Nehemi 12 - Bible en GuidarIya net məsdəlveŋge dit mə leviɗe 1 Eŋkiŋ məsdəlveŋge dit mə leviɗe məs dəmulyoŋ səka balam də Zorobabel wətən Salatiyel gəm Yosuwa: Seraya, Yirmeya, Ezra, 2 Amariya, Malluk, Hattus, 3 Sekaniya, Rehum, Meremot, 4 Iddo, Ginetoy, Abiya, 5 Miyamin, Ma'adiya, Bilga, 6 Semaya, Yoyarib, Yedaya, 7 Sallu, Amok, Hilkiya gəm Yedaya. Də pay na Yosuwa na, ndəɗaŋgə deyeɗe net məsdəlveŋge. 8 Mə leviɗe yeŋ may Yosuwa, Binuwi, Kadmiyel, Serebiya, Yuda, gəm Mataniya məs dədawya gəlyeɗe nawgagdakan Yawe dit milmiŋgiɗin, 9 gəm Bakbukiya də Unni milmiŋgiɗti, dədassoŋ abet sən əga. 10 Yosuwa dəwa Yoyakim, Yoyakim dəwa Eliyasib, Eliyasib tam Yoyada, 11 Yoyada dəwa Yonatan, yaŋ Yonatan awa Yadduwa. 12 Aka pay na Yoyakim, məsdəlveŋge en dəssoŋ daya na məlma net yeŋki: na Seraya ndəni Meraya; na Yirmeya ndəni Hananiya; 13 na Ezra ndəni Mesulam; na Amariya, ndəni Yohanan; 14 na Meliku, ndəni Yonatan; na Sebaniya, ndəni Yosef, 15 na Harim, ndəni Adna; na Merayot, ndəni Helkay; 16 Zakarya dəsan daya net may Iddo, Mesulam dəsan daya net may Gineton, 17 Zikri dəsan daya net may Abiya. Daya net may Miniyamin tay, Piltay dəsan daya net may Mowadiya, 18 Sammuwa dəsan daya net may Bilga, Yonatan dəsan daya net may Semaya, 19 Mattenay dəsan daya net may Yoyarib, Uzi dəsan daya net may Yedaya, 20 Kallay dəsan daya net may Sallu, Eber dəsan daya net may Amok, 21 Hasabiya dəsan daya net may Hilkiya, gəm Netaneyel dəsan daya net may Yedaya. 22 Gala Eliyasib asan daya net məsdəlveŋge, siske Yoyada, siske Yohanan gap aza Yadduwa na, iya net mə leviɗe migil gəla pak tay məverin addəv ɗerewel na iya net ɗiyi; Vas məɗɗa'e də iya net məsdəlveŋge, hã gap aza pay na Dariyus asan məlĩ metiŋ na Persiya. 23 Iya net mə leviɗe en migil gəla awsana'e addəv ɗerewel məs məver alabaraɗe en tekteki, ya as nan də pay na Yohanan wətən wətən Eliyasib iyi kaka'ə. 24 Deyeɗe net mə leviɗe, anet may Hasabiya, Serebiya gəm Yosuwa wətən Kadmiyel, assoŋguk amaheret mə leviɗe, vi karga veti, may kawgagdakan Maŋgəlva, an pay na wəza net agapka; adaɗɗaŋ vasna, kazban məs Davit ɗəf na Maŋgəlva arbani yi. 25 Məgaŋ metiveɗ, anet may Mataniya, Bakbukiya, Obadya, Mesulam, Talmon gəm Akkub, net wəza net na, əga gəla məs məkkelet zəgeɗ addəvən, go'o ezet metiveɗ na gəla na Maŋgəlva. 26 Aɗɗanən wəza net na, aka pay na Yoyakim wətən Yosuwa, wətən wətən Yosadak iyi, gala Nehemi asan daya na kivadəlva, Ezra tam asan məsdələv mərbəwən aka mahenziŋ na Maŋgəlva. Nehemi tay əpesl zlava 27 Adan məvã zlava na Yerusalem na, yaŋ məye mə leviɗe səkki assoŋ də gəla baymeti, vi kaɗɗa wəzləra metiŋgin a Yerusalem nawpesl zlava addəv ənneke, də əfet temtemi gəm də gəlya, dit ndayɗe, gəzləŋtəndəŋɗe, may gaŋgara. 28 Məyaŋ gəlya akkalanənək ziti: azzoŋguk sə ma poho na Yerusalem may sə Netofa 29 gəm sə Bet-Gilgal, səka dələv na Geba də Azmawet, vi məyaŋ gəlya arkaŋgək walaŋgəleɗe sulək kiy Yerusalem. 