Isaya 18 - Bible en Guidar

Əttəlet maslənɗe net mə Etiyopiɗe

¹ Əraya haya, dələv məs ɓaɓəlmet bəlayɗe məs persleket sula sula, məs dəssoŋ a met məlpeŋge na Etiyopi!

² Is tat əslən maslənɗe dəka pehe dit bəlayɗə məzeɓit dit vəlarɗe. Məddoŋgu, maslənɗe məs kakara anet dogomɗe da məs gəba zit məzəwiɗe, ɗiy məs adawgeslne'eŋ sitin aŋga di pakə təŋ səŋka hã bal adaka məs gbogboŋɗe, məzundepetin meseŋgitti. Məddoŋ aka dələv nokum dəsan a met məlpeŋge.

³ Ɗiy nammba dələv pakə, ɗiy en dəssoŋ aka dəlva, an məmpani gabaga nawsən dələv azan aka mossorgo metiŋ, kulanəngəni an məffoni mohõ kəprəməngəni.

⁴ Vi, vaski Daya Maŋgəlva anah su na: in tat ɓatɓat ula sə gəlawa va təki kakãh duroɓduroɓ ara paya va slaybuwən liplip addəv təki kakãh na mawala.

⁵ Vi tak mawala dəgəɗgəni, an uffiyeɗ ayyo'oŋko, an uwa net wəleŋɗe tay əsɓaŋgə, tay əgəmən slogoy kawkel kiva wəlaŋga an tay də ətər ɓa də gaslamba nani

⁶ Məzgeti sap pak sit mogdokɗe naket mossorgoɗe gəm sit zəgeɗ darawit nawra mogdokɗe wassoŋ akan də dabya, zəgeɗ darawit nawra wakkalaŋ akan də təla paya.

⁷ Pay dəpaski dogomɗe məs gəba zit məzəwiɗ gəm ɗiy məs adawgeslne'eŋ sitin aŋga pakə, təŋ səŋka hã bal adaka, məs gbogboŋɗe məzundepetin meseŋgiɗti, məs dələv net asan a met məlpeŋge, wakiyaŋ əvəl sən Daya Məzuɓappakə, wakinən əvəl net aka mossorgo metiŋ na Siyon akki iya na Daya Məzuɓappak asani.