadbii ke̱ Manase akutšo fā le̱ṅ bii le̱ ateṅ mei ní hĩe tawūnii sro̱toi fẽ akpei-oha-ke̱-nyoṅmai-enyo̱

³⁸ Mene̱mei fẽ ní dši hĩĩ tawulo̱i ni le tagbámo̱ le̱ ba Hebron ke̱ ame̱tšui fẽ, koni ame̱bawo David maṅtše̱ ye̱ Israel mū le̱ fẽ no̱, ni Israelbii ni eſe̱ le̱ fẽ fe ekome ake̱ awo David maṅtše̱.

³⁹ Ni ame̱ke̱ David hĩ dše̱i gbĩĩ etẽ, ame̱yeyẽ nii ni ame̱nunū dãi; edšake̱ ame̱-nyemimei le̱ esra ame̱se̱.

⁴⁰ Ni asaṅ mei ni be̱ṅke̱ame̱ āhũ ke̱-yaši Isakar ke̱ Zebulon ke̱ Naftali niiaṅ le̱ hã tedšii ke̱ yomai ke̱ tedšiokpo̱ṅo̱i ke̱ tšinai tšre abolo ke̱ niyenii sro̱toi ke̱-ba: mã ke̱ agbãmi-tatalei ke̱ weinyibii gbīdši ke̱ wein ke̱ mū ke̱ tšinai ke̱ toi babaō dientše̱; edšake̱ mīše̱ eba Israel.