30 Məsdəlveŋge dit mə leviɗe dətəŋnən əbbur ziti. Siske abburin ɗiy pakə, səɓɓan kan apeslnin maddambeɗe də zlava naka walaŋgəla vani. 31 Yaŋ nəpeŋgit ɗiy gugriɗ na Yuda aka zlava. Nəziwgit məyaŋ gəlya gəlet ŋgbimŋgbim sula. Vanday maddaabəŋ ambat dəka va dəzəŋ, dəka ki zlava, heret sek də maddamba na dagərgiya. 32 Ɗiy en dədadawaŋ dərɓeget məyaŋ gəlya yeŋki: Hosaya sap də wəɗak net ɗiy gugriɗ na Yuda, 33 gəm may Azariya, Ezra, Mesulam, 34 Yuda, Benyamin, Semaya gəm Yirmeya. 35 Səbbərən na, məsdəlveŋge məffoŋ mohoŋɗe. Siske na, Zakarya wətən Yonatan wət Semaya, Semaya wətən Mataniya, Mataniya wətən Mikaya, Mikaya wətən Zakur uwa na Asaf, 36 mekkeyeŋgiɗin, anet may Semaya, Azarel, Milalay, Gilalay, Ma'ay, Netaneyel, Yuda, də Hanani dəzbanəni; tahəŋ dit zəgeɗ naskəl aveti, məs Davit ɗəf na Maŋgəlva azaɓə. Ezra mərbəwən aka mahenziŋ na Maŋgəlva dədaw abet ɗiyiski. 37 Əgap net a maddamba net iŋkile miyma na, ndəɗaŋ heret sek əpeŋ wəlaŋ maha na walaŋgəla na Daviti; azbanən dəka ki zlava vani, də təki asan zollo day ki gəla na Davit, addoŋ hã a maddamba net iŋkile, dəmmba pay nampum na walaŋgəla. 38 Masula' vanday net məyaŋ gəlya ambatək dəka va zlaɓay. Nəzbetike, dəka ki zlava, də wəɗak na dula net ɗiy ammbawa. Mədawək də maŋgava təki adawyaŋ na Gulo, məl də təki zlava asan sloproku; 39 mətoŋguk dəka maddamba na Efrayim, dəka maddamba na Yesana gəm dəka maddamba net kilfi; gəm dəka gəla məɓayən na Hananeyel gəm dəka gəla məɓayən adawyaŋ na, gəla net səkatɗe, mənam toŋ ki maddamba net timeŋgiɗ muguluŋgiti, miziw a maddamba nawga. 40 Vandayɗe net məyaŋ gəlya sulegit pak azəweŋgək addəv gəla na Maŋgəlva. Naw pak in ziw, dit mətawaŋwən məzəwdawaŋ ammbaw pakə. 41 Məsdəlveŋge Eliyakim, Maseya, Miniyamin, Mikaya, Eliyohenay, Zakarya də Hananiya də mõhõ aveti. 42 Maseya pak tay, dit may Semaya, Ele'azar, Uzi, Yohanan, Malkiya, Elam gəm Ezer. Məyaŋ gəlya aslanənək wəlet hã disiŋ, Yisraya yi daya neti. 43 Dəpasək na, məziyi mbel afuŋ diyɗa dəka ənnek na wəzləra. Vi Maŋgəlva aknihik ɗiy nan də ənnek diyɗa. A Yerusalem na, zit gil dit kirin memeɗeŋɗe tam annekeŋgik sawɓa, hã gugoyo net əprəm səka faraɗa. Hara zəga nawzəm net məsdəlveŋge də an net mə leviɗe 44 Pay dəpas na, məɗiyi zel nawga gəleɗe məs məzi zəgeɗ addəvit va: əvəl an məgəm na zəga an dəsɓaŋ daabəŋ pakə, may makəlawan na zəga na mabardaw. Adaki ɗiyis adakkalanən hara zəga na mabardaw məs mahenziŋ aŋgəɗ napsit məsdəlveŋge dit mə leviɗe. Zəgeɗ vetis en mərəh səddəvit gulyeŋge məs dəterwəslnin walaŋgəleɗe gugriɗiŋgə. Ɗiy na Yuda beymet annekeŋgək də wəza net məsdəlveŋge dit mə leviɗe, 45 aɗɗannək wəza sən Maŋgəlva gəm mahenziŋ nawki zazaya. Məyaŋ gəlya dit məgaŋ maddamba zlaŋ, net pak adawaŋgək aka mahenziŋ na Davit də an na Salomoŋ wətəni. 46 Vi far lahəŋ, təŋ səza pay net may Davit də Asaf, deyeɗe net məyaŋ gəlyaŋ məzədawgitin gəlyeŋge nawgagdakan Maŋgəlva gəm nawsokoni. 47 Aka pay na Zorobabel də an na Nehemi pak na, aza wəsɓəta mə Israyelɗe adapsitin hara zəga nawrəh net məyaŋ gəlya dit məgaŋ maddamba pakə. Gəm sit mə leviɗe zlaŋ, apsitin əvəl an məɗɗa ammbeti, mə leviɗe vet tam əpsit haran net məsdəlveŋge en zev Aron. |
All right reserved
Bible Society of Cameroon