1 Kronika 11 - Ṅmãle̱ Kroṅkroṅ Le̱

¹ Ke̱ke̱ ni Israel mū le̱ fẽ bua amehe nā ke̱-ba David ṅõ ye̱ Hebron ni ame̱-bakē̱: Na, *ohelo ke̱ owú dšiwo̱. *1 Mose 29,14.

² Asaṅ nyese̱ ne̱, beni Saul yeo̱ wo̱no̱ maṅtše̱ le̱, bo noṅṅ dši moni ke̱ Israel yaä ni oke̱ame̱ baä; ni Iehowa, o-Nyoṅmo̱ le̱, hũ kē̱o ake̱: Bo oolē̱ mimaṅ Israel, ni bo noṅṅ ooye mimaṅ Israel no̱ lumo̱.

³ Ni Israel onukpai le̱ fẽ ba maṅtše̱ le̱ ṅõ ye̱ Hebron, ni David ke̱ame̱ kpãṅ ye̱ Iehowa hĩe ye̱ Hebron, ni ame̱fo̱ David mũ ame̱ wole̱ Israel no̱ maṅtše̱, *tamo̱ bo̱ni Iehowa tšṍ Samuel no̱ ewie le̱. *1 Sam. 16,1, 5. 12.

⁴ Ke̱ke̱ ni David ke̱ Israel mū le̱ fẽ yiṅ ame̱te Ierusalem, no dši Iebus; ši dše̱i Iebusbii ní dši šikpoṅ le̱ no̱ bii le̱ yo̱.

⁵ Ni Iebusbii le̱ kē̱ David ake̱: Obaṅ bie̱! Ši kẽle̱ David ṅõ Zion mõ le̱, no dši David maṅ le̱.

⁶ Ni David kē̱: Mo tšutšu ní aayatſia Iebusbii le̱ anii le̱, eetšṍ asafoiatše̱nukpa ke̱ lumo̱! Ke̱ke̱ ni Ioab, Zeruia bi le̱, tšutšu fã ke̱-te, ni etšṍ asafoiatše̱nukpa.

⁷ Ni David hĩ ši ye̱ mō̃ le̱ṅ, nohewo̱ atšé̱o̱le̱ David maṅ le̱.

⁸ Ni David tſa gbogbo ewo maṅ le̱ he ke̱-kpe, ke̱-dše̱ Milo āhũ ke̱-kpe kpũla. Ni Ioab sā maṅ le̱ heni eſe̱ le̱.

⁹ Ši David hewale̱ le̱ da ke̱ke̱ edaă ke̱-yaā no̱; edšake̱ Iehowa Zebaot ke̱le̱ ye̱.

¹⁰ Ni mene̱mei dši hĩĩ kãkãlo̱i ní David yo̱ le̱ ateṅ onukpai, mei ní fĩ ese̱ kpẽṅṅ ye̱ emaṅtše̱yeli le̱ gbe̱fãṅ, ni asaṅ Israel fẽ bū fata ame̱he, koni awole̱ maṅtše̱, tamo̱ bo̱ni Iehowa wie ye̱ Israel hewo̱ le̱.

¹¹ Ni hĩĩ kãkãlo̱i ni David yo̱ le̱ ayibo̱ ne̱: *Iašobeam, Hakemonnyo bi le̱, moni dši onukpa ye̱ mei etẽ le̱ ateṅ le̱; le̱ ewó ekplo̱ no̱ ye̱ mei ohai-etẽ no̱ ni egbeame̱ šikōme. *27,3.

¹² Ni eso̱ le̱ *Eleazar, Ahohinyo le̱, ní dši Dodo bi; edši hĩĩ kakabãi etẽ le̱ ateṅ mokome. *27,4.

¹³ Le̱ eke̱ David yo̱ Pas-Damim, beni Filistibii le̱ babua amehe nā ye̱ dše̱i ni ame̱bawu le̱; hi šikpoṅ kuku ko ye̱ dše̱i ni akoko eyi no̱ obo, ni maṅ le̱ dšo foi ye̱ Filistibii le̱ ahĩe;

¹⁴ ke̱ke̱ ni ame̱ho ame̱damo̱ ši ye̱ šikpoṅ kukuō le̱ teṅ tūntu, ni ame̱fã he, ni ame̱gbe Filistibii le̱, ni Iehowa tšu kūnimyeli nitšumo̱ kpeteṅkple.

¹⁵ Ni onukpai nyoṅmai-etẽ le̱ ateṅ mei etẽ ne̱ kpleke ši ke̱-te te̱sā le̱ no̱ ye̱ David ṅõ ye̱ *Adulam te̱kplo le̱ mli; ni Filistibii ata le̱ ebo̱ nsra ye̱ Refaim dšō̱ le̱ṅ. *1 Sam. 22,1.

¹⁶ Ni no mli le̱ David ye̱ te̱kplo le̱ mli, ni Filistibii asrafoi le̱ hũ ye̱ Betlehem;

¹⁷ ni eba David tšine ni ekē̱: Namo aate ayaye̱ nu ye̱ Betlehem nubu ní yo̱ agbó le̱ mase̱i le̱ mli ebahãmi manu?

