Wənməkkpaŋga 22 - Bible en Guidar

¹ Sləma ɗəf əgilye moggon adayək ki arya gədakə; kinenek day ki təbəz bəbara may meleŋge.

² Məsarya də məssahã aslaŋka, vi Yawe diɗɗe pakə.

³ Ɗəf an petpet an awlak əraya, ndən əɗama; ya net mitiɓiɓɗe na, ədawaŋ dəkani, ndəɗaŋ kan əzəmsahã akani.

⁴ Ərəh na əɓe'gən ki ɗəf na, ndəni geslne na Yawe, arya, gagdaka gəm zeŋgile.

⁵ Degirgeɗi may bizwil tahəŋ slerne'slerne' aka tive na ɗəf mə slokorslokoru; ɗəf dəŋgəl əga kiyən na, dəzar faraɗa səzani.

⁶ Akol sən maɗɗula gawla va an dəslə aka tive nani; vasna, an agalək zlaŋ amzlah na səkan ɓa.

⁷ Məsarya dədaska wəlet məssehẽŋɗe; məs dəmən akan tam balam na ɗəf məs dəpsən dəmna.

⁸ Ɗəf dəzlgə daraw na, zəga mbərayən adawpete; zleŋge naɗɗa mambray nan waŋgəslə.

⁹ Məzula sahã na, əzaɓ wasan akani, vi arɗəsənək way nan sən ɗəf məddakən.

¹⁰ Arɓahan məzuguzlo, vasna əkklop waɓətə, əgay də əzel wabaynən meti.

¹¹ Dəŋglu əssa makran bar də əpel na zəzay a man na, məlĩ baynani.

¹² Hara Yawe tay yarra aka əsəna; tay əzgan əpel na məzəm ki ɗəfa.

¹³ Mətampəl amna: «ɓoolu agilik appaka, wabaya!»

¹⁴ Met gil məpolkoyeɗ tay va vov kpukpumo; Ɗəf məs gədəv Yawe adawda akan na, wabət adaka.

¹⁵ Zəga na dərwa tay tippe a makra gawla, zleŋge nazga' dədawzargən səzani.

¹⁶ Məzəmgən sahã na ɗəf məddakən na, wakkpaŋgan məsarya; məvəl sən məsarya na, wakkpaŋ məssãhã.

Əsəɓ temtemi

¹⁷ Apak sləmoko, aprəm əpel net məsmaɗɗuleti, aɗi mokrok aka əsən nawã;

¹⁸ vi wakənan nek an kərmek tərra addəvko, wassoŋ ta'a a metteɓ moko.

¹⁹ Ka kiyuk dəsangən foŋgo aka Yawe na, nok van pak wanəkol suk kiyuk dəpaŋka.

²⁰ Təl ɓəɓay nəversuk wənɗe kpukpumɗe kaklaw hoku aka əsəɓ də əsən ɓa sa?

²¹ Vi karban suk an təstəsə, əpel an gesiŋ; ka kəɓapgən əzlaŋ də əpel təstəs sən ɗəf məzuslənko.

²² Kədappət ɗəf məddakən ɓa: vi məddakni yi! Kədaŋgrofoŋ məssãhã a təki nawtawwən ɓa.

²³ Vi Yawe wahãy ammbeti, wagəm zeŋgilet ɗiy en dəmohẽtin veti.

²⁴ Kədarma bayna də ɗəf mədəgədəv ɗarɗar ɓa; kədawdaw tive də ɗəf məs herɗe ɓa,

²⁵ vi kədawsərək də tive nan ka is kawbəta addəv bizwil ɓa.

²⁶ Kədassok məziwe aka dəmən na ɗəf ɓa, kədawtoŋ wən nan ɓa,

²⁷ kami adawgəmnən zəga nawvoŋ nok səmmbok an zəga nok tay nawfaɗən ɓa di?

²⁸ Kədaddergit meŋge en lahəŋ məs efiŋgiɗuk aziyaŋ ɓa.

²⁹ An kəwələk ɗəf məskokono addəv wəza nani, abet milyeŋge adawziwe, aziw na abet ɗiy nara guzli ɓa.