Zakarya 9 - Bible en Guidar

Wətawwən aket meggeŋgiɗit Israyel ( 9:1-8 ) Wətawwəna gəm wəkõh net meggeŋgiɗit mə Israyelɗe

¹ Ətəlma. Əpel na Yawe adek aka dələv na Hadrak gəm a Damas təki an aziwi, vi hara Yawe tay aka ɗəf titir pak gəm aket mahəlfaɗe na Israyel pakə.

² Gəm aka dələv na Hamat meggeni, də Tir gəm Sidon, vi maɗɗulet tay diyɗa.

³ Tir arkak zlava sən kini, akkalanək təbəz babar ɗigit va burɗuku, gəm meleŋge ndoɗoɗ-ndoɗoɗ va ndərɓa aka tive,

⁴ Ya Yawe wamohõ, wazan arya nan van a pehe, ndən sən kini, offo wazəma.

⁵ Aza ulan kaka'ə, Askelon wageslne'i, Gaza wakker diyɗa, wil wadanən Ekron vi əbbah nan tay ɓa. Kawzani məlĩ na Gaza, kassay də gəla a Askelon ɓa.

⁶ Sulomɗe nassoŋ də gəla a Asdod, vas nədawzan wəkaɓ net mə Filistiɗe.

⁷ Wanəzergit mbel səmani, zəgeɗ nawmə' sə barani; nan pak kappani ka na Maŋgəlva namə. Wasan va daya a Yuda, Ekron wasan məstaka va mə Yebus.

⁸ Wanəɗi dibirgidik naw aza gəla nawa, kawga kawtak məzutoŋ də an dədamnda ətoŋgo; məzusər met tay nawrəŋgit dawtoŋ əmpa ɓa, vi kakaŋ nulak də harawa.

Əzaɓ an nabe gəm zazaya ( 9:9—14:21 ) Məlĩ nawki zazaya

⁹ Anneken zuk diyɗa, waŋ na Siyon! Aɗɗəl nanneken zuko, waŋ na Yerusalem! Məlĩ nok yaŋ tay əzzan azoko; təstəsi yi gambaray, avoŋgənək kini, apeŋgik aka koro, aka wət koro.

¹⁰ Wanəzan mawta nawgay sə Efrayim, pilseŋge sə Yerusalem, kawzani bəle nalpa, wapel wən zazay sit dəlveŋge. Məlĩ nan wasil sə pehe hã gap a pehe maɓɓani, gəm sə məlpa metiŋ gap aka dələv abaymani.

Əppet məfərsəneɗi

¹¹ Nok pak dit mbel na wənmiyna nok nəgilgit məfərsəneɗ nok sə vov məza iŋkile addəvən ɓa.

¹² Məmndoŋ addəv zlava mərkani, məfərsəneɗ məs əɗɗum nawrəh zəga. Dəpaŋ na, nənahək na: wanəfaɗ suk wəya nok zlaɓ sula.

¹³ Nənslinək Yuda ka bəle nawa, Efrayim wasan herɗe. Siyon, wanəhheɗet kirtuk aket mə Yawanɗe; wanəɓlok va masalam ava məs makrani.

¹⁴ Yawe disiŋ kiyit warban zəni, har nan wawiɗ va iwiɗ na buna. Yawe Maŋgəlva waffon gozloro, wambat addəv barkataŋ na dohoŋ.

¹⁵ Yawe Məzuɓappak wazeŋ areti, wazimin gəm wammusin gərmeŋge na mabəŋbəŋga, wasaŋgə gəm wagəbəɗaŋ va mbazla, waknəhaŋ va huloŋguk nawpesle, va mohõ gəlamatuya.

¹⁶ Yawe Maŋgəlva net wakõhgit ɗiy nan dəpas va məzutaɗa dit gilew nani. Siɗek va gərmeŋge na sləma, vas adawiɗeŋ aka dələv nani.

¹⁷ Haya, va adannekeŋgi! Haya va adassoŋ lelewɗe! Haykəmari wapsit gbogboŋ sit gewleɗi, mbazla na meketepe wasɓet gorɗeŋge.