Roma 9 - Bible en Guidar

Israyel addəv an Maŋgəlva aziwgini ( 9:1—11:36 ) Maŋgəlva dit ɗiy en məs aweli

¹ An nədawnəhəŋka gegesiŋ addəv Kristu, wən nədawa ɓa, kpukpum na makraw tay əpel su akan də Zeŋgile Salala.

² In tat də tatwãh diyɗa gəm əzəm sahã məza arsla ɓa a makrawa.

³ Wanətaf mahanay na Maŋgəlva kəta gəm uɗak də Kristu vi wən net milmiŋgiɗwa, həlfiŋgiɗu net mbeli.

⁴ Ndəɗaŋ mə Israyelɗe, məs əkkpaŋ kirtin Maŋgəlva, gagdaka, wənmiynaɗe, mahenziŋ, əpala gəm iynama assoŋ ka neti,

⁵ ndəɗaŋgə dəha məkuturkutur, məs Kristu agil səzet dəwəl sit mbeli. Tay aka zəga pakə, soko sən Maŋgəlva hã faɗə. Amin!

⁶ Vasna, əpel na Maŋgəlva tay də ətərwəray ɓayi ɓa. Vi zeŋvit mə Israyelɗe pak mə Israyelɗe əŋgə ɓa.

⁷ Mãy vi assoŋ kirtin Abraham na, kirtinəŋ pak ɓa. Də Isak kədawrəh kirin nawya kirtuko.

⁸ Va ənah na, kirin net mbeliŋ kirtin Maŋgəlva ɓa, kirin na iynama əŋgə naŋɗa ka zeŋve.

⁹ Vi aŋki əpel na iynama: «Ya pay va yaŋkəŋka, wanəde, Sara watərah wiyna.»

¹⁰ Aski kaka ɓa, vas agəɗ dət Rebeka'e, təɗi daway də ɗəf taka Isak afəmə.

¹¹ Tak məweti ɓa, moggoni awaniɓa mbərayən tay aɗɗaŋ ɓa, ka uwel na Maŋgəlva dəsangən faɗə,

¹² dəziw aka əɗɗa wəza net ɓa, aka iya nani yi, ndəni anah sət na Rebeka na: An daya wasan ammbat təl sawã.

¹³ Va məverin na: Yakob nəŋgələ, Esaw nəzeli!

¹⁴ Mbar mədawnah kan di? Təstəs tay aza Maŋgəlva ɓa sa? Tay vas ɓa!

¹⁵ Aɓsən Moyis na: Wanəwəl sahã aka ɗəf məs nəŋgəl ulasahã akani, wanula sasãh ɗəf an nəŋgəl nawla sasãhni.

¹⁶ Vas kan na, wən nan dəsil səza əŋgla na ɗəf ɓa, awaniɓa səza gurom na ɗəf ɓa, səza Maŋgəlva məzula sahãy yi.

¹⁷ Vi an Məverin tay ənah sən Farawən na: Nəɗikuk məlĩ nzeɗ vi karban əɓap naw dənduko gəm vi iya naw dəbbalgən aka dələv pakə.

¹⁸ Vas kan na, tay ulasahã aka ɗəf va aŋgələ, tay əɓɓəlan ki ɗəf va aŋgələ.

Ədagədəva gəm ula sahã na Maŋgəlva

¹⁹ Kuzuŋ wakənah kan na: Sən mi adawɓuh man di? Ya naway nawɓoŋ sən əŋgla nan di?

²⁰ Ya is ɗəfa, nawa kənan kawbay ma də Maŋgəlva di? Ya zəga məzaɓən wanah sən ɗəf məs dəzaɓ na: Vimi kəɗɗu vaŋ di sa?

²¹ Mərka tay də gagdak aka dələv narka, ka kaɗɗa zəga an na sləma gəm an na sləma yi ɓa də dələv məllaɓəŋ takaŋ ɓa sa?

²² Ya an Maŋgəlva aŋgələk ərban ədagədəv nan gəm ərban əɓap nan na, aɓəs sitik mesteɓet na ədagədəv nan diyɗa, məs məzeɓit ka nawzet,

²³ gəm karban diyɗa na gagdak nan sit mesteɓet na ulasahã məs azaɓ dafsən sən gagdaka,

²⁴ mənam məs ayə'e, sə walaŋgit mə Yudeɗi kaka ɓa, ya gəm sə walaŋgit ɗiy-ɗar əmpa.

²⁵ Va anah addəv Hose'a na: Ɗiy en nawəŋ ɓa na, wanəye ɗiy nawa. Məs nəŋgliw ɓa tam na, məs nəŋgələ.

²⁶ A təki məs adawnah sitin na: «Ɗiy naw kənanaŋ ɓa!» Adaki adawyenin na: Kirtin Maŋgəlva madarani.

²⁷ Isaya apelik aka wən net mə Israyelɗe na: An əŋɗa net məs Israyelɗe asanək va hoyoŋko a pehe zlaŋ, en məs dəmbraŋ nawkõhoŋgu.

²⁸ Vi Daya waknahan əpel nan gərak aka dələv na, waɗɗa go'u.

²⁹ Ya vaŋki Isaya anah dafsəni: Va Daya Məzuɓappak dəpəl səm zeŋvəm ɓa na, waməkkpaŋ kəta va Sodom, kəta waməslə də Gomorra.

Mə Israyelɗe gəm əkõh də ətafa

³⁰ Mbar mədawnah kakaŋ kandi? Ɗiy en ɗar məs dəkayanən təstəs ɓa, arəhaŋgək təstəse, təstəs məs dəde səza ətafa.

³¹ Ya mə Israyel akayanənək mahenziŋ na təstəsə, ndəɗaŋ solõt ki mahenziŋ.

³² Vimi di? Vi dəkayanən də ətaf ɓa, ya va səza wəza adazzani. Ataŋgbayãŋgək aza gərəm nawtangbayã.

³³ Va məverin na: Awle, a Siyon nədawɗi gərəm nawtaŋgbaygit ɗiyi, milɓe məzləb ɗəfa. Ɗəf məs dətaf pak, arbə na wil ɓa.