Isaya 63 - Bible en Guidar

Əska wəla na Daya aket ɗiy-ɗarə

¹ Naway dədazzan hã sə Edom ndak di? Naway dədazzan sə Bosra dit lukutɗe pepreŋɗe ndak di? Ofkok-ofkok addəv lukut nan də gbogboŋ diyɗa. Intə nədawpel də təstəs də gagdak nawkõho.

² Vimi lukut nok asan pepreŋ, gəm zəga nawgul nok va məɗot megezlembirke a mozgoy nawɗotit di?

³ Takərgu nəndepet a mosgoyo, məza ɗəf taka səweleŋgit ɗiy azaw ɓa. Nəndepetik addəv ədagədəv nawa, gəm nəmbresletike ammba təlu addəv gagay nawa. Mbel net asoyuk azet lukutɗe nawa, nərge'etik zəgeɗ nawgul naw pakə.

⁴ Vi an na makraw na əmpəlkiya dəpaŋki; əzva nawkõhgit ɗiy naw agapəka.

⁵ Nəbbalanək harawa ya məzəbbah su tay ɓa! Nəsawək əɓuh mawa ya ɗəf tay dərma vaw ɓa. Vaw dəkohguwa ədagədəv naw dəmpəsu ɓəɓəla.

⁶ Addəv ədagədəv nawa nəndepetik ɗiyi, nərbəsitik wil addəv gagay nawa, nəggbo'ik mbel net afuŋgu.

Alabara na ulasahã na Daya

⁷ Wanəɗɗumon moggon na Yawe wanəɗi ki Yawe vi an agəɗ səm pakə, agəɗək mbəlembəle diyɗa sit mə Israyelɗe, apsit addəv ulasahã nani, gəm addəv əɗɗa moggon nan diyɗa.

⁸ Yaŋ anah na, net ɗiy nawəŋgə, kirin məs awaŋwən ɓaŋgə. Asanək məzukõh neti.

⁹ Addəv əzəmsahã net pakə, maslən tay aslən aban dəkõhgitgin ɓa, addəv əŋgla nani gəm addəv ulasahã nan abite, ndən dəsleti, adawgit pay pak addivit əvoŋɗe məs dətoŋgoŋ lahəŋka.

¹⁰ Yas net assoŋ məɓoŋti, adan sənən gədəv əmpəs nan salala. Akkpaŋgək məzuzel neti, akkpaŋgək əgay dənɗaŋgə.

¹¹ Ndəni ɗiy nan aɗɗumonən an dətoŋ farə, aka Moyis asan dənɗaŋgə: Ngay məs dəkkaɗgit ɗiy nan ki pehe, gəm gazlaŋɗe nan dit məzuteɗeŋɗe net di? Ngay məs dəɗi Zeŋgile salala nan kawsan aweleŋgit ɗiy nan di?

¹² Ngay məs gagdak nan metiŋgin dəsan aka va dəzəŋ na Moyis nak di? Ngay məs dənter iŋkile səbet ɗiy nani, dəgəɗ iya an faɗ sən ki zən nak di?

¹³ Ngay məs dədawgit addəv pehe nak di? Va pələs a kapta-muyã, məza ndəɗaŋ ətaŋgbãy ɓa.

¹⁴ Va zəgeɗ memeyẽɗ dawpirkoŋ a walaŋ. Əmpəs na Yawe adapsit əffete. Vaski Yawe adawgit ɗiy nani agəɗ sən kiyən iya gagdaka!

Əkkam nawɓuhma

¹⁵ Sə disiŋ, awələ; hã sə təki nassa na salala noko, gəm gagdak noko, awla an dədawrəhmə: Ngay əŋgla noko, gurom nalpa nok di? Ulasahã nok gəm əŋgla metiŋgin nok viyəm na agrakaŋgək sa?

¹⁶ Vi istə afəmə, Abraham dəsənəm ɓa, Israyel dəsənəm ɓa; is Yawe tə afəmə, is məs adawyukun far na Məzukõhgəmə.

¹⁷ Vimi kəppam məmzlahgən ɓa' məzəgən səka tive noko, makram aɓɓəl məppan əgeslne suk di Yawe? Amili vi əŋgla net məɗɗaŋ wəza noko mahəlfa net ɗiy nawray voko.

¹⁸ Ɗiy na salala nok dənziyaŋ səza atafən dələv ɓa; ya məzuzelmən andapanənək gəla salala noko.

¹⁹ Məkkpaŋgək va ɗiy məs kəzəm məlĩ nok akam ɗah ɓa, va məyani iya nok akam ɗah ɓa! Va disiŋ kəŋgar kədawprike! Mossorgoɗe wakkereŋ səboko!