Va'Atəŋ 5 - Bible en Guidar

Ɗiy gugriɗ təŋ səza Adam hã aza Nuwe ( 5:1-32 )

¹ Ɗerewel na iya na zev Adam yaŋka: Gala Maŋgəlva azəməɗ ɗəfa, səɗek va Maŋgəlva azəməɗa,

² azəmiɗ ɗəf mizilin dət gulku, aɗɗa əzaɓ nan aketi, aye na ɗiyi, səza azəmiɗ ləŋgə.

³ Adam anziyək egge əzva səkat də kaklaw hoku; Adam awək wiyin dəgil va ndən pəteki, alvan na Set.

⁴ Dərɓaga Adam awa Set na, azəvək əzva səkat dodopoɗo, awək kirin mezeŋgleket dit muguluŋgiti.

⁵ Wəzva na Adam anzi egge pak, səkat vaytak də kaklaw hoku, ndən zamə.

⁶ Set anziyək egge əzva səkat də sle', awa Enos.

⁷ Dərɓaga awa Enos na, Set anziyək egge əzva səkat dodopoɗo də buhul, awək kirin mezeŋgleket dit muguluŋgiti.

⁸ Əzva na Set pak na, səkat vaytak də kəlaw kiyən sula, ndən zamə.

⁹ Enos anziyək egge əzva kaklaw vaytak, awa Kenan.

¹⁰ Dərɓaga uwa na Kenan na, Enos anziyək egge əzva səkat dodopoɗo də kəlaw kiyən sle'i, awək kirin mezeŋgleket dit muguluŋgiti.

¹¹ Wəzva na Enos pak na, səkat vaytak də sle', ndən zamə.

¹² Kenan, anziyək egge əzva kaklaw buhul, yaŋ awa Mahalalel.

¹³ Sə dərɓaga awa Mahalalel na, Kenan anziyək egge wəzva səkat dodopoɗo də kaklaw poɗo, awək kirin mezeŋgleket dit muguluŋgiti.

¹⁴ Wəzva na Kenan pak na, səkat vaytak də kəlawiy, ndən zamə.

¹⁵ Mahalalel anziyək egge wəzva kaklaw sləre kiyən sle'i, ndən bok uwa Yered.

¹⁶ Sə dərɓaga awa Yered na, Mahalalel anziyək egge wəzva səkat dodopoɗo də kaklaw hoku, awək kirin mezeŋgleket dit muguluŋgiti.

¹⁷ Wəzva na Mahalalel pak na, agəɗək səkat dodopoɗo də kaklaw vaytak kiyən sle', ndən zamə.

¹⁸ Yered anziyək egge əzva səkat də kaklaw sləre kiyən sula, yaŋ awa Henok.

¹⁹ Sə dərɓaga awa Henok, Yered anziyək egge əzva səkat dodopoɗo, awək kirin mezeŋgleket dit muguluŋgiti.

²⁰ Wəzva na Yered pak agəɗək səkat vaytak də kaklaw sləre kiyən sula, amtə.

²¹ Henok anziyək egge əzva kaklaw sləre kiyən sle', awa Metuselah.

²² Sə dərɓaga awa Metuselah na, Henok adawək də Maŋgəlva, əzva səkat hoku, awək kirin mezeŋgleket dit muguluŋgiti.

²³ Wəzva na Henok pak agəɗək səkat hoku də kaklaw sləre kiyən sle'i.

²⁴ Adan Henok adaw də Maŋgəlva, ahhika, vi Maŋgəlva yi dəslani.

²⁵ Metuselah anziyək egge əzva səkat də kaklaw dodopoɗo kiyən buhulu, yaŋ awa Lamek.

²⁶ Dərɓaga awa Lamek na, Metuselah anziyək egge əzva səkat buhul də kaklaw dodopoɗo kiyən sula, awək kirin mezeŋgleket dit muguluŋgiti.

²⁷ Wəzva na Metuselah pak agəɗək səkat vaytak də kaklaw sləre kiyən vaytakə, amtə.

²⁸ Lamek anziyək egge əzva səkat də kaklaw dodopoɗo kiyən sula, ndən bok uwa wiyin mizilni.

²⁹ Alvan na, Nuwe, anah na: «wiynəŋ waffeten makram səza wəza tatwãh də wəzəmsahã naka dəlvafuŋ, məs Yawe araygənəŋka.»

³⁰ Dərɓaga awa Nuwe na, Lamek anziyək egge əzva səkat sle' də kaklaw vaytak kiyən sle'i, awək kirin mezeŋgleket dit muguluŋgiti.

³¹ Wəzva na Lamek pak agəɗək səkat buhul də kaklaw buhulu kiyən buhul, amtə.

³² Nuwe anziyək egge əzva səkat sle', gala awe may Sem, Kam, də Yafet.