1 Korintobii 10 - Ṅmãle̱ Kroṅkroṅ Le̱

¹ Ši, anyemimei, misumo̱o̱ ake̱ adše nyehĩe, ake̱ wo̱tše̱mei le̱ fẽ hĩ atatu le̱ šiši, ni ame̱fẽ ame̱fo ṅšo̱ le̱, 1 Mose 13,21; 14,22.

² ni abaptisi ame̱fẽ awo Mose mli ye̱ atatu le̱ ke̱ ṅšo̱ le̱ mli,

³ ni ame̱fẽ le̱ mumo̱ṅ niyenii kome le̱ noṅṅ ame̱ye, 2 Mose 16,4. 35. 5 Mose 8,3.

⁴ ni ame̱fẽ ame̱nu mumo̱ṅ nu kome le̱ noṅṅ; edšake̱ ame̱nu mumo̱ṅ te̱sā ní ke̱ame̱ nyie le̱ mli nu, ni te̱sā le̱ dši Kristo; 2 Mose 17,6.

⁵ ši kẽle̱ Nyoṅmo̱ náá ame̱teṅ mei pī ahe tšui; edšake̱ aplenēame̱ ye̱ ṅā le̱ no̱. 4 Mose 14,23. 30.

⁶ Ši ake̱ ene̱mei etowo̱ okadi, koni wo̱kahã nibii fõdši mīfewo̱ ako̱no̱, tamo̱ bo̱ni efeame̱ le̱. 4 Mose 11,4. 34.

⁷ Asaṅ nyekatšṍmo̱a amãgãdšálo̱i, tamo̱ ame̱teṅ meikomei fe le̱, take̱ bo̱ni *aṅmã le̱ ake̱: “Maṅ le̱ ho trá ši ni ame̱yeyē nii ni ame̱nunū dši, ke̱ke̱ ni ame̱te ši ame̱bõi ſe̱mo̱.” *2 Mose 32,6.

⁸ Ni wo̱sā wo̱kabo̱ adſamaṅ, tamo̱ bo̱ni ame̱teṅ meikomei bo̱, ni gbĩ kome no̱ le̱ mei akpei-nyoṅmai-enyo̱-ke̱-etẽ nyõnyõi le̱. 4 Mose 25.1. 9.

⁹ Ni asaṅ wo̱kakà Nuṅtšo̱ le̱, tamo̱ bo̱ni ame̱teṅ meikomei kale̱ ní *onũfũi bakpãtã ame̱hĩe le̱. *4 Mose 21,5. 6.

¹⁰ Ni nyesā nyekawiea hũhū̃hũ, tamo̱ bo̱ni ame̱teṅ meikomei hũ wie hũhū̃hŭ ní fitelo̱ le̱ bakpãtã ame̱hĩe le̱. 4 Mose 14.2. 36. Heb. 3,11. 17.

¹¹ Ši afeame̱ ene̱mei fẽ ní ake̱-to okadi ahãwo̱, ni aṅmã ní aṅõ-bo̱wo̱ ko̱ko̱, wo̱ mei ní dše le̱ nāgbẽi le̱ eninawo̱ le̱;

¹² beni afe ní moni susuo̱ ake̱ edamo̱ ši le̱ akwe̱ ehe ní ahĩ koni ekagbē ši.

¹³ Kā ko bako nyeno̱ ni dšee gbomo he nõ; ši ano̱kwafo dši Nyoṅmo̱, moni hāṅ akanye fè bo̱ni nyeanyẽ, ši moṅ eke̱ kā le̱ noṅṅ aadše gbe̱ ahãnye ní nyedše mli hũ, koni nyenyẽ mli nyemõ.

¹⁴ Nohewo̱ le̱, misuomo̱mei, nyedšoa wo̱ṅdšámo̱ nā foi! 1 Ioh. 5,21.

¹⁵ Mike̱nye miwie ake̱ ake̱ nilelo̱i wieo̱; nyedientše̱ nyekō̱lo̱a noni mikē̱o̱ le̱ se̱.

¹⁶ *Dšō̱mo̱ kpulu le̱ ní we̱dšō̱o̱ le̱, ani dšee Kristo lá le̱ nanyobō̱ le̱ ni? Abolo ní †wo̱kũmoo̱ le̱, ani dšee Kristo gbomotšo le̱ nanyobō̱ le̱ ni? *Mat. 26,27. †Bo̱f. 2,42.

