Yonas 3 - Bible en Guidar

Yonas apelik aka ənziya na Niniwe ( 3:1-10 ) Yonas tay ərban Wən na Maŋgəlva a Niniwe

¹ Yawe apel sən Yonas masula'ən, na:

² «Asili, dok a Niniwe, walaŋgəla-metiŋ, apel wən an nədawnah sukəŋ adaka.»

³ Aka aŋna, Yonas aprəmək ma Yawe, armak tive na Niniwe. Niniwe van walaŋgəla-metiŋgini aba Maŋgəlva, əvoŋ hoku dəslə naggar kini.

⁴ Yonas atəŋgək ədaw pay maddaabəŋ wətəl ma addəv walaŋgəla-metiŋgin na: «Addəv əvoŋ kaklaw poɗo na kawzani Niniwe.»

⁵ Ɗiy na Niniwe atafnənək əpel na Maŋgəlva. Atəlaŋgək ma naɗɗa meme, aguloŋgək lukutɗe na taɓak azeti, ɗiy gugriɗ dit kirin memeɗeŋɗe pakə.

⁶ Alabaras agapək asləma məlĩ na Niniwe, ndən prik səka mazaŋga na məlĩ nani, lukut na məlĩ səzan gbuku, an na taɓak kulo, ndən aka moŋglo ɗewi.

⁷ Məlĩ dit ɗiy gugriɗ naban aziwweŋgik akani ndəni aɗi wən nan kawtəl ma dawnəh a Niniwe na: «Ɗiyi, zəgeɗ memeyẽɗ gugriɗe dit memeɗeŋɗe pak adawnanən zəga kof ɓa; adawtaɗaŋ gəm adawsan ɓa'a.

⁸ Ɗiy dit zəgeɗ memeyẽɗ dəguloŋ lukut na taɓak. Ɗəf pak dəɓuh man sən Maŋgəlva zən soksoku, Naway pak dəppaŋ wəza mbərayən nani gəm gagay nazani.

⁹ Nawa dəsən di kuzuŋ Maŋgəlva wakkpaŋgan mani, makran waffeti, wakkpaŋ səka ədagədəv nani, məzəna ɓa soko.»

¹⁰ Maŋgəlva awlak va ɗiy na Niniwe aɗɗaŋgə, tay əmilyoŋ səza mbərayən neti. Yas makran affeti, yas Maŋgəlva dəɗɗa tatwãh an aynə nawgəɗ siti ɓa.