Isaya 64 - Bible en Guidar

¹ Va offo adawzla maɓəra, va offo adawgəbiɗ iŋkile. Wakərban iya nok azet məzuzelɗe nok vaska. Ɗiy-ɗar wakkereŋ səboko,

² səza kəɗɗa sekeneɗ məs məɗɗum aket ɓa. Kəprikke, mossorgoɗe akkereŋ səboko.

³ Məprəmni ɗah ɓa sləma ɗəf dəprəm ɗah ɓa hara ɗəf dula ɗah na maŋgəlva maɓɓan mə bal suk tay dəgəɗ vas sit məs dəɗiyənən əɗɗum net akan ɓa.

⁴ Kədek əbbah sən ɗəf məzənneken zən də əɗɗa təstəsə, məzəɗɗumon nawdaw aka tive noko. Kədək gədəv akamə vi məgəɗək mambraya. Aket tiveɗiŋki'e mədawrah əkõho.

⁵ Mənam pak mənam tat va mərnokmə, wəzeɗe mogget nam tahəŋ va lukutɗe mərgẽti. Mənam pak məɓətək va gaslamba. Heslepe nam wakəm va səmyã.

⁶ Ɗəf tay nawya iya nok ɓa, tay nawsilye kadder azok ɓa. Vi kəɓoŋguk dawləmə, kəppamək əskot addəvit heslepeɗe namə.

⁷ Mbaraka na, Yawe istə afəmə. Membezleŋ mənani istə kərkəmə. Wəza na vok mənan baymam pakə.

⁸ Kədəgədəv diyɗa akam ɓa Yawe, kədaɗɗum aka heslepe nam pay pak ɓa. Kamə awləm mənam pak na ɗiy nok mənani.

⁹ Walaŋgəleɗe gugriɗ na salala tahəŋ hoŋgu Siyon akkpaŋgək kapta-muyã Yerusalem arayka.

¹⁰ Gəla Salala nam məs may efiŋgiɗim agagdakokun addəvən offo azəməka. Ya zəgeɗ na sləma pak arayaŋka.

¹¹ Viyit zəgeɗis pak na, wakərma zuk sa Yawe? Wakəsok ɓatɓat kawzəmgəm sãhã diyɗa sa?