1 Korintobii 1 - Ṅmãle̱ Kroṅkroṅ Le̱

¹ Paulo, Iesu Kristo bo̱fo ní atšé̱le̱ ye̱ Nyoṅmo̱ suomo̱ nā le̱, ke̱ wo̱nyemi Sostene

² (ṅmã) yahã Nyoṅmo̱ asafo ní yo̱ Korinto le̱, *mei ni atšū amehe ye̱ Kristo Iesu mli ní dši meikroṅkroṅi ni atšé̱ame̱ ka mei fẽ ní †tšé̱o̱ ame̱ke̱wo̱ fẽ Nuṅtšo̱ Iesu Kristo gbe̱i le̱ ano̱ ye hefẽhe le̱: *6,11. †Bo̱f. 9.14.

³ Dromo̱ ke̱ hedšo̱le̱ ní dše̱ wo̱tše̱ Nyoṅmo̱ le̱ ke̱ Nuṅtšo̱ Iesu. Kristo deṅ ahãnye. Rom 1,7

⁴ Mīda mi-Nyoṅmo̱ le̱ ši dāne̱ ye̱ nyehewo̱, ye̱ Nyoṅmo̱ dromo̱ ní aṅõ-hãnye ye̱ Kristo Iesu mli le̱ hewo̱,

⁵ ake nibii fẽ mli le̱ ahã nyeſere ye̱ emli, ye̱ wiemo̱-fẽ-wiemo̱ ke̱ nilē-fẽ-nilē gbe̱fāṅ;

⁶ take̱ bo̱ noṅṅ ní amã Kristo he odase le̱ no̱ mĩ́ ye̱ nyemli,

⁷ ni dromo̱nikēnii ko eſe̱e̱nye ni *nyekwe̱o̱ wo̱-Nuṅtšo̱ Iesu Kristo kpodšiemo̱ le̱ gbe̱ le̱, *Tit. 2,13.

⁸ le̱ noṅṅ *eewadšenye ke̱-ate nāgbē ni nyehe akaba †kpa ko ye̱ wo̱-Nuṅtšo̱ Iesu Kristo gbĩ le no. *Fil. 1,3. †1 Tes. 3.13; 5.23.

⁹ *Ano̱kwafo dši Nyoṅmo̱, moni tšé̱nye ke̱-ba ebi Iesu Kristo, wo̱-Nuṅtšo̱ le̱, nanyobō̱ le̱ mli le̱. *1 Tes. 5,24.

¹⁰ Ši, anyemimei, mikpanye fai ye̱ wo̱-Nuṅtšo̱ Iesu Kristo gbe̱i amli, ake̱ nyenābu afe ekome ní mligblamo̱i akaba nyeteṅ, ši moṅ nyefẽ *nyeyitšoṅ ke̱ nyedſẽṅmo̱ afe ekome. *Fil. 2,2; 8,16.

¹¹ Edšake̱ Kloe webii le̱ batſami adafi ye̱ nyehewo̱, minyemimei, ake̱ béi ye̱ nyeteṅ.

¹² Noni mikē̱o̱ ne̱ dši ake̱ nyeteṅ mofẽmo kē̱o̱ ake̱: *Mi le̱, Paulo nõ dšimi; mi le̱, †Apolo nõ dšimi; mi le̱, **Kefa nõ dšimĩ; mi le, Kristo nõ dšimi. *3,4 †Bo̱f. 18,24. 27. **Ioh 1,42.

¹³ Ani agbla Kristo mli? Ani Paulo ase̱ṅ ahãnye le̱? alo Paulo gbe̱i amli abaptisinye awo le̱?

¹⁴ Mīda Nyoṅmo̱ ši ake̱ mibaptisii nyeteṅ moko, *ake̱ dša Krispo ke̱ †Gaio, *Bo̱f. 18,8. †Rom. 16,23.

¹⁵ koni moko akakē̱ ake̱ mibaptisi mei miwo midientše̱ migbei amli.

¹⁶ Ši ní mibaptisi *Stefana we le̱ se̱ ne̱, milee ake̱ mibaptisi moko mifata he doṅṅ. *16,15. 17.

¹⁷ Edšake̱ Kristo tšũũmi *baptisimo̱, ši moṅ sanekpakpa le̱ šie̱mo̱, ni dšee ye̱ †nilē wiemo̱i amli tete, koni Kristo seṅmotšo le̱ akafe yaka. *Ioh. 4,2. Mat. 28,19. †1 Kor. 2,5.