¹⁷ Edšake̱ abolo kome ni, ni wo̱yi pī le̱ gbomotšo kome dšiwo̱, edšake̱ wo̱fẽ wo̱yeo̱ abolo kome le̱ eko. Rom 12,5. 1 Kor. 12,27.

¹⁸ Nyekwe̱a helo gbe̱fãṅ Israel le̱: ani mei ní *yeo̱ afo̱lešãnii le̱, dšee nanyo ame̱ke̱ afo̱lešãlate̱ le̱ bo̱ō̱ le̱? *5 Mose 7,6. 15.

¹⁹ Bĕle̱ meni mikē̱o̱ mo̱? Ake̱ amãgã dši noko, alo ake̱ amãgā-afo̱le dši noko? 8,4.

²⁰ Dabi, ši moṅ mīkē̱ ake̱ afo̱le ní wo̱ṅdšálo̱i le̱ šãa le̱, *daimonioi ame̱sãa ame̱hãa, ši dšee Nyoṅmo̱; ši misumo̱o̱ ake̱ nyeke̱ daimonioi bo̱ö̱ nanyo. *3 Mose 17,7. 5 Mose 32,17. Lal. 106.37. Kpods. 9,20.

²¹ Nyenyẽṅ Nuṅtšo̱ le̱ kpulu le̱ ke̱ daimonioi akpulu le̱ nyenu šikome; nyenyẽṅ Nuṅtšo̱ le̱ okplõ le̱ no̱ nii ke̱ daimonioi anõ le̱ no̱ nii nyeye šikome. 2 Kor. 6,16. 17.

²² Alo Nuṅtšo̱ le̱ mli la wo̱woo̱? ani wo̱he wa fèle̱?

²³ Wo̱ye̱ nibii fẽ hegbe̱, ši dšee nibii fẽ hĩ; wo̱ye̱ nibii fẽ hegbe̱, ši dšee nibii fẽ hāa mo nane mõo̱ ši. 6,12.

²⁴ Mokomoko akaple mīhã ehe, ši moṅ mofẽmo aple ahã enanyo. K. 33. Rom. 15,2.

²⁵ Nofẽno ní ahõo̱ ye̱ lō-dšã no̱ le̱, nyeyea; ši henilē le̱ hewo̱ le̱, nyekabia mli; Rom. 14,2-10. 22.

²⁶ edšake̱ “šikpoṅ le̱ ke̱ emlinii le̱ fẽ le̱, Nuṅtšo̱ le̱ nõ ni.” Lal. 24,1.

²⁷ Ši ké̱ mei ní hee yee le̱ ateṅ moko kpēnye okplõ he ni nyemīsumo̱ ake̱ nyeate le̱, nofẽno ní ake̱-amã nyehīe le̱, nyeyea ni nyekabia mli, ye̱ henilẽ hewo̱.

²⁸ Ši ke̱dši moko kē̱nye ake̱: “Ene̱ le̱ amãgã-afo̱lešãnii ni” le̱, nyekayea ye̱ moni tſa adafi le̱ ke̱ henilē hewo̱. 8,7

²⁹ Ši henilē ní mikē̱o̱ ne̱, dšee bodientše̱ onõ le̱, ši moṅ mokroko nõ le̱; edšake̱ mẽhewo̱ mokroko henilē aakodso mihehĩemo̱ le̱?

³⁰ Ké̱ šidã mike̱-ye le̱, mẽba awieo̱ mihe efõṅ ye̱ nii ní mida ši ye̱ he le̱ hewo̱? 1 Tim. 4,4.

³¹ Nohewo̱ le̱, ké̱ nii nyeyee dsio, nii nyenuo̱ dšio, alo nokroko ni nyefeo̱ dšio, nyefea fẽ nyeke̱-woa Nyoṅmo̱ hĩe nyam. Kol. 3,17.

³² Nyekatšõmo̱a pāmpii nyebaa Iudafoi ke̱ Helabii ke̱ Nyoṅmo̱ asafo le̱ fẽ; Rom. 14,13.

³³ take̱ bo̱ noṅṅ ní mi hũ misumoo̱ ake̱ nibii fē mli le̱ masa mei fẽ hĩe, ní mitaoo noni hĩ hã midientše̱, ši moṅ noni hĩ hã mei pī, koni ahere ame̱yiwala. 9,20-22.