Yonas 1 - Bible en Guidar

Maŋgəlva ayak Yonas yaŋ aɓoŋgu ( 1:1-16 ) Yonas anzan sənək Maŋgəlva

¹ Pay maɓɓan, Yawe apel sənək Yonas wətən Amittay na:

² «Asili! Dok a walaŋgəla-metiŋgin na Niniwe, apel akani, vi daraw net ɗiy naddəvən agapək abawa.»

³ Yas Yonas asil, vi kanzan a Tarsis, faraɗa səba Yawe. Ambatək a Yaffa, arahək bəlay məzəddan a Tarsis, afaɗək gəlan, vi kaddan dit ɗiy na bəlayəŋ əɗam faraɗa sə mahara Yawe.

⁴ Yaŋ Yawe appan barkataŋ gagdak go'ləŋ vovulumɗe na pehe abayaŋgək gagay hã bəlay aŋgəl əŋgrofo.

⁵ Məzəŋkoronən bəlay ageslne'eŋke, azlaŋgək vaŋvəla naway pak sən maŋgəlva nani, azgetinik zəgeɗ naddəv bəlay aret iŋkile vi dəsangən kafat kafatə. Ya Yonas na, ndən kulo' addəv bəlay van ŋgbu' afuŋ, ɗuf, məleŋgin tetel teteli.

⁶ Daya net məŋkoroŋ bəlay adek azani, aɓsən na: «Miy kədaɗɗa aŋ di? Əleŋ kədawleŋ sa? Asili, aɓuh mok sən maŋgəlva noko! Kuzuŋ maŋgəlva waɗɗum akam, mədawza ɓa soko.»

⁷ Apeleŋgək a waleŋ zit na: «Məgəɗ səm vẽhpəlu, kawsən ɗəf dəki səm tatwãhəŋka.» Aɗɗaŋgək vẽpəlu nak aketi, yaŋ abət aka Yonasə.

⁸ Anah sənən na: «Kamə anah səm ɗa is məs dəki səm ərayəŋka. Wəza nok miy di? Səŋga kəde di? Dələv nok aŋga yi di? Ɗiy nok aŋgaŋ di?»

⁹ Azlan sitik na: «Mə Ibri nənani, in tat əgeslne sən Yawe Maŋgəlva na disiŋ məs dəzəməɗ pehe də dəlvafuŋgu.»

¹⁰ Ndəni aboton sit wən nani. Səza məŋkoroŋ bəlay asənnən na səba Yawe adanzani, geslne armek sawɓa. Anah sənən na: «Miy kəgəɗəŋ di?

¹¹ Mbar mədapsuk ka pehe məzəɓla kəyim tərwəsləŋ dəɓətgən di?» Vi pehe tay əbay gagay.

¹² Azlan sitik na: «Məslawa, məzgaw aret iŋkile, vasna pehe waɓətə. Nəsənək na, vi mbərayən nawi barkataŋ adawtəŋgəlokuməni.»

¹³ Məzəŋkoroŋ bəlay agayaŋgək əkəlvəɗən kawgap a mabuzgum; ya dəɓapnən ɓa, vi vovolumɗe tay əmbat abe abe də əbayaŋ gagay.

¹⁴ Yas, aɓuhunək met sən Yawe anahaŋ na: «Kamə Yawe, kamə kədaplam əmta vi ɗəfəŋ gəm əmndeget mbel na ɗəf məs dəgəɗ səm zəga ɓaŋ akam ɓa. Vi is Yawe tə, kədaɗɗa va kəŋgələ.»

¹⁵ Sissiŋ na, aslanənək Yonas, azganən aret iŋkile, yas barkataŋ aɓətaŋ dawbay gəgay.

¹⁶ Vini ɗiy naddəv bəlay geslne arme sən Yawe diyɗa. Azaɓən-maŋgəlva, aynanənək met taŋtaŋ nazbani.