Məsdəlveŋge 2 - Bible en Guidar

Əvəl də zəga na mabardaw

¹ An ɗəf tay əki əvəl na zəga na mabardaw sən Yawe, əvəl van dəsangən gəpa kukuɗ məman mẽl akan gəm telembe nawzla a matuya;

² Dəkisitigin sit məsdilveŋge, kirtin Aron, dəndəgən gəpa kukuɗ van zloŋgu gəm mẽl nani gəm telembe nawzla na matuya pakə, asna məsdələv dəzlagən zəga naɗɗumonəs aka təki nawzaɓ-Maŋgəlva. As way məzlan məs məŋgənən nek aka Yawe yi.

³ An dəpəl səddəv əvəl vani, ka na Aron dit kirtin adawsani; səza hara way salala məzlan na Yawe yi.

⁴ An əvəl na zəga na mabardaw mədan də gəpa kukuɗ aka guloy na, dəsangən gəpa məpəpəla məza wuɗo ɓa məllaɓən də mẽlẽ awaniɓa gbirdidi məza wuɗo ɓa məkkesl mẽl akani.

⁵ An əvəl mədan aka kasli kəkiyə, dəsangən gəpa məslahəŋ də mẽl məza wuɗo ɓa;

⁶ Appesen meɗmeɗi, kəməgən mẽl akani, as əvəl na zəga na mabardawi;

⁷ An əvəl mədan aka kasli kəkiyə, dəsan gəpa mədan də mẽlẽ;

⁸ Kəkiygən əvəl mədan vas nak sən Yawe; dəpsəngən məsdəlva ka dəkagən aza təki nawzaɓ-Maŋgəlva;

⁹ Səza əvələska məsdələv dəndəgən haran na zəga naɗɗumoni, məs adawzla aka təki nawzaɓ Maŋgəlva. As əvəl nawzla kurmbuɗuk məs məŋgənən nek aka Yawe yi.

¹⁰ An dəpəl səddəv əvəl vani, ka na Aron dit kirtin adawsani; ndəni way an salala day vi səza əvəlməzlan-kurmbuɗuk sən Yawe yi.

¹¹ Əvəl tay kədawkiyaŋ sənən Yawe na zəga mədan də wuɗo ɓa; arbək na, kəzlaŋ na wuɗo may amama ka peŋ məhhətən sən Yawe ɓa.

¹² Kəkiningin va zəga an daabəŋ, ka əvəl sən Yawe, ya kawɗiti aka təki nawzaɓ Maŋgəlva va tursan məzəffok nek ɓa.

¹³ Aka əvəl an kədawki pakə, kəgəɗgən bətuwa; kədasgətan ɗah bətu na wənmiyna na Maŋgəlva nok aka əvəl nok ɓa; əvəl nok kədawki pak na dəsan sap də bətuwa.

¹⁴ An is tat əki əvəl na zəga maddaabəŋ sən Yawe, dəsan ki hay məpsan akoffo, hay meleketen mippeŋgin, ndən kədawki ka əvəl net zəgeɗ maddaabəŋ noko;

¹⁵ Kəmə'gən mẽlẽ gəm kəɗigən zəga məffok nek akani, aski əvəl na zəga na mabardaw;

¹⁶ Asna məsdələv dəzlagən zəga naɗɗumoni, hay məsərotən siɗikke, mẽl siɗikke sap də zəga məffok nek pakə. Aski peŋ məhhətən sən Yawe.