¹⁸ Ke̱ke̱ ni mei etẽ ne̱ ṅõ-tšere̱ mli ke̱-tšṍ Filistibii le̱ ansra le̱ mli, ni ame̱yaye̱ nu le̱ ye̱ Betlehem nubu le̱ ní yo̱ agbó le̱ mase̱i le̱ mli, ni ame̱wó ke̱-ba ame̱ke̱-bahã David; ši David sumo̱o̱ ake̱ enu, ni efo̱se eſie ši ehã Iehowa,

¹⁹ ni ekē̱: Mi-Nyoṅmo̱ le̱ akahã ene̱ mīgbalemi fō̃ṅfõ ake̱ mafe ene̱! aso manu ne̱ke̱ hĩĩ ní še̱re̱ amehe ame̱ſie ne̱ alá lo? edšake̱ ame̱he ame̱še̱re̱ ame̱ſie ni ame̱yaye̱ ke̱-ba ne̱! Nohewo le̱ esumo̱o̱ ake̱ enu. Nii ní hĩĩ kakabãi etẽ le̱ fe ne̱.

²⁰ Ni Abišai, Ioab nyemi le̱, dši mei etẽ le̱ ateṅ onukpa, le̱ hũ ewó ekplo̱ no̱ ye̱ mei ohai-etẽ no̱ ni egbeame̱, ni ená gbe̱i ye̱ mei etẽ le̱ ateṅ.

²¹ Mei etẽ le̱ ateṅ le̱ le̱ dši moni hĩe yo̱ nyam fè mei enyo̱ le̱, nohewo le̱ awole̱ ame̱safoiatše̱; ši kleṅkleṅmei etẽ le̱ eninaa-ame̱.

²² Ni Benaia, nū ekãlo̱ ko ni tšu nibii wudši ní edše̱ Kabzeel le̱ bi Iehoiada bi le̱, le̱ hũ egbe Ariel ni dše̱ Moab le̱ bihĩĩ enyo̱ le̱, ni le̱ noṅṅ ekpleke ši ke̱-te ni eyagbe dšata ye̱ bu ko mli ye̱ anõ be le̱ mli.

²³ Ni esā egbe Mizraimnyo ko ní eke̱le̱ dši ninetalo̱i ennmo̱; ni Mizraimnyo le̱ hĩe akplo̱ ni *tamo̱ mamalòlo̱ agbatšo ye̱ edeṅ; ši le̱ le̱ ehĩe dẽhĩemo̱tšo ke̱kpleke ši ke̱-yaninale̱, ni ešõ akplo̱ le̱ ye̱ Mizraimnyo le̱ deṅ, ni eke̱ le̱dientše̱ ekplo̱ le̱ gbele̱. *1 Sam. 17,7. 40.51.

²⁴ Nii ni Iehoiada bi Benaia le̱ fe ne̱, ni ená gbe̱i ye̱ hĩĩ kakabãi etẽ le̱ ateṅ. 27,5. 6.

²⁵ Na, ehĩe ye̱ nyam fè mei nyoṅmai-etẽ le̱, ši kleṅkleṅmei etẽ le̱, enināa-ame̱. Ni David wole̱ onukpa ye̱ ehebulo̱i le̱ ano̱.

²⁶ Tai le̱ amli kãkãlo̱i hũ ne̱: Asahel, Ioab nyemi le̱; Elhanan, Dodo bi ni dše̱ Betlehem le̱;

²⁷ Šamot, Harornyo le̱; Helez, Pelonnyo le̱; 27,9. 10.

²⁸ Ikeš bi Ira, Tekonyo le̱; Abiezer, Anatotnyo le̱;

²⁹ Sibekai, Hušatnyo le̱; Ilai, Ahohinyo le̱;

³⁰ Maharai, Netofatnyo le̱; Heled, Baana bi, ni dši Netofatnyo le̱;

³¹ Itai, Ribai bi, ni dše̱ Benyaminbii le̱ a-Gibea le̱; Benaia, Piratonnyo le̱;

³² Hurai ni dše̱ Gaaš fai le̱ anã le̱; Abiel, Arbatnyo le̱;

³³ Azmawet, Baharumnyo le̱; Eliaba, Šaalbonnyo le̱;

³⁴ Bene-Hašem, Gizonnyo le̱; Ionatan, Šage bi, ní dši Hararnyo le̱;

³⁵ Ahiam, Sakar bi, ni dši Hararnyo le̱; Elifal, Ur bi le̱;

³⁶ Hefer, Mekeratnyo le̱; Ahia, Pelonnyo le̱;

³⁷ Hezro, Karmelnyo le̱; Naarai, Ezbai bi le̱;

³⁸ Ioel, Natan nyemi le̱; Mibhar, Hagri bi le̱;

³⁹ Zelek, Amonnyo le̱; Naharai, Berotnyo, ni dši Ioab, Zeruia bi le̱, tawūniihĩelo̱ le̱;

⁴⁰ Ira, Itrinyo le̱; Gareb, Itrinyo le̱;

⁴¹ *Uria, Hitnyo le̱; Zabad, Ahĕlai bi le̱; *1 Sam. 11,3.

⁴² Adina, Šiza bi ni dši Rubennyo, Rubenbii le̱ asafoiatše̱ le̱, ni ehĩe mei nyoṅmai-etẽ;

⁴³ Hanan, Maaka bi le̱; ke̱ Iošafat, Mitninyo le̱;

⁴⁴ Uzia, Ašteratnyo le̱; Šama ke̱ Ieiel, Hotam, Aroernyo le̱, bii le̱;

⁴⁵ Iediael, Šimri bi le̱, ke̱ enyemi Ioha ní dši Tizinyo le̱;

⁴⁶ Eliel, Mahavinyo le̱; ke̱ Ieribai ke̱ Iošavia, Elnaam bii le̱; ke̱ Itma, Moabnyo le̱;

⁴⁷ Eliel ke̱ Obed ke̱ Iaasiel, Mezobanyo le̱.