Isaya 46 - Bible en Guidar

Meŋgilveɗ ɗar na Babilon aba Maŋgəlva

¹ Maŋgəlva Bel adoɗko, Maŋgəlva Nebo aɓeke. Məkrəkti zeŋgilet məzaɓən aket zəgeɗ memeyẽɗi. Zəgeɗ an kəslaŋ teptep ammba zukuməŋ, iyay ɗarə, zəga nawsla gədaki aket zəgeɗ memeyẽɗ məyeti.

² Aɓe'eŋke, adoɗoŋguk məstaka, dəɓap əkõhgənən zəga nawslas ɓa: ndəɗaŋ zək net addoŋguk aka balamə.

³ Məprəmwa, uwa na Yakob, mənokum məs kəppaŋ na Israyel, mənokum məs məslokum təŋ səddəvət mokum mənokum məs məslokum tak kulanən pay ɓa.

⁴ Va lahəŋ nədasaw hã gap in galə wanərma vokum, wanəɗɗa hã gap kiykum barə. Wanəslokum, wanərma vokum, wanəkõhgukum.

⁵ Ka naway kədaɗi wən di? Va naway kədawluwənən di? Də naway kədasləwən hara məsamgən məstaka di?

⁶ Ɗiy wakolnən ma gabal neti. Kawsla təbəz babar gəm meleŋge, tay əgəmaŋ məŋzla dəbay sitgin maŋgəlva məs adawgadakanəni gəm adappu'oŋ sənəni.

⁷ Waslanənən akki veti wapa'ənən, kaɗiyən a gəlani. Adak adawsani, adder na sə gəlan ɓa. An məyani zlaŋ azlan na ɓa. Akõhgən na ɗəf səddəv tatwãh nan ɓa.

Əkõh ɓa'i ɓa

⁸ Məɗɗum akani, məziw ɓəlɓələ, məzaɓan sə mokrokum, mənokum məɓoŋkum.

⁹ Məɗɗum aket zəgeɗ maddaabəŋ en farə: Intə Maŋgəlva, tay mbərən ɓa. Maŋgəlva tay va in ɓa.

¹⁰ Də ətəŋ nan far lahəŋka, nərbanək an dədazzani, gəm zəgeɗ en dəɗɗaŋ tagay ɓa səza an dətoŋgu. Nəmna: Əɗɗum naw yaŋka, wagəɗə. Wanəɗɗa an nəŋgəl pakə.

¹¹ Hã səmmba pay nampum, sə faraɗa nəya ɗəf va gazla; waɗɗa əɗɗum nawa. Ha'aw nəpelke, ha'aw wanəkiya niynanka wanəɗɗa.

¹² Məprəmwa, makra ɓəɓəlɗe məssoŋ ɓa səza təstəsə.

¹³ Təstəs naw gu'oyi, tay ɓa' ɓa! Əkõh naw wanzi ɓa, wanəpsən əkõh naw sən Siyon. Wanəpsən gagdak naw sən Israyel.