Markus 16 - Bible en Guidar

Əsilye na Yesu səka əmta ( 16:1-8 )

¹ Adan pay naffet atoŋgu, Miryam mə Magdala, dət Miryam ma Yakob gəm Salome albahaŋgək tursan vi kawmbat əppay sən kigəbay na Yesu.

² Də mompumo pum, pay maddaabəŋ na lumu taka, addoŋ a magamas də pay birndisse.

³ Anahaŋgək a walaŋ zit na, naway nawkəɗəŋgəl səm gərəm sə ma magamas di?

⁴ Vi gərəm nan metiŋgini sawɓa. Ya dəslanən heret na, awlanənək na məkəɗəŋgəlni gərəm van səkay.

⁵ Aguloŋguk addəv magamasə. Awlanənək gawla tay adak ɗewwe dəka dəzəŋ, aguluk lukut babara azan silip. Ageslne'eŋke.

⁶ Yaŋ anah sit na: Kədawgeslne'eŋ ɓa. Yesu mə Nazaret məs məkkpa'ən aka məzliwrihe kədawkayanən yaŋka, asilke, tay aŋ ɓa. Təki məs məvoŋgən van yaŋka.

⁷ Məddoŋ ənah sit gewleɗ nani gəm Piyer, wambat daabəŋ kikum a Galile. Adaki kədawlanən va anah sukum.

⁸ Ndəɗaŋ vit səddəv magamas ɓak ənzoŋ faraɗa, ndəɗaŋ ziw də əkker mbegit gərəŋgə. Dənahaŋ sənən wən nan sən ɗəf taka dayday ɓa vi geslne' armeke. [

Ərba gəm əpeŋ na Daya ( 16:9-20 ) Yesu tay ərban zən azat Miryam mə Magdala

⁹ Dərɓaga Yesu asil səka əmta, pay maddaabəŋ na lumu taka də mompumo pumu, arbanək zən daabəŋ azat Miryam mə Magdala, məs agilgit tuyeŋɗe səkat buhul nakə.

¹⁰ Təmbatək ənah sit ɗiy məs dəssoŋ dəndən lahəŋka, dəssoŋ addəv əɗəka gəm əhəma.

¹¹ Ya adan aprəmnən na: «Tay madarani gəm tulaka!», Dətafnən ɓa.] [

Yesu tay ərban zən azet gewleɗ sula

¹² Dərɓaga aska, Yesu arban zən də zən mbərən temtem azet ɗiy sula səmmbeti daddoŋ a walaŋgəla nawra.

¹³ Amilyoŋguk go'ləŋ ənah sit ɗiy en dəppaŋ, net pak dətaf sitin ɓa'e.] [

Yesu tay ərban zən azet gewleɗ nan kəlaw kiyit taka

¹⁴ Əgrak nan na, Yesu arbanək zən azet gewleɗ nan kəlaw kiyit taka aka pay adawzəmaŋgə. Azga sitik sawɓa vi tahəŋ də ətaf ɓa, gəm vi makra ɓəɓəl neti, vi dətafnən wən net ɗiy məs dulanən dərɓaga asil səka əmta ɓa.

¹⁵ Yaŋ anah sit na: Məddoŋ aka dələv baymani, məbbalan Wən Nenek azet ɗiy pakə.

¹⁶ Ɗəf məs dətafa, məgəɗ sən baptem wakõhu. Ɗəf məs dətaf ɓa kawtawi wən akani.

¹⁷ Zəgeɗ narbet ɗiy en dətafaŋ yeŋki: Warɓehetin tuyeŋge də iya nawa, wapeleŋ maɗe meleketeti,

¹⁸ warmaŋ dohõɗe də veti, an asaŋgək muffutu, sessel agəɗ sit na zəga ɓa, waɗiyən vet aket məmbər siti warəhən ziti.] [

Yesu tay əmndan aza Maŋgəlva

¹⁹ Dərɓaga Daya Yesu agrak əpel sit vaska, məslani a disiŋ asanək aka va dəzəŋ na Maŋgəlva.

²⁰ Yaŋ agilyoŋ addoŋgu, apelnin Wən Nenek təki pakə. Daya agəɗək wəza dənɗaŋ, arbanək gesiŋ na Əpel van dit sekeneɗi.]