Isaya 4 - Bible en Guidar

¹ Pay dəpaska, gil buhul warmaŋ ɗəf mizilin taka də wənah sən na: mənamtə nawkayan əzəm namə mənamtə nawkayan əgul nam. Appam dəyəmən də iya nok kaka'ə ator wil səramə.

Ɗiy en dəndəwəɗaŋ na Yerusalem

² Pay dəpaska, zeŋve an Yawe agilgini, wasan moggoni gəm gagdak aka dəlva. Wakkpaŋ əmasa gəm ənnek azet ɗiy en dəndəwəɗaŋ na Israyel.

³ Asna, kawyani ɗəf an dəpəl a Yerusalem də ɗəf an dəpəl a Siyon na ɗiy salala, vaska'e ɗiy en məverit sə Yerusaləm vi dəssoŋgən medereti.

⁴ An Daya askoɓuk ərgã' net kirin muguluŋgit na Siyon gəm an aɓəlkitik mbel səddəv Yerusalem na, waffon səmyã na ətawwəna gəm na əza,

⁵ asna, aket mossorgoɗe gugriɗ na Siyon gəm aket ɗiy nakkalaŋgə, pay nan na Yawe warban slaybuwna, enene gəm hərzlum offo məzəwiɗ də dəfɗa. Gagdak na Yawe wasan zlalbay va gizlirke metiŋgini.

⁶ Guɗuk wasan ka zeŋgile vi təki kakãh na kapaya gəm kawga buwən maŋgalaw də buna.