1 Korẽntɩ 13 - ZE'ELEGO PAALEGA

Nɔŋerɛ bo'olum

¹ Mam han pun tana tɔgera saaleba tugum buuri buuri, bii tana tɔgera Yinɛ suŋereba yetɔgum, gee ka tara nɔŋerɛ, n ani wuu luŋa en yeen vɔɔla, bii kpankpaŋi en ŋmɛ'ɛri la.

² N me han tara purega bo'olum paŋa, bɔkera sɛla en sugɛ, gee tara sɛlawoo mi'ilum, tara sakerɛ woo wan ta'am vɔ zɔya, gee ka tara nɔŋerɛ, n dagi sɛsɛla.

³ N han pun dikɛ n tarega za'a bo' nɛreba, gee ŋmɛ' nyu'ɔ dikɛ n iŋa tihɛ ti ba nyɔ', gee ka tara nɔŋerɛ, nyuurɔ ka boi bini.

⁴ Nɔŋerɛ dela sugeri, nɔŋerɛ dela itesuŋɔ. Nɔŋerɛ ka tari nintɛrega bii pa'alɛ n mɛa, bii nyu'ɔ ŋmɛ'a,

⁵ bii wurebere, nɔŋerɛ dagi mam boti se'em ti n ita, nɔŋerɛ ka eere n ma'a sum, a ka iti suure tɔtɔ, a ka biŋere be'em a suuren.

⁶ Nɔŋerɛ ka nyɛɛni sɛla en dagi ma'a, gee a tugum nyɛɛna mɛ la yelemɛŋerɛ.

⁷ Nɔŋerɛ uheri mɛ sɛla woo, nana sɛla woo, tara beere puti'irɛ sɛla woo puan, ŋmibera sɛla woo puan.

⁸ Nɔŋerɛ ka bã'ahi. Gee han dɛna purega, ka wan wa'am na ba'ahɛ. Han dɛna yetɔgum buuri buuri, bu wan wa'am na ba'ahɛ. Han dɛna mi'ilum me, bu wan wa'am na ba'ahɛ.

⁹ Tu yeen mina la fii wa, tu puti la fii wa.

¹⁰ Gee mɛ'ɛ la han diŋɛ wa'am na, fii wa la kan le bɔna.

¹¹ Mam n daa de bia la, n daa tɔgeri la biine, ti'iha wuu biine, bɔkera wuu biine, gee mam nyaa de bunkutɛ la, mam bahɛ biine mɛ.

¹² Nananawa, tu biheri la biheŋa puan ti la ka niiɛ suŋa, gee la kini na, ti tu wan ta nyɛta kpaii. Nananawa, tu nan mi' la fii, gee la kini na, ti tu wan ta mina za'a, wuu mam ti ba mina mam za'a za'a se'em la.

¹³ Gee nananawa, sɛla en pakɛ dela, sakerɛ, beere puti'irɛ la nɔŋerɛ. Bana n wan bɔna wuuha, gee sɛla en gana za'a dela nɔŋerɛ.