Nehemi 10 - Bible en Guidar

Ɗiy aynanənək nazban mahenziŋ

¹ Vi an dəgəɗəs pak kan na, məslerik də əziwgin mam taŋtaŋ nawver wən nan dəveri. Milyeŋge namə, mə Leviɗe namə dit məsdəlveŋge namə, aɗiyənək vet aka ɗerewel məverin vanəska.

² En dəɗiynən vet aka ɗerewel meverin van na, ndəɗaŋgə may: Daya na kivadələv adawyaŋ Nehemi wətən Hakaliya. Sedekiya,

³ Seraya, Azariya, Yirmeya,

⁴ Pashur, Amariya, Malkiya,

⁵ Hattus, Sebaniya, Malluk,

⁶ Harim, Meremot, Obadya,

⁷ Daniyel, Gineton, Baruk,

⁸ Mesulam, Abiya, Miyamin,

⁹ Ma'aziya, Bilgay gəm Semaya, beymet pak məsdəlveŋge.

¹⁰ Yosuwa wətən Azaniya, Binuwi zev Henadad, Kadmiyel

¹¹ dit milmiŋgiɗti, anet may: Sebaniya, Hodiya, Kelita, Pelaya, Hanan,

¹² Mika, Rehob, Hasabiya,

¹³ Zakur, Serebiya, Sebaniya,

¹⁴ Hodiya, Bani gəm Beninu, beymet pak mə leviɗe.

¹⁵ Dayeɗe net ɗiy veti, ndəɗaŋgə Pareyos, Pahat-Mo'ab, Elam, Zattu, Bani,

¹⁶ Bunni, Azgad, Bebay,

¹⁷ Adoniya, Bigway, Adin,

¹⁸ Ater, Hizkiya, Azur,

¹⁹ Hodiya, Hasum, Besay,

²⁰ Harif, Anatot, Nebay,

²¹ Magpiyas, Mesulam, Hezir,

²² Mesezabel, Sadok, Yadduwa,

²³ Pelatiya, Hanan, Ananiya,

²⁴ Hose'a, Hananiya, Hasub,

²⁵ Hallohes, Pila, Sobek,

²⁶ Rehum, Hasabna, Maseya,

²⁷ Ahiya, Hanan, Anan,

²⁸ Malluk, Harim gəm Ba'ana.

²⁹ Madambərgit ɗiyi, məsdəlveŋge, mə leviɗe, məgaŋ maddamba, məyaŋ gəlya, məɗɗaŋ wəzeɗe meɗmeɗ naddəv gəla na Maŋgəlva, gəm ɗiy-ɗar məs dəgohoŋ səzet ɗiy naka dələv net vi kazban mahenziŋ na Maŋgəlva, may gil neti, kirtit mezeŋgleket dit muguluŋgiti gəm en naprəmaŋ gabba wən pakə.

³⁰ Asapaŋgək azet milmiŋgiɗit en də gagdaka; azzoŋguk də iynan met də əsway ammban nazban mahenziŋ na Maŋgəlva məs məɗiyən də va Moyis gawla na Maŋgəlva gəm vi kazga sləma gəm kaɗɗa wəza dit əsəɓɗe na Yawe Daya namə dit tiveɗnanziya may mahenziŋɗe nani.

³¹ Mədapsit kirtəm sit ɗiy naka dələv van dəɗiningin ɓa, mədawgəm kirtit sit kirtəm ɓa.

³² An ɗiy naka dələv mbərən akiyaŋgək zəgeɗi awaniɓa zəga na mabardaw mawandi pak nawvəl pay naffete, mədalbəh səvet pay naffete may pay an salala ɓa. Məppetgin gulyeŋge wəffet aka əzva mabuhuloni, gəm mədattoket dəməneŋge en temtem ɓa pakə.

³³ Məɗiyək wən akam napsən taka səddəv hoku net koɓeɗ ammba wəza na gəla na Maŋgəlva,

³⁴ may vi peŋ napsən Maŋgəlva, may vi əvəl an naɗɗa pay pakə, may vi əvəl nawzla kurmbuɗuk pay pakə, pay temtem naffete, na təlaper, wəzləreɗi, zəgeɗ na matuya, may əzaɓ-Maŋgəlva navvuyon mambray na Israyel gəm vi wəza mawandi pak addəv gəla na Maŋgəlva namə.

³⁵ Mənam məsdəlveŋge, mə leviɗe, may ɗiy-ɗar pak na, məgəɗək vẽpəlwa a walaŋmə, vi kaɗɗa əvəl dit seseme nawki addəv gəla na Maŋgəlva, aza məlma na zəmə, də pay va məɗiyən aza wəzva pakə, vi kasɗa offo aka matuya na Yawe Maŋgəlva namə, va məverin addəv mahenziŋ.

³⁶ Gəm əmpa kawki zəga na mabardaw məs dəsəɓ daabəŋ sə guli namə, gəm uwa na wəlaŋga awandi pak dəsəɓ daabəŋ aza wəzva addəv Gəla na Yawe.

³⁷ Gəm tiziɗe na uwa namə gəm na arya namə, va məverin addəv mahenziŋ: uwa na bəlata gəm na zagara kawkiyən addəv gəla na Maŋgəlva nam sit məsdəlveŋge məɗɗaŋ wəza addəv gəla na Maŋgəlva namə.

³⁸ Gəm gəpa nam an moggoni, may əvəl nam an də uwa na wəlaŋga awandi pakə, mbazla na meketepe gəm melẽ; məkagən a maha na Gəla na Maŋgəlva nam sit məsdəlveŋge. Gəm əmpa makəlaw na zəga na guli nam sit mə leviɗe. Ndəɗaŋ mə leviɗe vetis dədawgəmnən makəlaw na zəga van sə walaŋgəleɗe gugriɗ məs mədaɗɗa wəza addivit pakə.

³⁹ Məsdələv an zev Aron dəsangən dit mə leviɗe pay adawgəmnən makəlaw na zəga. Mə leviɗe dəgəmaŋgən makəlaw na makəlaw na zəga, dəɗiynəngən addəv gəla na Maŋgəlva namə, addivit tuzoŋɗe na gəla na arya.

⁴⁰ Mə Israyelɗe dit mə leviɗe, dəkanəngən əvəl an də haykəmari, mbazla na meketepe gəm mẽl pak addəvit giziŋɗe neki; adaki zəgeɗ na ma gulo na gəla salala assoŋgu, may məsdəlveŋge naka wəza, məgaŋ maddamba gəm məyaŋ gəlya. Vasna, məppan na Gəla na Maŋgəlva nam dəman ɓa.