¹⁸ Ši se̱ṅmo̱tšo le̱ he sane le̱ dši kwašiaiasane hã *mei ní hĩe kpãtãa le̱; ši wo̱ mei ní ahereo̱ wo̱yiwala le̱, edši †Nyoṅmo̱ hewale̱ hãwo̱. *2 Kor. 4,3. †Rom. 1,16.

¹⁹ Edšake̱ *aṅmã ake̱: “Mafite nilelo̱i anilē, ni ṅālo̱i aṅā le̱ hũ mahã afe yaka.” *Ies. 29.14.

²⁰ Nẽgbe̱ nilelo̱ yo̱? nẽgbe̱ woloṅmālo̱ yo̱? nẽgbe̱ dše ne̱ṅ nãtalo̱ yo̱? Ani Nyoṅmo̱ ehãko dše le̱ṅ nilē le̱ etšṍ kwašiaiasane? Hiob 12,17.

²¹ Ši ake̱-ní dše le̱ tšṍṍ Nyoṅmo̱ nilē le̱ no̱ ní eke̱ enilē le̱ *ale Nyoṅmo̱ hewo̱ le̱, esa Nyoṅmo̱ hĩe ake̱ eke̱ kwašiaiasane le̱ ní ašie̱o̱ le̱ ahere mei ní heo̱ yeo le̱ ayiwala; *Mat. 11,25.

²² edšake̱ *Iudafoi le̱, okadii aši ame̱bio̱, ni †Helabii hũ taoo nilē, *Mat 12,38. Ioh. 4,8 †Bo̱f. 17,18. 32.

²³ ši wo̱ le̱, Kristo ni ase̱ṅle̱ le̱, wo̱šie̱o̱, moni tšṍ *pāmpi ehã Iudafoi ke̱ †kwašĩaiasane ehã dšeṅmãdši le̱, *Rom. 9,32. †1 Kor. 2,14.

²⁴ ši mei ní atšé̱ame̱ le̱ fẽ, Iudafoi dšio, Helabii dšio, Kristo nī dši Nyoṅmo̱ hewale̱ ke̱ Nyoṅmo̱ nilēẽ le̱ wo̱šie̱o̱ wo̱tšõo̱ame̱. K. 18. Kol. 2,3.

²⁵ Edšake̱ Nyoṅmo̱ kwašiasane le̱ mli ye̱ nilē fè gbomei, ni Nyoṅmo̱ gbo̱dšo̱mo̱nõ le̱ be wa fẽ gbomei.

²⁶ Ši, anyemimei, nyekwe̱a ake̱ nyetšé̱mo̱ le̱, dšee helo gbe̱fãṅ nilelo̱i pī, dšee hewalo̱i pī, dšee abladei pī, Mat. 11,25. Ioh. 7,48. Iak. 2,1-5.

²⁷ ši moṅ dše ne̱ṅ kwašiaianii le̱ Nyoṅmo̱ hala, koni eke̱-wo nilelo̱i le̱ ahĩegbĕle; ni dše ne̱ṅ gbo̱dšo̱mo̱nii le̱ hũ Nyoṅmo̱ hala, koni eke̱-wo nii ní he wa le̱ ahĩegbĕle;

²⁸ ni dše ne̱ṅ nii ní abuu ke̱ nii ní agbe be guo̱ le̱ Nyoṅmo̱ hala, ke̱ nibii ni dšee nokonoko le̱ tete, koni ehã nibii ní dši noko le̱ afe yaka;

²⁹ beni afe ní helo ko helo ko akaſã ye̱ ehĩe. Rom. 2,27. Ef. 2,9.

³⁰ Ši le̱ dše̱ ni nyeyo̱ Kristo Iesu mli, moni tšṍ nilē ni dše̱ Nyoṅmo̱ ṅõ ke̱ *dšale̱ ke̱ †hetšūmo̱ ke̱ kpõmo̱ ehãwo̱ le̱; *Ier. 23,5. 6. 2 Kor. 6,21. †Ioh. 17,19.

³¹ koni “moni ſãa le̱, eſã efõ Nuṅtšo̱ le̱ ne̱,” tamo̱ boni *aṅmã le̱. *Ier. 9,23. 24.