1 Korintobii 16 - Ṅmãle̱ Kroṅkroṅ Le̱

¹ Ši *onĩa ní atšũo̱ ayahã hetšelo̱i le̱ hewo̱ le̱, take̱ bo̱ni mito mihã Galatia asafoi le̱, nye hã nyefea nakai. *Bo̱f. 11,29. 2 Kor 8; 9. Gal. 2,10.

² Dā otši mli *kleṅkleṅ gbĩ le̱ no̱ le̱, ṅyeteṅ mofẽmo atĩa noko ato, ye̱ bo̱ni enáa le̱ nā, koni mikaba dãni atšũ onĩa le̱. *Bo̱f. 20,7.

³ Ni ke̱dši miba le̱, matšũ mei ní nyebuo̱ ake̱ ame̱sa ke̱ wodši, ní ame̱hĩe nyenikēnii le̱ ke̱-ya Ierusalem.

⁴ Ši ke̱dši esa ake̱ mi hũ mate le̱, mike̱ame̱ ate.

⁵ Ši miyatšṍ Makedonia dãni maba nyeṅõ; edšake̱ Makedonia miyatšṍ. Bo̱f. 19,21.

⁶ Ši ekole̱ mahĩ nyeṅõ fiō, ni ekole̱ maye fẽibe le̱ hũ ye̱ dše̱i, koni hefẽhe ní miyaä le̱, *nyeyadšiemi gbe̱. *Rom. 15,24.

⁷ Edšake̱ agbe̱ne̱ misumo̱o̱ ake̱ minaänya ye̱ gbe̱teṅ ke̱ke̱, ši mihĩe kã no̱ ake̱, *ké̱ Nuṅtšo̱ le̱ aaṅmẽmi gbe̱ le̱, †matše̱ fiō ye̱ nyeṅõ. *Bo̱f. 18,21. †Bo̱f. 20,2.

⁸ Ši mĩbahĩ *Efeso ke̱-yaši Pentekoste-gbĩ le̱ no̱. *Bo̱f. 19,1. 10.

⁹ Edšake̱ agble *šĩnā kpeteṅkple nā ahãmi, ni nitšumo̱ pī ye̱, ši mei ní kūo̱ nā hũ le̱ ayi fá. *2 Kor. 2,12. Kol. 4,3. Kpods. 3,9.

¹⁰ Ši ke̱dši *Timoteo ba nyeṅõ le̱, nyekwe̱a ní eke̱ gbeyeišemo̱ akahĩ nyeteṅ; †edšake̱ Nuṅtšo̱ le̱ nitšumo̱ noṅṅ etšuo̱ tamo̱ mi hũ. *4,17. †Fil. 2,20.

¹¹ Hewo̱ le̱ moko *akagbe ehe guo̱; †ši nyedšieale̱ gbe̱ ye̱ hedšo̱le̱ mli koni eba miṅõ; ši mihĩe kã no̱ ake̱ eke̱ nyemimei le̱ aaba. *1 Tim 4,12. †1 Kor. 16,6.

¹² Ši wo̱nyemi *Apolo le̱, mikpale fai āhũ ní eke̱ nyemimei le̱ aba nyeṅõ; ši ekplẽẽ kwrā ake̱ eeba amrõmrõ ne̱, ši ké̱ ená ehe dekã dšiṅṅ eeba. *1,12.

¹³ Nyebua, nyedamo̱a ši šiṅṅ ye̱ hemo̱-ke̱-yeli le̱ mli, nyefea hĩĩ, ni *nyehe awaä! *Ef. 6,10.

¹⁴ Nyefea nyenii fẽ ye̱ suomo̱ mli,

¹⁵ Ši mīkpanye fai, anyemimei, nyele *Stefana šĩabii le̱, ake̱ ame̱dši Akaia †kleṅkleṅyibii, ni ame̱ko̱ meikroṅkroṅi le̱ asúomo̱ ame̱fõ ame̱no̱: *1,16. †Rom. 16,5.

¹⁶ koni nye hū nyeba nyehe ši nyehã mene̱mei, ke̱ mofẽmo ní ke̱wo̱ tšuo̱ nii ni ebo̱ö̱ mo̱deṅ le̱. Fil. 2,20.

¹⁷ Ši miná mīše̱ ye̱ Stefana ke̱ Fortunato ke̱ Akaiko bā le̱ hewo̱, edšake̱ ní nyebe̱ miṅõ ne̱, ame̱ ame̱baye nyenãdšiaṅ.

¹⁸ Edšake̱ ame̱bahã mimumo̱ ke̱ nye hũ nyemumo̱ ewo ame̱tšui. Nohewo̱ le̱ ne̱ke̱ gbomei ne̱ *nyeleaame̱ dšogbāṅ. *1 Tes. 5,12

¹⁹ Asia asafoi le̱ mībinye. *Akwila ke̱ Priskila ke̱ asafo ní yo̱ ame̱we le̱ mībinye dšogbāṅ ye̱ Nuṅtšo̱ le̱ mli. *Bo̱f. 18,2. 18. 26. Rom. 16,3. 5.

²⁰ Nyemimei le̱ fẽ mībinye. *Nyeṅãṅãa nyehe ke̱ nāſo̱mo̱ kroṅkroṅ. *Rom. 16,16. 2 Kor. 13,12. 1 Pet. 5,14.

²¹ Mi, Paulo dientše̱, minine nā bimo̱ ne̱. Kol. 4,18. 2 Tes. 3,17.

²² Ké̱ moko sumo̱o̱ Nuṅtšo̱ Iesu Kristo sane le̱, *hã mo le̱ atšṍ musumo! Nuṅtšo̱ le̱ miba (Maran-ata)! *Gal. 1,8. 9.

²³ Nuṅtšo̱ Iesu Kristo dromo̱ le̱ kenye ahĩ ši!

²⁴ Misuomo̱ le̱ kenye fẽ ahĩ ši ye̱ Kristo Iesu mli! Amen. (Kleṅkleṅ wolo ní aṅmã ke̱-yahã Korintobii le̱, ní aṅõ-mãdše ke̱-dše̱ Filipi ke̱-tšṍ Stefana ke̱ Fortunato ke̱ Akaiko ke̱ Timoteo no̱.)