Zakarya 13 - Bible en Guidar

¹ Pay nan na, met iŋkile wakol sən zev Davit gəm sit ɗiy na Yerusalem ka naskoɓ mambray net də haramba neti.

Maŋgəlva wazet zəgeɗkameŋgilveɗ gəm məskəleŋɗe muwaŋ wəna

² «Yawe Məzuɓappak aɗiyman na, wanəzan iya net zəgeɗmeŋgilveɗ səka dəlva; kaɗɗumeti əmpa ɓa. Wanəzet məskəleŋɗe pak də maɗɗulet mərnokənəŋ səka dəlva.

³ Ya an ɗəf tay əɗɗa kəleŋ əmpa na, afən dət man dəwanən dənahaŋ sənən na: Kəsok na madorok ɓa, vi wən kədawwa aka iya na Yawe. Afən dət man məs duwanən dəmbokungən gala adaɗɗa kəleŋ əŋka.

⁴ Pay nan na, məskəleŋɗe pak wil wadenin, naway pak ammba ula nan pay adaɗɗa kəleŋ, aguloŋ na lukut na deɓeke vi kawwa wən ɓa.

⁵ Wanah na, owwo, naw məskəleŋ nan ɓa, məzənse nani. Gulyeŋge naw tahəŋ farfar səka sãwãwa.

⁶ Asna kassohõni na: Gəlet huweɗ na miy aka mokrokəŋ di?» Wazlan na: «Sənet beyneŋgiɗu da nərəha.»

Məsənni Yawe ka Maŋgəlva

⁷ Masalam, afɗah aka məzutaɗa nawa, aka həlfu na gogo, vaski Yawe Məzuɓappak aɗiymani. Abay məzutaɗa, timeŋgiɗ dətərayaŋgəni, wanəmndagan vaw kawbey kirit timeŋgiɗi.

⁸ Yawe aɗiyman na, sula səret hoku wamtaŋgə, taka naret dədawsan madaran akani.

⁹ Wanətoŋgən taka naret hokuŋ dəka offo, wanəhəs va adawhəsaŋ təbəz babara, wanəsla va adawslaŋ meleŋge. Nan waya iya nawa, wanəprəm səni. Wanənah na: «Ɗiy nawəŋgə», net tam wanahaŋ na: «Yawe yi Maŋgəlva nawa.»