Zakarya 4 - Bible en GuidarUla masleni: zlorgu gəm heremeɗi 1 Maslay məzupel də in nak amil azawa, afɗahaw va adafɗahanən ɗəf səket sin nani. 2 Aɓsu na: «Miy kədawla di?» Yaŋ nəmna: «Zlorgu nədawla bayman pak na meleŋge, bəbər na mẽl nan aka kini, lalamɗe nan buhul azani, lalamɗe nakan vet tahəŋ də met buhulu; 3 heremeɗ tahəŋ sula azani, taka dəka dəzəŋ na bəbər na mẽlẽ, taka dəka zlaɓay nani.» 4 Nəmsak əssõhõn maslay məzupel də in naka, nəmna: «Eŋ vet miy adarbaŋ di Daya nawa?» 5 Maslay məzupel də in nak azlani aɓsu na: «Kəsən zəga an adarbaŋ ɓa sa?» Yaŋ nəmna: «Owwo! Daya nawa.» Iynama dəwəl sən Zorobabel 6 Yas azlani, aɓsu dawnəh na: Aŋ əpel na Yawe sən Zorobabeli, amna: Də gbogboŋgi ɓa, də wəɓapi ɓa'a, də əmpəs nawi dərəŋ Yawe Məzuɓappak anahə. 7 Nawa kənan is mossorgo metiŋ di? Aba Zorobabel Kəkkpaŋgək va təki məpəlayya məs agdah gərəm kiwən sədaka, də vaŋvəl Yawwa! Yawwa nani! 8 Əpel na Yawe ade azawa, amna: 9 Va Zorobabel dəɗi gabba Gəlaŋka, van vani dədawvãhni, wakəsən na, Yawe Məzuɓappak dəslənu azokum. 10 Vi naway dəzelet zəgeɗ memeɗeŋɗe ɗah di? Wannekenin ziti, wawlanən gərəm na way təbəz ava Zorobabel, «lalamɗe buhuliŋ tahəŋ ərbanən hara Yawe dədabbalan dəlvafuŋ gboŋgu.» 11 Yaŋ nəzlani, nəssõhon na: «Miy heremeɗ sula naka va dəzəŋ də zlaɓay na təki na lalaməŋ adarbaŋ di?» 12 Nəzlani, nəmsak əssõhon masulan əmpa, nəpsən na: «Kiyvet heremeɗ sula na maŋgava batam mẽl sula na meleŋge, məs mẽl ɗolok-ɗolok adawgilyenəŋ miy adarbaŋ di?» 13 Yaŋ azlan suwa, amna: «Kəsən zəga an adarbaŋ ɓa sa?» Yaŋ nəzlani: «Owwo, Daya nawa.» 14 Yaŋ amna: «Ndəɗaŋgə ɗiy sula məpeslit də mẽl məs ziwziw aba Daya na dələv gboŋgu.» |
All right reserved
Bible Society of Cameroon