1 Korintobii 6 - Ṅmãle̱ Kroṅkroṅ Le̱

¹ Nto ké̱ nyeteṅ moko ke̱ enanyo ná sane ko le̱ edšeo̱ gbe̱ eke̱le̱ yayeo̱ sane ye̱ mei ni dšáá Nyoṅmo̱ le̱ aṅõ, ši eke̱le̱ eyaa meikroṅkroṅi le̱ aṅõ?

² Ani nyelee ake̱ *meikroṅkroṅi le bakodšo dše le̱? Ni ké̱ nye nyebafata he ní akodšo dše le̱, aso nyesaa mei ní kodšoo̱ sãdši bibii? *Kpods. 8,21. Dan. 7,22.

³ Ani nyelee ake̱ wo̱bakodšo ṅweibo̱foi tete? ši mbasroo dše ne̱ṅ sădši.

⁴ Agbene, ke̱dši nyeye̱ dše ne̱ṅ sãdši komei ayeli le̱, mẽba nyehãa mei ní abuuame̱ ye̱ asafo le̱ mli kodšoo̱ mo̱?

⁵ Mikē̱ ene̱ ní mike̱-wonye hĩegbĕle; aso boni dši ne̱, ake̱ nilelo̱ komeflo be̱ nyeteṅ, moni aanyẽ enyemimei ateṅ e-kodšo?

⁶ ši moṅ mo ke̱ enyemi yaä kodšomo̱ ye̱ mei ní hee yee le̱ aṅõ po?

⁷ Ene̱ le̱ nyeto kpa momo, ake̱-ní nyeke̱ nyehe yeyeo̱ sãdši sãdši le̱. Mẽba nyehãã ayenye amim moṅ? mẽba nyehãã ašišiunye moṅ? Mat. 5,39. 1 Tes. 5,15. 1 Pet. 3,9.

⁸ Ši nye moṅ nyeyeo̱ amim ni nyešišiuo̱ mei ní dši nyemimei tete.

⁹ Ani nyelee ake̱ amimyelo̱i anine še̱ṅ Nyoṅmo̱ maṅtše̱yeli le̱ no̱? Nyekabia alakaänye! Adſamaṅbo̱lo̱i lo wo̱ṅdšálo̱i lo gblãṅkũolo̱i lo mei ní ke̱ ame̱dientše̱ ame̱helo feo yakayakanii lo hĩĩ ni ke̱ hĩĩ feo yakayakanii,

¹⁰ lo dšulo̱i lo hĩedšōlo̱i lo dā̃to̱lo̱i lo mei-adše̱lo̱i lo amimyelo̱i anine še̱ṅ Nyoṅmo̱ maṅtše̱yeli le̱ ne̱ kwrā. Gal. 5,19-21.

¹¹ Ni ne̱ke̱ nyeteṅ meikomei yo̱ sá; ši agbe̱ne̱ adšu nyehe, ni asaṅ atšū nyehe, ni abunye bem hũ ye̱ Nuṅtšo̱ Iesu gbe̱i ke̱ wo̱-Nyoṅmo̱ le̱ Mumo̱ mli. Tit. 3,3-7.

¹² Miye̱ nibii fẽ hegbe̱ moṅ, ši kẽle̱ dšee nibii fẽ hĩ; miye̱ nibii fẽ hegbe̱ moṅ, ši mihãṅ noko aye mino̱. 10,28.

¹³ Ṅmā̃ ye̱ hã mũsũ, ni mũsũ hũ ye̱ hã ṅmā̃; ši Nyoṅmo̱ bahã enyo le̱ fẽ se̱ afo; ši *gbomotšo le̱, dšee adſamaṅbō̱ hewo̱ eyo̱, ši moṅ Nuṅtšo̱ le̱ hewo̱ eyo̱, ni Nuṅtšo̱ le̱ hũ ye̱ hã gbomotšo le̱; *1 Tes. 4,3-5.

¹⁴ ni bo̱ni Nyoṅmo̱ tē Nuṅtšo̱ le̱ ši ke̱-dše̱ gbohĩĩ ateṅ le̱, nakai ebatē wo̱ hũ ši ye̱ ehewale̱ nā. 15,15. 20. 2 Kor. 4,14.

¹⁵ Ani nyelee ake̱ nyegbomotšei le̱, Kristo henii dšĩame̱? bĕle̱ miṅõ Kristo henii le̱ mife adſamaṅ henii lo? Dabida! 12,27.

¹⁶ Alo nyelee ake̱ moni ke̱ ehe yabo̱ö̱ adſamaṅ he le̱, eke̱le̱ feo̱ gbomotšo kome? Edšake̱ ekē̱ ake̱: *“ame̱yi enyo le̱ fẽ ame̱atšṍ helo kome.” *1 Mose 2,24.

¹⁷ Ši moni ke̱ ehe bo̱ö̱ Nuṅtšo̱ le̱ he le̱, eke̱le̱ feo̱ mumo̱ kome. Ioh. 17,21. 22 Ef. 5,30.

¹⁸ Nyedšoa adſamaṅbō̱ nā foi! Eša-fẽ-eša ní gbomo feo̱ le̱, dšee egbomotšo le̱ mli yo̱; ši moni bo̱ö̱ adſamaṅ le̱, efeo̱ eša ešio̱ le̱dientše̱ egbomotšo le̱.

¹⁹ Ani nyelee ake̱ nyegbomotšo le̱ Mumo̱ kroṅkroṅ ní yo̱ nyemli ni nyená ke̱-dše̱ Nyoṅmo̱ ṅō le̱ so̱lemo̱tšũ ni, ni nyedšee nyedientše̱ nyenõ lo? 3,16.

²⁰ Edšake̱ *ahénye ke̱ dšra ní wa. Nohewo̱ le̱ †nyewoa Nyoṅme̱ hĩe nyam ye̱ nyegbomotšo ke̱ nyemumo̱ le̱ ní dši Nyoṅmo̱ nõ le̱ mli. *7,23. 1 Pet 1,18. 19. †Fil. 1,20.