1 Korintobii 4 - Ṅmãle̱ Kroṅkroṅ Le̱

¹ Bo̱ pe̱ ní gbomei abuwo̱ ne̱, ake̱ Kristo súolo̱i ke̱ Nyoṅmo̱ *tēmo̱sãdši le̱ ano̱ tšũdši nukpai. *Tit. 1,7.

² Ši noni eſe̱ ní ataoo̱ ye̱ tšũdši nukpai le̱ adeṅ dši ake̱, ana ame̱teṅ mofẽmo ake̱ *ano̱kwafo. *Luk. 12,42.

³ Ši mi le̱, mibuu le̱ sane pī ko ake̱ nyekodšoo̱mi alo gbomei komei aakodšomi gbĩ ko; ši midientše̱ tete mikodšoo mihe;

⁴ edšake̱ milee noko ye̱ midientše̱ mihe moṅ: ši kẽle̱ dšee nohewo̱ aabumi bem; ši moni kodšoo̱mi dši Nuṅtšo̱ le̱. Lal. 143.2.

⁵ Nohewo̱ le̱ nyekakodšoa noko dãni še̱ be le̱, ke̱-yaši beyino̱ ní Nuṅtšo̱ le̱ aaba, moni ke̱ dũdšiaṅnibii nī aṅõ-tē le̱ tete aaba la hĩe, ni eedšie tšuiiaṅ-adšinai le̱ aši le̱; ni no mli le̱ *mofẽmo aaná eyidšiemo̱ ke̱-adše̱ Nyoṅmo̱ deṅ. *3,8.

⁶ Ši, anyemimei, nyehewo̱ mike̱ ne̱ke̱ nibii ne̱ too̱ mike̱ Apolo he le̱, koni nyekasewo̱ ni moko akadſẽṅ fè noni aṅmã le̱, koni *nyeteṅ moko akakwe̱ moko hewo̱ ni ewo ehe no ye̱ enanyo no̱. *Rom. 12,8.

⁷ Ši namo hã esŏro bo? Ni asaṅ *meni oyo̱ ní dšee hã ahão? Ši ke̱dši hã ahão le̱, mẽba oſãa tamo̱ noni dšee hã ahão le̱? *Rom. 12,6.

⁸ Nyetŏ̱ro̱ momo, *nyená nii momo, nyešĩwo̱ se̱ ni nyemīye maṅtše̱; ni miná ni kũle̱ nyemīye maṅtše̱ le̱le̱ṅ, koni wo̱ hũ †wo̱ke̱nye aye! *Kpods. 3,17. †Kpods. 3,21.

⁹ Edšake̱ efeo̱mi ake̱ Nyoṅmo̱ eṅõ wo̱ mei ni dši bo̱foi le̱ moṅ efe se̱kpelo̱i, tamo̱ mei ni adšō̱ ame̱no̱ *ahã gbĕle; edšake̱ ake̱wo̱ efe †nikwe̱mo̱nii ahã dše le̱ ke̱ ṅweibo̱foi ke̱ gbomei. *Rom. 8.36. †Heb. 10,33.

¹⁰ Wo̱ le̱, *kwašiai dšiwo̱ ye̱ Kristo hewo̱, ši nye le̱, nilelo̱i dšinye ye̱ Kristo mli; wo̱ le̱, gbo̱dšo̱lo̱i dšiwo̱, ši nye le̱, hewalo̱i dšinye; nye, nyehĩe yo̱ nyam, ši wo̱ le̱, wo̱hĩe be̱ nyam. *3,18.

¹¹ Ke̱-baši be ne̱ fẽ le̱ *hõmo̱ ke̱ kũmai yeo̱wo̱, ni wo̱nyieo̱ yayai, ni agblagblaäwo̱ mãi, ni wo̱be̱ hĩle̱he kre̱dē̱ ko, *2 Kor. 11,23-27.

¹² ni *wo̱gboo̱ deṅme wo̱ke̱ wo̱nidši tšuo̱ nii; †beni adše̱o̱wo̱ le̱, wo̱mídšō̱; **beni awaäwo̱ yi le̱, wotoo̱ tšui; beni afiteo̱ wo̱gbe̱i le̱, wo̱mīkpa fai; *Bo̱f. 18,3; 20,34. 1 Tes. 2,9. 2 Tes. 3,8. 1 Kor. 9,15. †Rom. 12,14. **Lal. 109,28.

¹³ wo̱tšṍmo̱ tamo̱ dše le̱ tumuno̱nii, mei fẽ abē̱mo̱nii ke̱-baši be ne̱.

¹⁴ Miṅmãã ene̱mei ni mike̱-wonye hĩegbĕle, ši moṅ mīwie mītšõnye tamo̱ mibii ni misumoo̱.

¹⁵ Edšake̱ ke̱dši nyeye̱ kwe̱lo̱i akpei-nyoṅma tete ye̱ Kristo mli le̱, kẽle̱ dšee tše̱mei pī nyeyo̱; edšake̱ mitšṍ sanekpakpa le̱ no̱ mifo̱nye ye̱ Kristo Iesu mli. Gal. 4,19.

¹⁶ Nohewo̱ le̱ mīkpanye fai ní nyekasemi. 11,1.

¹⁷ Nohewo̱ hũ ní mitšũ *Timoteo ní dši misuomo̱bi ke̱ ano̱kwafo ye̱ Nuṅtšo̱ le̱ mli le̱ nyeṅõ, ní ebakainye migbè̱i ní yo̱ Kristo mli le̱, boni mitšõo̱ ye̱ asafo-fẽ-asafo mli, ye̱ hefẽhe le̱. *Bo̱f. 19,22.

¹⁸ Ši ake̱-ní mibaa nyeṅõ hewo le̱, meikomei ewó ame̱he no̱;

¹⁹ ši, *ké̱ Nuṅtšo̱ le̱ mīsumo̱le̱, etše̱ṅ ni maba nyeṅõ, ni mabana mei ní wóo̱ ame̱he no̱ le̱ ahewale̱, ši dšee amewiemo̱. *Bo̱f. 18,21. Iak. 4,15.

²⁰ Edšake̱ši dšee wiemo mli Nyoṅmo̱ maṅtše̱yeli le̱ yo̱, ši moṅ hewale̱ mli. 2,4. Luk. 17.20

²¹ Té nyetaoo̱ le̱ tẽṅ? mihĩe tšo ke̱-ba nyeṅõ, alo miba ye̱ suomo̱ ke̱ mlidšo̱le̱ mumo̱ mli?