Yeremiya 24 - Bible en Guidar

Kekelɗe sula də sokoyo

¹ Yawe arbə suwək kekelɗe sula də sokoyo, məziyit amazit aba gəla na Yawe, səza Nabukodonozor, məlĩ na Babilon aka Yekonya wətən Yoyakim məlĩ na Yuda dit ɗiy gugriɗ na wəza na Yuda, məsənaŋ əzaɓ zəga gəm məzaɓaŋ məkəɗəslaɗe na maddamba sə Yerusalem ake a Babilon.

² Sokoyo kekel taka moggoni sawɓa va muduvurziyo. Sokoyo naddəv kekel masulan mərayni sawɓa kawɓapi əzəmən ɓa sən əray nani.

³ Yas Yawe anah su na: Miy kədawla di Yeremiya? Yas nəzlan na: Sokoyeɗi: sokoyeɗ moggeti tahəŋ mogget sawɓa ya en mbəreyiti tahəŋ mbəreyit sawɓa hã kawɓapi əzəmit ɓa sən əray neti.

⁴ Əpel na Yawe ade suwək dawnəh na:

⁵ An Yawe Maŋgəlva na Israyel anah yaŋka: Va sokoyeɗ mogget sawɓeŋki, vaski nədawle mə Yudeɗ məs nəslən aka balam aka dələv net mə Kaldiyeɗ də ula sasãhti.

⁶ Nəziyək haraw aket də moggoni, wanəmndeget aka dəlvəŋka, wanirke nibzliw na ɓa, wanimpe niptiw na ɓa.

⁷ Wanəpsit maɗɗula dəsənwəngən na intə Yawe. Wassoŋ ɗiy nawa, ya naw wanəsaw Maŋgəlva neti an azzoŋguk azaw də mekret taka.

⁸ Va sokoyeɗ mbəreyit məs kawɓapi əzimit ɓa sən əray net day naka, vas nədakkpaŋgan Sedekiya məlĩ na Yuda dit ɗiy gugriɗ nani gəm ɗiy en dəppaŋ na Yerusalem məs dəssoŋ aka dəlvəŋka dit en naddoŋ aka dələv na Eziptə Yawe anahə.

⁹ Wanəkkpeŋget ka zəga nawki geslne' metiŋgini, ka zəga na geslne' mbərayən viyit milyeŋge naka dələv pakə. Kawreti yi, kawyə siti gəlya, kawmasi aketi, əray wasan aket a təki məs nədeɓɓehit adak temtemi.

¹⁰ Wanəki masalam aketi, mayã gəm gəbaymərma hã ndəɗaŋ mbo'oŋ kakãh səka dələv məs nəpsiti gəm sit efiŋgiɗti.