Wənməkkpaŋga 18 - Bible en Guidar

¹ Ɗəf məsan takərgən na, əŋgla nan adawkayan kaka'ə. Əsəɓ sən na, ndən ədagədəva.

² Dərwa annek də əsən ɓa, abbər ərban əɗɗum na makran ɓa.

³ An daraw adeke, əzel wade; wil tam ədawaŋ ammba zit də əra.

⁴ Əpel na ma ɗəf tay va iŋkile kpukpumɗe, va məlpa məknəhən də maɗɗula.

⁵ Tay lew əbbah sən məsdaraw vi kamzlagən ɗəf an təstəs səka an dəslə azan ɓa.

⁶ Metteɓ ma dərwa awsilgin əgaya, an adawpel na, ərga adawkayani.

⁷ Ma dərwa na, zəga an nawzaniyi; əpel nan bizwili sən kiyən.

⁸ Əpel na məndə gabba ɗəf tay va vəreŋ; ndən ətoŋ hã addivit herɗe.

⁹ Məsdədək azan aka wəza nan na, məlmay də afən əraya.

¹⁰ Iya na Yawe na, gəla gboloŋgboloŋ məɓayən nawɗam addəvni yi. Ɗəf an təstəs adak adanzan əssan kiyən foŋgo.

¹¹ Zəga nawrəh na məsarya na, ndəni marba gbogboŋ nani; aza əɗɗum nan na, tay va zlava məs kawrəhni sədak ɓa.

¹² Makra ɗəf tay əɓaygən kizən tak əraya; əɓe'gin kizə ɗəf dədaɗɗa daabəŋ ki gagdaka.

¹³ Ɗəf məzlan tak əprəm gabba wən na, vadərwa dit wil wassoŋ akani!

¹⁴ Əɗɗum na ɗəf dədabbah sən əɓəs gbəgba' nani; ya naway nasɓan an əɗɗum nan vanəs addakək di?

¹⁵ Makra ɗəf an də maɗɗula na, wakayan əsəna; sləmet məsmaɗɗulet dədawkayan əsəna.

¹⁶ Əvəl na ɗəf apparan sən zəni, awgapgən abet ɗiy gugriɗe.

¹⁷ Ɗəf məs dəpel daabəŋ addəv ətawwəna, əprəm na va təsə; ya an masula'ən məzuzel nan adek na, wakkpaŋgan tepelke.

¹⁸ Vẽpəlwa waziwgin əŋzla ma, awtawwən sə weleŋgit guromɗe.

¹⁹ Məlma an məkayan mamani adayək ki walaŋgəla məs ətoŋ adak tuwãhə; Əklopo tay va məkəɗəsla na maddamba na gəla na məlyã.

²⁰ Də ərəh na əpel na man ɗəf adawba; meŋ na man dədawkiyaŋ sənən əba.

²¹ Əmta də zeŋgile pak ammba va hərzlum ɗəfəŋgə; ɗəf an dəŋglu na, wazəm uwa nani.

²² Ɗəf dərah gulku, arahək əzaɓa. Kinenek arah səva Yawe.

²³ Məzuray na, də əkkam adawpele; məsarya nan əzlan na gagay.

²⁴ Baynaɗe meɓɓet awkaŋ ɗəf addəv əza, ya bayna maɓɓan awsan slorɗok day ki məlma.