Roma 6 - Bible en Guidar

Mimtit sə kəlaza mambray mederet addəv Kristu

¹ Mbar mədawnəh kandi? A məsam addəv mambray vi mbəlembəle dənzlərgən sa?

² Agəɗ na vas ɓa! Mbari mənam məs məsam məmtən sə kəlaza mambray mədawsam əmpa addəv mambray di?

³ Kəsənnən na mənam pak məs mərah baptem addəv Yesu Kristu na, addəv əmta nan mərah baptem ɓa sa?

⁴ Ɗə baptem mərah addəv əmta nani məndəkəmi dəndən, vi va Kristu asil səret ɗiy mimtiti, də gagdak na Afəni, vaski namə'e mənam tat ədaw addəv zeŋgile meleketeni.

⁵ Vi an məsapək dəndən addəv əmta məs dəgil va nani, asna waməsil səka əmta va nani.

⁶ Məsənək na, ɗəf nam məzvan na məkkpa'ni dəndəni, ka gəba zəm na mambray dəkkpaŋgən ɗarə gəm mədawsam belemɗe na mambray ɓa.

⁷ Vi ɗəf dəmtə na, na kini səza mambray.

⁸ Ya an məmtək də Kristu, mətafək na, waməsam madaram dəndəni.

⁹ Məsənək na Kristu asilik səret ɗiy mimtiti, amtə na əmpa ɓa, əmta azəm na məlĩ akan əmpa ɓa.

¹⁰ Vi an amtəka, sə kəlaza mambray amtə təl taka ka faɗə, ya an tay madarani, vi Maŋgəlva yi asan madarani.

¹¹ Vaski yi'e nokum, mula zukum va məmtukum sə kəlaza mambray gəm modorokum sən Maŋgəlva addəv əsap nokum də Yesu Kristu.

¹² Ya mambray adawzəm məlĩ aka gəɓa zukum məs namtaŋ ka kawɓe' sən əŋgla nan ɓa.

¹³ Kədappetin zəgeɗ na gəɓa zukum sən wəza na mambray va zəgeɗ nalpa vi mbərayəŋ ɓa; ya dərəŋ na məɗi zək nokum sən wəza na Maŋgəlva va ɗiy mederet dəmilyoŋ səka əmta, məɗi zəgeɗ na gəɓa zukum va zəgeɗ nalpa vi təstəs na Maŋgəlva.

¹⁴ Mambray azəm na məlĩ akokum əmpa ɓa, vi ammba gagadak na mahenziŋ kənanən ɓa, ya ammba mbəlembəle yi.

Aka wəza təstəsə

¹⁵ Mi kandi? Waməzban əɗɗa mambray vi mənam tat ammba gagdak na mahenziŋ ɓa məsam ammba mbəlembəle sa? Agəɗ na ɓa!

¹⁶ Kəsənnən na, an kəppanənək zukum sən ɗəf va belemɗe kawɓe' sən na, belemɗe na ɗəf məs kədawɓe'eŋ sənən kənanaŋ ɓa sa? An sən mambray məzuka ɗəf əmta yi, awaniɓa sən əɓe'e məzuka ɗəf addəv təstəsə.

¹⁷ Ya soko sən Maŋgəlva, lahəŋ na, belemɗe na mambray kənanaŋgə, ya kakaŋ na, munokum tat əɓe' sən tive məs əya arban sukum də mokrokum taka.

¹⁸ Ya səza məpəlkum səddəv mambraya, kəkkpaŋgaŋgək belemɗe na təstəsə.

¹⁹ Va ɗəf nadawpele, vi əddak na gəɓa zukum. Va kəppetin zəgeɗ na gəɓa zukum ka belemɗe na ərnoko gəm na mbərayən, ka sən mbərayni, vaski, kakaŋ na, məɗi zəgeɗ na gəɓa zukum ka belemɗe na təstəs ka nawɓay addəv salala.

²⁰ Aka kəssoŋ belemɗe na mambraya, də kiykum kənanən səkəla təstəsə.

²¹ Mi kərəhaŋ kan də wəza nan di? Gesiŋ wil tay ədukumən sit zəgeɗ kəɗɗaŋ vet kakaŋka, vi əgrak net zəgeɗ vet əmta yi.

²² Ya kakaŋ na, adan məpəlkum səka mambrayə, kəkkpaŋgaŋgək belemɗe na Maŋgəlva, mənokum tat ərban ədaw addəv salala, əgrak nan na zeŋgile nassa faɗi yi.

²³ Vi əfaɗ na mambray na, əmta yi, ya əvəl na mbəlembəle na Maŋgəlva na, zeŋgile an faɗ məs mərah də Yesu Kristu Daya nami.