Va'Atəŋ 22 - Bible en Guidar

Abraham aslak zən nawzaɓ-Maŋgəlva də Isak

¹ Dərɓeget wənɗəski, Maŋgəlva awlak naza Abraham dawnah sən na: «Abraham»; yaŋ amna: «In yakəŋkə.»

² Yaŋ Amna: «Agəm Isak, wutuk karmalay məs kəŋgələŋka. Dok aka dələv na Moriya, ataw su wəlan adak ka əvəl nawzla kurmbuɗuk aka taka net mossorgoɗe gugriɗe an nədawna suko.»

³ Abraham alvəɗək pumu, aynanək mazaŋga na koro nani, agəmək səret gewleɗ nan sula, gəm Isak, wətəni. Apɗakək motoffoɗe naɗɗa əvəl nawzla kurmbuɗuku. Ambatək a təki an Maŋgəlva anah sən naka.

⁴ Aka pay mahoko'ən, Abraham asilgən haran, awla təki nak səka faraɗa.

⁵ Abraham anah sit gewleɗ nan neki: «Nokum məssoŋ aŋ də koro; naw də gawlaŋ məmbatgən ədda wəgagdakan Maŋgəlva; məmndamgən azokum.»

⁶ Abraham aslet sin motoffoɗe naɗɗa əvəl nawzla kurmbuɗuk aka Isak wətəni; nan agəm offo gəm slohõ, addoŋ sulegit matakə.

⁷ Isak anah sən Abraham afən na: «Əbba», Abraham azlan səni: «In yakəŋkə wətuwa.» Yaŋ amna: «Slohõ dit motoffoɗe yeŋki; ya ŋgay wət time naɗɗa əvəl nawzla kurmbuɗuk van di?»

⁸ Yaŋ Abraham amna: «Maŋgəlva sən kiyən wapsəm wət time naɗɗa əvəl nawzla kurmbuɗukuŋka wətuwa.» Addoŋguk sulegit matakə.

⁹ Adan agapaŋ a təki an Maŋgəlva anah naka, Abraham arkək təki nawzaɓ-Maŋgəlva, ndən motoffoɗe kpuɓkpuɓ akani. Aɓruk Isak, wətəni, ndən kərək əkrəkən aka təki nawzaɓ-Maŋgəlva aket motoffoɗe neki.

¹⁰ Abraham van təl kawgəm slohõ kawtaw wəla wətən naka.

¹¹ Yaŋ maslay na Yawe, aya sə disiŋ amna: «Abraham! Abraham!» Yaŋ amna: «In yakəŋkə.»

¹² Yaŋ amna: «Kəppar vok aka wiyin ɓa. Kəgəɗ sən zəga ɓa, vi nəsənək kakaŋ na is tat əgeslne' sən Maŋgəlva adan kətak wətuk karmalay dapsu ɓa.»

¹³ Abraham le'gən haran na, awla ndargayã yaŋ mərman aza mohon addəvit gaslambeɗi. Abraham tek kãw ərma ndargayã, aɗɗa əvəl nawzla kurmbuɗuk dəndən a gəla wətəni.

¹⁴ Abraham alvan təki nan na «Yawe Zire»; adawyanən dəpaŋkan na: «Aka mossorgo metiŋ na Yawe as waknahə.»

¹⁵ Maslay na Yawe ayak Abraham sə disiŋ masulani,

¹⁶ Yawe aɗiman na: «In sən kiyu nəswayka: Adan kəgəɗ vaska, kətak wutuk karmalay dapsu ɓa,

¹⁷ wanəgəɗ suk zazaya, wanuwan zeŋvuk va ŋgərzleɗ na disiŋ, va hoyoŋko na ma pehe. Mazlalwõk watak maddamba net məzuzelɗe nani;

¹⁸ də mazlalwõk nədaɗɗa əzaɓ aket ɗiy naka dələv gboŋgu, vi kəprəmək mawa.»

¹⁹ Abraham amilik azet gewleɗ neki; asilyoŋguk addoŋ matak a Ber-Seba. Abraham asanək də gəla a Ber-Seba.

²⁰ Dərɓeget wənɗeski, mənah sən Abraham na: «Milka yakəŋ nat pak tuwə sənək kirin sən məlmuk Nahor:

²¹ Us, Tiz nani, də Buz məlməni, Kemu'el, afən Aram,

²² Kesed, Hazo, Pildas, Yidlaf gəm Betuwel.»

²³ Betuwel, awətək Rebeka. Dodopoɗeskiŋ Milka tuwə sən Nahor, məlmən Abraham.

²⁴ Re'uma, gəra Nahor, tuwə sənəka: Tebah, Gaham, Tahas gəm Ma'aka.