Yosuwa 3 - Bible en Guidar

Əggar ki Yurden

¹ Yosuwa asilik də mompumo pumə; addoŋ sə Sitim ndən dit mə Israyelɗe beymeti, agapaŋ hã ama Yurden; avoŋgoŋ adak dawga əggara.

² Yaŋ dərɓaga əvoŋ hoku na, ɗiy gugriɗ na dələv abbalaŋ a dibirgidik.

³ Adawpeleŋ sitin ɗiyi, aɓɗaŋ na: «paysən kədawlanən məsdəlveŋge mə leviɗe əka akoti na wənmiyna na Yawe Maŋgəlva nokum na, asna kəsulyoŋgən sə təki kəssoŋgu, kəzbanəngəni

⁴ walaŋkum dəndən dəsangən zəga na metər taka hara, kədaddereŋ azan ɓa, vasna wakəsənnən tive məs kədazbaŋgə, vi kədawaŋ ɗah dəka tive van ɓa.»

⁵ Yaŋ Yosuwa aɓsit ɗiy kan na: «Məbbur mambray səzokum, vi pummo na, Yawe wagəɗ sekene awalaŋkum.»

⁶ Yosuwa Aɓsit məsdəlveŋge na: «Məslan akoti na wənmiyna, mətoŋ abet ɗiyi.» Aslanən akoti na wənmiyna, atoŋgoŋ abet ɗiy.

⁷ Yawe aɓsən Yosuwa na: «Pay dəpaŋ na, wanətəŋ əɓayguk ama hara Israyel bayman, vi ɗiy dəsənəngən na, wanəsaw də is va nəsaw də Moyisi.

⁸ Nok na, kəɗigən wən nan sit məsdəlveŋge en dəslanən akoti na wənmiyna, is na: paysən kəgapaŋ a met iŋkile na Yurden na, kəziweŋgən addəv Yurden vani.»

⁹ Yaŋ kan, Yosuwa aɓsit mə Israyelɗe na: «Mədder aŋka, məprəm wəpel na Yawe Maŋgəlva nokum.»

¹⁰ Yaŋ Yosuwa anah əmpa na: «Aza aŋki kədawsənnən na, Maŋgəlva madaran tay addakkum, gesiŋ warɓih mə kana'anɗe, mə Hittiɗe, mə Hivviɗe, mə Perziɗe, mə Girgasɗe, mə Amorɗe dit mə Yebusɗe səbokum.

¹¹ Akoti na wənmiyna na Yawe nammba dələv pak yaŋ ətoŋ abokum addəv Yurden.

¹² Gəgaŋ na, nokum məwel zel kəlaw kiyit sula səddivit mahəlfaɗe na Israyel, ɗəf mizilin takataka səddəv mahəlfa.

¹³ Pay gədəv tilit məsdəlveŋge en dəslanən akoti na Maŋgəlva, Yawe nammba dələv pakə, adawtoŋ eret iŋkile na Yurden, asna iŋkile na Yurden warslaŋgə. Iŋkile məzədawaŋ na kəla disiŋ waziweŋ mərmanən zit taka.»

¹⁴ Gala ɗiy asilyoŋ sə gizlirkeɗe net kaggar ki məlpa na Yurden na, məsdəlveŋge en dəslanən akoti nawsler tahəŋ abeti.

¹⁵ Mawalayi aka Yurden adawsan məknəhən də mabuzgumɗe nan sulupəŋka. Adan ɗiy dəslanən akoti nawsler agapaŋ hã a Yurden tilit məsdəlveŋge məs dəslanən akoti atoŋ aret iŋkile,

¹⁶ Yas iŋkile en dədawpurkoŋ kəla dohoŋ aziweŋgi, aɓayaŋ mərma zit faraɗa hã gap a Adama walaŋgəla-metiŋ məs dəsan a maŋgava Sartan. En məzudawaŋ əmbat də pehe na Araba, ama pehe na bətuwa, net arslaŋgək ɗe'i, ɗiy aggaraŋ dakadaka də Yeriko.

¹⁷ Məsdəlveŋge en dəslanən akoti nawsler na Yawe aziweŋgik ziw ɓəɓəl aka təki məklakan addak Yurden, mə Israyelɗe beymet tam əggaraŋ dəka təki məklakan hã ndəɗaŋ pak gərak əggar ki Yurden.