Yohanna 15 - Bible en Guidar

Yesu, megezlembirke an gegesiŋ

¹ Yesu amna: Naw megezlembirke an moggon nani, Əbba yi afən guli net megezlembirkeɗi.

² Kivan məs dəsap azaw pak, an awa ɓa, wabəla. Ya kivan məzuwa, wazaɓani vi dəwəgən diyɗa dayki lahəŋka.

³ Məzaɓokum kənanaŋ səkay də əpel məs nəpel sukum.

⁴ Məssoŋ addəvu va nəsaw addəvkum. Vaska'e kivan an dəsap aza megezlembirke ɓa, aɓap na uwa sən kiyən ɓa. Nokum vaski an kəsapaŋ də in ɓa.

⁵ Naw, intə megezlembirke, munokumtə kivani. Ɗəf dəsan addəvu va nəsaw addəvən nan wawə diyɗa, vi tay məs kədawɓap əɗɗaŋ məza in ɓa ɓa.

⁶ An ɗəf tay addəvu ɓa, məzgani a gizbe va kivani, waŋkələ. Kawndeti, kawndolti aka offo, dəzlaŋgəni.

⁷ An mənokum tat addəvwa, əpel naw tay addəvkum, məssõh an kəŋglaŋ pakə, wagəɗ sukum.

⁸ Addəv aŋki adawgagdakanən Əbba, an mənokum tat uwa diyɗa gəm an kəkkpaŋgək gewleɗ nawa.

⁹ Va Afən aŋgluwa, naw pak nəŋglukumko, məssoŋ addəv əŋgla nawa.

¹⁰ An kərmanənək an nəɗi naɗɗa, wakəssoŋ addəv əŋgla nawa, va naw nərma an Əbba aɗi naɗɗa, nəsaw addəv əŋgla nani.

¹¹ Nənah sukum wənəs na vi ənnek naw dəsangən addəvkum, ənnek nokum tamə dəknahgəni.

¹² Aŋki an məs nəɗiyə, məŋglu zukum va nəŋglukum.

¹³ Əŋgla tay mədayki va ɗəf dəpan zeŋgilen viyit bayneŋgiɗin ɓa.

¹⁴ Bayneŋgiɗu kənanaŋgə, an mənokum tat əɗɗa zəga an nəɗi sukum naɗɗa.

¹⁵ Nəyukum na məɗɗaŋ wəza nawa ɓa, vi məgəɗ wəza asən na an məs daya nan adaɗɗa ɓa. Wanəyukum na bayneŋgiɗwa, vi nərban sukumək an məs nəprəm səza Əbba pakə.

¹⁶ Munokum kəwelwən ɓa, in nəwelkum, nəɗikum kəddoŋgən vi kuwaŋgəni, uwa nokum dəsangəni, vi Afən dəpsukumgən an kədassohoŋ avan də iya naw pakə.

¹⁷ An nədawɗi sukum na, məŋglu zukum.

Dələv tay əzel Yesu dit ɗiy nani

¹⁸ An dələv tay əzelkum, məsən na anaw azel daabəŋ.

¹⁹ Va ɗiy na dələv kənanaŋ na, dələv waŋglu ɗiy na vawrayən. Ya adan səka dələv kəzzoŋ ɓa, nəwelkumuk səddəv dəlva, sən aski dələv adawzelkum.

²⁰ Məɗɗumon an məs nənah sukum: Məgəɗ wəza aday na ki daya nan ɓa. Va asərnən mawa wasərnən mokum. Va armanənək əpel naw, warmanən əpel nokumu'e.

²¹ Ya zəgeɗis pak waɗɗen sukumən aka wən na iya nawa, vi dəsənən məs dəslənu ɓa.

²² Va nəde ɓa gəm nəpel sit ɓa, kəta tahəŋ də mambray ɓa. Ya kakaŋ na, təki narma vet tay vi mambray net ɓa.

²³ Ɗəf dədawzelwa tay əzel Əbba'e.

²⁴ Va nəgəɗ wəza a walaŋgit məs ɗəf dəgəɗ ɗah ɓa ɓa, kəta tahəŋ də mambray ɓa. Ya kakaŋ na awleninke, də as pak azelmənək ina də Əbba.

²⁵ Agəɗ vasna vi əpel an məverin addəv mahenziŋ net dəknahgəni: Azelwənək aka mekeleŋ.

²⁶ Pay məzəbbah adazzani, məs nədawslən sukum səza Afəni, Əmpəs na gesiŋ məs dəgil səza Afəni. Ndəni dədawpel akawa.

²⁷ Nokum, mənokumtə miziwwe, vi far də wətəŋ nani mənokum tat də iyna.