1 Korintobii 3 - Ṅmãle̱ Kroṅkroṅ Le̱

¹ Ši, anyemimei, minyẽẽ mike̱nye awie tamo̱ mumo̱ṅ-gbomei, ši moṅ tamo̱ heloṅ-gbomei, tamo̱ *abifabii ye̱ Kristo mli. *Ioh. 16,12.

² Fufo̱ mihãnye, ši dšee ṅmā̃ ni, edšake̱ nyenyẽẽ; ni asaṅ agbe̱ne̱ hū tete nyenyẽẽ lolo, 1 Pet. 2,2. Heb. 5.12. 13.

³ edšake̱ heloṅ gbomei dšinye lolo. Ši gbĩĩ abo̱ ní awuṅãyeli ke̱ béi ke̱ mligblamo̱i yo̱ nyeteṅ lolo le̱, ani dšee heloṅ gbomei dšinye ni gbomei adšeṅba nyebaä le̱? 1,10. 11; 11,18.

⁴ Edšake̱ beni moko kē̱o̱ ake̱: Mi le̱, Paulo nõ dšimi; ni moko hũ kē̱o̱ ake̱: Mi le̱, Apolo nõ dšimi le̱: ani dšee heloṅ gbomei dšinye? 1,12.

⁵ Agbene, *Apolo dši namo? Paulo dši namo? Ame̱dši súolo̱i ní nyetšṍ ame̱no̱ nyehe nyeye, ni mofẽmo le̱ bo̱ni Nuṅtšo̱ le̱ ehãle̱. *Bo̱f. 18,24. 27.

⁶ *Mi le̱, mite̱o; Apolo ſie no̱ nu; ši Nyoṅmo̱ hã ſere. *Bo̱f. 18,4. 11.

⁷ Bĕle̱ agbe̱ne̱ dšee moni te̱o le̱ dši noko, ni dšee moni ſie no̱ nu le̱ hũ, ši moṅ moni hã eſere, ní dši Nyoṅmo̱ le̱.

⁸ Ši moni te̱oo̱ le̱ ke̱ moni ſieo̱ no̱ nu le̱ fẽ le̱ ekomeṅ; ši *mofẽmo aana le̱dientše̱ euyõmo̱wo, ye̱ le̱dientše̱ enitšumo̱ nā. 4,5.

⁹ Edšake̱ Nyoṅmo̱ hefatalo̱i-nitšulo̱i dši wo̱; Nyoṅmo̱ *ṅmõ, Nyoṅmo̱ †tšũ dšinye. *Mat. 13,3-9. †Ef. 2,20.

¹⁰ *Nyoṅmo̱ dromo̱ ní ake̱-dromi le̱ nā le̱ mito tšũ šiši tamo̱ tšũtſalo̱ ṅālo̱ ko, ši mokroko tſaä no̱. Ši hã moſẽmo akwe̱ boni etſaä no̱ ehãa le̱ ní ahĩ. *15,10.

¹¹ Edšake̱ moko nyẽṅ šiši kroko ato fè noni ato momo ní dši Iesu Kristo le̱; 1 Pet. 2,4-6.

¹² ši ké̱ moko ke̱ šika, dſie̱te̱i, te̱i ní dšra wa, tšei, dſe̱i lo ntō tſa šišitō ne̱ no̱ le̱:

¹³ abana mofẽmo nitšumo̱ le̱ faṅṅ; edšake̱ gbĩ le̱ aadšiele̱ kpo, edšake̱ la mli eedše kpo ye̱, ni bo̱fẽbo̱ ní mo nitšumo̱ yo̱ le̱, la le̱ noṅṅ ba ka. 4,5.

¹⁴ Ké̱ moko nitšumo̱ ní etſa emã no̱ le̱ aadamo̱ ši le̱, eená nyõmo̱wo;

¹⁵ ši ké̱ moko nitšumo̱ aašã le̱, enine banye ši; ši le̱dientše̱ le̱, aahere eyiwala, ši kẽle̱ tamo̱ moko ní tšṍ la mli.

¹⁶ Ani nyelee ake̱ Nyoṅmo̱ so̱lemo̱tšũ dšĩnye ni Nyoṅmo̱ Mumo̱ le̱ hĩo̱ nyemli? 3.19. 2 Kor. 6,16.

¹⁷ Ké̱ moko fite Nyoṅmo̱ so̱lemo̱tšũ le̱, fitemo̱ Nyoṅmo̱ aafitele̱; edšake̱ Nyoṅmo̱ so̱lemo̱tšũ le̱ ye̱ kroṅkroṅ, no dšinye.

¹⁸ Nyeteṅ mokomoko akalaka le̱dientše̱ ehe. Ke̱dši moko susuo̱ ake̱ nilelo̱ dšile̱ ye̱ nyeteṅ ye̱ dše ne̱ṅ le̱, hã etšṍ ehe kwašia, koni etšṍ nilelo̱. Kpods. 3,17. 18.

¹⁹ Edšake̱ dše ne̱ṅ nilē le̱ dši kwašiaiasane ye̱ Nyoṅmo̱ hĩe. Edšake̱ aṅmã ake̱: *“Emōo̱ nilelo̱i le̱ ye̱ ame̱dientše̱ ame̱hĩetẽ le̱ mli.” *Hiob 5.12. 13.

²⁰ Ni asaṅ: *“Nuṅtšo̱ le̱ le nilelo̱i adſẽṅmo̱i le̱, ake̱ yakanii ni.” *Lal. 94,11.

²¹ Nohewo̱ le̱ mokomoko akaſã mīfõ gbomei ano̱. Ši nii fẽ le̱, nyenõṅ.

²² Paulo dšio, Apolo dšio, Kefa dšio, dše le̱ dšio, wala dšio, gbĕle dšio, nii ní yo̱ ne̱ dšio, nii ní baba le̱ dšio: fẽ le̱, nyenõṅ;

²³ ši nye le̱, Kristo nii dšinye; ši Kristo le̱, Nyoṅmo̱ nõṅ. 11,8.