Mika 2 - Bible en Guidar

Ɗiy məzədaygənən gagdak neti

¹ Tatwãh aket məɗɗumoŋ mbərayən, məslanən zit aka zəga nawvoŋ net kaɗɗa mbərayən, təki əddaŋ na, ndəɗaŋ əɗɗani, vi tahəŋ də gagdak naɗɗani.

² An asimeŋgik gulyo, ndəɗaŋ əmõhuni; ya an gəlay yi, ndəɗaŋ əmõhuni; ndəɗaŋ əzəmgənən sãhã na ɗəf də gəla nani, əmõh arya na ɗəf vani.

³ Vini Yawe anahə: Nəzaɓanək tatwãh nawki aka mahəlfa məgəɗ vaska; kəkõhoŋ na ɓa, kədawaŋ na kiykum daŋga ɓa, vi pay an dədazzanəŋka pay na tatwãhi.

⁴ Pay nan dəpas na, kawyay yi gəlya na əhəm də mənokum, kawnəhi na: Agrakka, məmohõmi səkkay, atafənək ərəh net ɗiy nawa mbarmbar atafən səvaw di? Awɗakənək guli nam sit ɗiy məɓoŋti.

⁵ Vini kan kərah ɗəf taka nawpak helege kawslə suk təki a weleŋgit ɗiy na Yawe ɓa.

Ɗiy en dədawzelenən əpel na məskəleŋ

⁶ Ɗiy tay əklopoŋ suwən na, appan zev əklopəska, ɗəf adaklop vas ɓa; aka wənəs na əra agrak ɓa.

⁷ Vas kənah sa, gəla na Yakob? Əɓəs na Yawe agrakək sa? Wəza nan vaski sa? Əpel naw agəɗ na moggon sən ɗəf mədaw təstəs ɓa sa?

⁸ Lahəŋka, kəssoŋguk va məzuzelɗe net ɗiy nawa, Yawe anahə, kəmõhinik lukutɗe gugriɗ net ɗiy məzəmndoŋ səma əgaya məzəddoŋ kiyit foŋgo.

⁹ Kəɓɓihinik gil net ɗiy naw səddəv gəla an aŋglaŋgə kəgəmənək gagdak an nəpsit kirtit faɗə.

¹⁰ Misili! Məddoŋgu! Vi pay naffeti ɓa! Sən ɗarɗar nokum, tatwãh metiŋgin kədawgaŋgə.

¹¹ An ɗəf azbanək səmyã armak uwawəna, anahək na wanəgəɗ suk kəleŋ ka mbazla gəm ka zəga nawsa məhəsən! Wasan ka məgəɗ kəleŋ net ɗiyiŋki.

¹² Wanəkkolokum gərak mənokum ɗiy na Yakob, wanəkkelet mə Israyelɗe dəppaŋ medereti. Wanəsopokum va gilew a gazlaŋ va wasli a mawtaɗa. Wakəssoŋ ɗiy məɗɗaŋ hoyohoyo.

¹³ Məŋgar tive atoŋguk abeti; atilikinik təkiya atoŋgoŋguk də maddamba agilyoŋgu. Yawe məlĩ net dətoŋ abeti wadawgiti.